Алтынньы 9 диэн Григориан халандаарыгар сыл 282-с күнэ (ордук хонуктаах сылга 283-c күнэ). Сыл бүтүө 83 күн баар.

• Аан дойдутааҕы почта күнэ
• Аан дойдуга Космос нэдиэлэтэ салҕанар (алтынньы 4–10 күннэрэ)
• Соҕуруу Кэриэйэ Соҕуруу Кэриэйэ — Хангыль (кэриэй алпабыытын) күнэ
• АХШ АХШ, Исландия Исландия, Норвегия Норвегия — Лейф Эриксон күнэ. Лейф Эриксон диэн Христофор Колумб быдан иннинэ Хотугу Америкаҕа сылдьыбыт скандинав айанньыта.
• АХШ АХШ — Национальнай нанотехнология күнэ
• АХШ АХШ, Канаада Канаада — Өрт уотун бохсуу күнэ
• Ииндийэ Ииндийэ — Дипломат сулууспатын күнэ
• Румыния Румыния — Холокост сиэртибэлэрин ахтар күн
• Уганда Уганда — Тутулуга суох буолуу күнэ (Британияттан, 1962)
• Япония Япония — Такаяма Күһүҥҥү бэстибээлэ

• 1446 — Кэриэйэ хангыль алпабыыкка көспүт. Бу иннинэ кэриэйдэр кытай иероглифтарын туһаналлар этэ.
• 1604 — Халлааҥҥа Үүт Суола галактикаҕа үөскээбит сверхновай сулус тыкпыт. Үс нэдиэлэ тухары күнүһүн даҕаны көстөр халлаан саамай чаҕылхай сулуһа буолан турбут.
• 1731 — Арҕаа Казахстаҥҥа Кыччыгый Жуз хаана Абулхаир джунгаардартан көмүскэл көрдөөн Арассыыйа подданнайа буолбут. Казахстан Арассыыйа импиэрийэтин састаабыгар киириитэ саҕаламмыт.
• 1917 — Дьокуускай уокуругун нэһилиэктэрин дьокутааттарын сийиэһигэр "Саха национальнай кэмитиэтэ" тэриллибитэ. Бэрэссэдээтэлинэн Василий Никифоров, солбуйааччынан Алексей Широких талыллыбыттар. Бу кэмитиэти саха бастакы бырабыыталыстыбатын прообраһын курдук сыаналааһын баар.
• 1918 — Уфааҕа кыһыллар чугаһаабыттарынан, Бүтүн Арассыыйатааҕы Быстах кэм бырабыыталыстыбата Уфааттан Омскайга көспүт.
• 1990 — Барнаул куоракка «Рок-Азия» диэн муусука бэстибээлэ саҕаламмыт (алтынньы 14 диэри буолбута). Бу бэстибээлгэ икки саха бөлөҕө кыттыбыта – «Сэргэ» уонна «Чолбон». Түмүгүнэн «Чолбон» бэстибээл уһулуччу бөлөҕө (супер-группа фестиваля) ааты сүкпүтэ.
• 1996 — "Саха Өрөспүүбүлүкэтин ытык киһитэ" ытык аат туһунан балаһыанньа Ил Түмэн уурааҕынан бигэргэтиллибит. Ытык аат Өрөспүүбүлүкэ күнүгэр — балаҕан ыйын 27 күнүгэр — түбэһиннэрэн Ил Дархан ыйааҕынан иҥэриллэр.
• 2006 — Хотугу Кэриэйэ бастакытын ядернай сэрии сэбин холоон көрбүт. Туох баар тутаах дойдулар, НАТО, Евросоюз бары бу холоон көрүүнү сэмэлээбиттэр.
• 2006 — Google хампаанньа YouTube видеосервиһи 1,65 миллиард долларга атыылаһарын туһунан биллэрбит.
• 2006 — Алтынньы 9-26 күннэригэр Дьокуускайга норуоттар ардыларынааҕы оунна нуучча дуобатыгар Аан дойду чөмпүйүөннэрин сыбаанньатын иһин маатч буолбут.

• 1547 — Мигел де Сервантес — Испания новелиhа, бэйиэтэ уонна драматурга. Кини magnum opus үлэтинэн буолар Дон Кихот, аан дойду биир бастыҥ новеллата уонна Арҕаа литература классиката.
• 1891 — Ян Полуян — Саха сиригэр Конфедералистар бастаанньаларын хам баттааһыны салайбыт киһи.
• 1892 — Иво Андрич — Югославия улуу суруйааччыта, 1961 сыллааҕы литератураҕа Нобель бириэмийэтин лауреата.
• 1913 — Роман Васильев — Саха сиринээҕи ил, баартыйа, ЫБСЛКС диэйэтэлэ, 1953—1956 сыллардаахха Саха АССР Совминын бэрэстээтэлэ. Мэҥэ-Хаҥалас улууһун (1985), Өймөкөөн улууһун, Алдан улууһун Ытык олохтооҕо.
• 1949 — Евгения Михайлова — 1997—2002 сылларга Саха Өрөспүүбүлүкэтин Үөрэҕириитин миниистирэ, 2010-2019 сылларга М. К. Аммосов аатынан Хотугулуу-Илиҥҥи федеральнай университет ректора, педагогика билимин дуоктара, профессор, Арассыыйатааҕы үөрэхтээhин академиятын академига. Российскай Федерация үтүөлээх учуутала, Саха Өрөспүүбүлүкэтин (2001), Бүлүү улууһун, Горнай улууһун ытык киһитэ.
• 1957 — Василий Гоголев — саха биллиилээх тустууга, ССРС спордун үтүөлээх маастара. ССРС үс төгүллээх чемпиона (1984, 1985, 1986), Европа икки төгүллээх чемпиона (1985, 1988), Аан дойду чемпионатын боруонса призера (1985). Чурапчы улууһун Ытык олохтооҕо.

• 1941 — Никон Романов — устуорук, саха маҥнайгы учуонайдарыттан биирдэстэрэ, Аҕа дойду Улуу сэриитин кыттыылааҕа. саха маҥнайгы учуонайдартан биирдэстэрэ.
• 1966 — Прокопий Добрынин — Саха сириттэн төрүттээх бастакы идэтийбит скульптор.
• 1967 — Че Гевара — аатырбыт революционер, хомуньуус бартыһаана.
• 1987 — Егор Федоров (20.10.1934 төр.) — филология билимин хандьыдаата, саха прозатын биир тутаах чинчийээччитэ.