龍歸 LONGGUI
龍歸站嘅站名
概覽
冧巴	326
位置	白雲區龍歸地區 106國道嘅K2466+135標記位
座標	23°17′7.44″N 113°18′10.44″E / 23.2854000°N 113.3029000°E / 23.2854000; 113.3029000
車站色
經過路線	3
啟站	2010年10月30號
月台數	1
站口數	3
營運資訊
車站服務時間	06:15—23:24
列車服務時間	06:10—23:29
廣州地鐵3號綫 體育西路　◄嘉禾望崗 （6.3km） （5.6km）人和►　機場北

龍歸站（粵拼：lung4 gwai1 zaam6；英文：Longgui Station）係廣州地鐵3號綫嘅車站，2010年10月30號開放，位置喺白雲區龍歸地區，106國道嘅K2466+135標記位。

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係3號綫月台。同大多數嘅3號綫車站一樣，冇休息室同廁所響度。

龍歸站係設計成冇柱嘅站廳而搞到個站廳好闊。而收費區喺站廳嘅東邊，周圍俾人行通道圍住嗮，而收費區嘅站廳同月台之間都有扶手電梯同樓梯接埋一齊。為咗方便啲去機場嘅乘客，站廳入面重設咗航班查詢出嚟。

站廳（喺2014年11月6號影）

呢個站有1個島式月台，喺106國道（廣州白雲龍歸地區）嘅地底。

月台（行機場南嗰邊，喺2014年11月6號影。）

龍歸站入面凈係得好少鋪頭畀乘客買嘢，凈係得2間便利檔響度。另外，入面亦得好少自助服務設施畀乘客用，包括咗自動櫃員機；重有充羊城通，交水電費同交通嘅罰錢、查地鐵嘅路線、頭尾班車同地鐵嘅安全指引嘅服務。

龍歸站冚唪唥嘅出入口
A出入口  B1出入口  B2出入口

呢個站有三個出入口，分別係A、B1同埋B2。自從2017年11月16號實施咗「人過安全門，物過X光機，液體過檢測儀」嘅嚴格安檢制度之後，除咗B1同B2出入口之間當成過街通道係毋須接受安檢之外，往返其它出入口之間都要接受安檢先至畀用。

冧巴	標記	方位	去到邊度
出入口A	106國道	北	106國道、金龍花園、龍歸農貿市場、龍歸墟巴士站、龍歸地鐵巴士總站
出入口B1	106國道	西	106國道
出入口B2	106國道	南	106國道、龍歸墟巴士站、龍歸地鐵巴士總站
註： 有盲人引導徑 | 有斜道 | 有輪椅升降臺

配線圖
█ 3號綫 ▲人和站
▼嘉禾望崗站

喺1997年嘅《廣州市城市快速軌道交通線網規劃研究（最終報告）》入面話咗喺106國道嘅龍歸墟地區嗰邊整個站出嚟，嗰時係2號綫嘅一個站。後嚟喺2000年嘅近期線網規劃調整方案話咗，將2號綫縮短到嘉禾而另外規劃咗一條新嘅機場快綫經過呢度。而2003年嘅規劃方案入面，機場快綫改成係3號綫嘅一部份。

喺2007年5月14號，地鐵3號綫北延段正式開始逳手起。原先話喺出咗嘉禾望崗站之後嘅北邊嗰橛，冚唪唥係高架站，但因為話要拆好多間房屋同改嗮啲高壓線路，地鐵公司就唔想喺高架線路附近搞出個災難性嘅影響，加上有人喺開始逳手起之前俾人猛咁整蠱個工地，結果佢哋將規劃話嘅高架地鐵冚嘭唥都改嗮喺地下。^[1]廣州市政府就決定加10億蚊嘅投資入去改成地下嘅地鐵，結果搞到落成時間拖咗9個月咁耐，一直到2010年7月份先至起好。

2010年10月30號，3號綫北延段開通咗之後，呢個站正式開放。

2019年5月28號，有位曹氏嘅男醉貓因爲無聊到貼底，喺呢個站嘅乘客意見卡居然寫咗話「要喺今年6月1號炸咗龍歸地鐵站」。事發之後，廣州當地啲差人同軍佬都好緊張兼第一時間關注呢單嘢，重喺各個車站安排加強安保措施。後嚟曹氏男醉貓喺事發第二日被當場叉住，重俾法院起訴佢因為亂製造恐怖信息而擾亂社會秩序，喺同年11月6號被判處7個月嘅監禁^[2]。

龍歸站喺白雲區106國道嘅龍歸鎮嘅集墟入面，係白雲區龍歸鎮嘅一個集墟細鎮，附近都係啲城中村、鄉下嘅地區同埋金龍花園、銀龍花園。每日都有好多客流去廣州嘅市區、機場、火車站呢啲地方。喺客流高峰期嗰陣都成日搞客流控制。而附近嘅巴士站重可以畀乘客去到廣州東北邊嘅地區都有。

另外，喺每個出入口附近成日都見到有拉客嘅五類車響度，不過呢啲車係冇王管，搞到出入站都好麻煩。

日班車：

龍歸墟站：

427、510、840、841A

龍歸地鐵站總站：

650、728、735、736、758、797、972

夜班車：

龍歸地鐵站總站：

86

• 龍歸城
• 華僑商務大廈
• 銀龍花園
• 金龍花園
• 夏良高橋公園

維基同享有多媒體嘅嘢：
Longgui Station

廣州地鐵3號綫
（轉主綫北段：←行機場北嗰邊） ＞ █體育西路 - █珠江新城 - █廣州塔 - █客村 - 大塘 - ▇瀝滘 - 廈滘 - 大石 - █漢溪長隆 - 市橋 - ██番禺廣場 　（支綫：←天河客運站嗰邊） 主綫北段：機場北（T2） - 機場南（T1） - █高增 - 人和 - 龍歸 - ██嘉禾望崗 - 白雲大道北 - 永泰 - 同和 - 京溪南方醫院 - 梅花園 - █燕塘 - █廣州東站 - █林和西（→喺體育西路轉） 支綫：█天河客運站 - 五山 - 華師 - 崗頂 - 石牌橋（→番禺廣場方向） 註：3號綫分為兩部份營運，其中： 主綫：機場北⇆番禺廣場 支綫：天河客運站⇆體育西路。 但實際營運交路同上邊嘅劃分唔同，分別係： 南瓜車：天河客運站⇆番禺廣場 飛機車：番禺廣場⇆機場北
未來發展 海鷗島 - 廣州新城東 - █海傍 - 金光大道 - 廣州新城西 - 番禺客運站 - ██番禺廣場 - 市橋 - █漢溪長隆 - 大石 - 廈滘 - ▇瀝滘 - █大塘 - █客村 - █廣州塔 - █珠江新城 - █體育西路 - █林和西 - ███廣州東站 - █燕塘 - 梅花園 - 京溪南方醫院 - 同和 - 永泰 - 白雲大道北 - ██嘉禾望崗 - 龍歸 - 人和 - █高增 - 機場南 - 機場北
睇 • 論 • 改 • 歷