新沙站（粵拼：san1 saa1 zaam6；英文：Xinsha Station），規劃期間先後嗌過象頸嶺站（zoeng6 geng5 leng5 zaam6；Xiangjingling Station）同復昌橋站（fuk6 coeng1 kiu4 zaam6；Fuchang Bridge Station），施工期間嗌過新沙路站（san1 saa1 lou6 zaam6；英文：Xinsha Lu Station），係廣州地鐵13號綫嘅車站，2017年12月28號開放，位置喺增城區新塘新沙大道北近新街村集市嗰邊。

佢既係廣州地鐵13號綫嘅東邊尾站，又係廣州地鐵最東邊嘅車站。

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係13號綫月台。雖然車站冇休息室，但有廁所同母嬰室喺月台西邊。

南崗站嘅站廳收費區喺車站北邊，南邊係過街通道。收費區有好多部扶手電梯同樓梯、專用𨋢往返月台都得。

呢個站有一個島式月台，喺新沙大道北近新街村三角市嘅地底。

另外，喺呢個站東、西兩邊分別有條雙存車線同埋波口位響度。專門用嚟畀列車到呢個站之後返轉頭。

呢個站冇商舖，但得兩臺自助服務。自助服務凈得部好易機同共享雨遮響度。

呢個站有3個出入口，分别係A、C，D。

冧巴	標記	方位	去到邊度
出入口A	新沙大道北	西南	新沙大道北、新街村巴士站（東北行）
出入口C	新沙大道北	北	新沙大道北、新街村巴士站（東北行）
出入口D	新沙大道北	西	新沙大道北、新街村巴士站（西南行）
註： 有盲人引導徑 | 有輪椅升降臺 | 有斜道 | 有專用𨋢

配線圖
█ 13號綫 ▲官湖站
▼終點

呢個站喺1997年嘅廣州地鐵規劃入面出現，嗰時嘅3號綫規劃經過呢度。喺2003年，雖然路線所經過地方保留咗，但路線名變成5號綫。隨後喺局部修改方案入面調轉咗兩條路線經過位，令路線經過所在地變成14號綫經過嘅地方，嗰時規劃路線去到新塘一帶。2008年又將14號綫分拆成兩半，呢條路線輾轉成為13號綫一部分，路線亦整到新街村附近重喺2012年先至將規劃定咗落嚟。

2012年12月7號，車站正式搞土建工程招標。本嚟好多媒體話佢要搞地面站，實際喺2013年9月26號嗰日開工之後變咗地底站^[1]。而工期直到2017年1月18號先至起好。盾構方面，其中左綫隧道喺2016年9月23號開挖，直到2017年3月11號先至貫通；而右綫隧道喺2016年8月14號開挖，直到2017年2月25號先至貫通。

2017年5月11號，喺呢個站搞嘅樣板段嘅機電安裝順利通過驗收。

2017年12月28號12:00，新沙站同13號綫一期段一齊開通。

呢個站喺初期規劃時嗌過象頸嶺站，但喺2016年9月22號嘅初定站名公告入面改成復昌橋站^[2]。隨後增城新塘鎮人民政府向廣州市有關部門提出建議將呢個站改名做新沙路站，原因係「復昌橋」個名冇幾多個當地人識，加上車站喺新沙大道兩邊^[3]。之後廣州地鐵集團將佢嘅建議斬咗個字，定名做新沙站重向廣州市民政局地名委員會申報，結果通過審批而改名做新沙站^[4]。

• 增城區新街小學
• 中鐵二局服務有限公司
• 廣州市淳風紡織助劑有限公司
• 新街村

維基同享有多媒體嘅嘢：
Xinsha Station

廣州地鐵13號綫
新沙 - 官湖 - 新塘 - 白江 - 沙村 - 南崗 - █夏園 - 南海神廟 - 雙岡 - █裕豐圍 - █魚珠
未來發展 新沙 - █官湖 - █新塘 - 白江 - 沙村 - 南崗 - 夏園 - 南海神廟 - 雙岡 - █裕豐圍 - █魚珠 - 珠村 - █車陂 - 棠下 - ██天河公園 - 白馬崗 - █馬場 - 石牌南 - █冼村 - ██花城廣場北 - 梅東路 - ██農林下路 - █建設六馬路 - 倉邊路 - █紀念堂 - ██彩虹橋 - █西場 - 羅沖圍 - 松溪 - 西洲 - █槎頭 - 凰崗 - 慶豐 - 朝陽
睇 • 論 • 改 • 歷