沙村 Shacun
沙村站嘅中英文站名（月台吊牌入面）
概覽
冧巴	1307
位置	增城新塘新塘大道西同温涌路嘅交界
座標	23°06′37.41″N 113°34′14.89″E / 23.1103917°N 113.5708028°E / 23.1103917; 113.5708028
車站色	+　焗漆柱
經過路線	13
啟站	2017年12月28號
月台數	1
站口數	3
營運資訊
車站服務時間	06:06～23:14
列車服務時間	06:11～23:09
廣州地鐵13號綫 新沙　◄白江 （2.4km） （3.1km）南崗►　魚珠

沙村站（粵拼：saa1 cyun1 zaam6；英文：Shacun Station），規劃期間嗌過温涌路站（wan1 cung1 lou6 zaam6；Wenchong Road Station），施工期間嗌過温涌站（wan1 cung1 zaam6；Wenchong Station），係廣州地鐵13號綫嘅車站，2017年12月28號開放，位置喺增城新塘鎮新塘大道西同温涌路嘅交界。

佢亦係廣州地鐵系統其一站內冇任何月台大字嘅車站。

呢個站一共有2層樓嘅地下區域，其中地下1樓係站廳，有票務設施，客務中心同車站警務室；地下2樓係13號綫月台。雖然車站冇休息室，但廁所同母嬰室喺月台西邊。

沙村站嘅站廳收費區喺車站北邊，南邊係過街通道。收費區有好多部扶手電梯同樓梯、專用𨋢往返月台都得。

呢個站有一個島式月台，喺新塘大道西同温涌路嘅交界地底。

另外，喺呢個站東北邊有條存車線，若果13號綫東邊出現冬瓜豆腐嘅話，去新沙啲車都會攞呢度做總站，之後喺呢條存車線返轉頭。屆時去白江到新沙啲乘客要轉其它交通工具先至可以到。

呢個站冇商舖，但得臺自助服務。自助服務凈得部共享雨遮響度。

沙村站冚唪唥嘅出入口
C2出入口  D出入口  E出入口

呢個站有3個出入口，分别係C2同D、E。

冧巴	標記	方位	去到邊度
出入口C2	新塘大道西	東北	新塘大道西、新世界花園北門巴士站
出入口D	新塘大道西	北	新塘大道西
出入口E	新塘大道西	西北	新塘大道西、南鹼大道北
註： 有盲人引導徑 | 有輪椅升降臺 | 有斜道 | 有專用𨋢

配線圖
█ 13號綫 ▲南崗站
▼白江站

呢個站喺1997年嘅廣州地鐵規劃入面出現，嗰時嘅3號綫規劃經過新塘一帶，不過2003年，雖然路線所經過地方保留咗，但路線名變成5號綫。隨後喺局部修改方案入面調轉咗兩條路線經過位，令路線經過所在地變成14號綫經過嘅地方，重喺黃埔東路出現咗南崗站同南鹼路站呢兩個站，位置分別喺開發區西區嘅丹水坑路口同埋開發區東區嘅康南路口。2008年又將14號綫分拆成兩半，呢條路線輾轉成為13號綫一部分，後嚟徵求過市民意見後斬咗南鹼路站，將路線向南移到新塘大道西嗰邊，重喺温涌路口加咗温涌路站^[1]直到2012年先至將規劃定咗落嚟。

2013年9月9號，車站正式喐手起。期間工程名將佢改成咗温涌站，而施工進度一直都好順利，卒之喺2015年聖誕節封頂。盾構方面，其中南崗⇄温涌路之間嘅22號盾構井兩邊嘅隧道從2015年3月17號開挖，直到2016年6月24號先至雙綫貫通嗮；而温涌路⇄東洲（今日嘅白江站）之間嘅24號豎井同25號盾構井，從2015年10月1號開挖，直到2016年11月29號先至雙綫貫通嗮。

2016年10月9號，增城區新塘鎮長向廣州市有關部門提出建議將呢個站改名。理由係「温涌」凈係沙村片區條涌仔，重調查過片區嘅歷史名人同海外華人、村民喺對外交流時，都習慣嗌「自己喺沙村嚟」^[2]。後嚟呢個建議俾廣州市民政局同意兼批准改名做沙村站^[3]。

2016年12月28號12:00，沙村站連同13號綫一期段開通之後，車站亦正式開放。喺開通嗰日朝頭早，E出入口隔籬搞咗「四綫齊發　八方通達」嘅大型通車慶典。

呢個站嘅出入口工程，其中喺白江村入面嗰兩個由地鐵公司搞，另外嗰一個係由樓盤開發商自己搞。

• 新世界花園
• 尚東陽光
• 學府名郡

• 西洲村
• 夏埔村
• 南埔村
• 南安村

維基同享有多媒體嘅嘢：
Shacun Station

廣州地鐵13號綫
新沙 - 官湖 - 新塘 - 白江 - 沙村 - 南崗 - █夏園 - 南海神廟 - 雙岡 - █裕豐圍 - █魚珠
未來發展 新沙 - █官湖 - █新塘 - 白江 - 沙村 - 南崗 - 夏園 - 南海神廟 - 雙岡 - █裕豐圍 - █魚珠 - 珠村 - █車陂 - 棠下 - ██天河公園 - 白馬崗 - █馬場 - 石牌南 - █冼村 - ██花城廣場北 - 梅東路 - ██農林下路 - █建設六馬路 - 倉邊路 - █紀念堂 - ██彩虹橋 - █西場 - 羅沖圍 - 松溪 - 西洲 - █槎頭 - 凰崗 - 慶豐 - 朝陽
睇 • 論 • 改 • 歷