注意：呢篇文章有統一碼中日韓越統一表意文字新版用字：㇐、㇚、㇏、㇒。如果你部電腦唔支援，嗰啲字就會錯誤顯示成空格、問號或者方格等。請睇睇Wikipedia:Unicode擴展漢字。

知識城站（粵拼：zi1*3 sik1 sing4 zaam6；英文：Sino-Singapore Guangzhou Knowledge City Station）係廣州地鐵14號綫嘅車站，2017年12月28號開通，位置喺黃埔區龍湖街道九佛墟東南角，378省道嘅K9+820標記位。

佢係廣州地鐵系統入面，英文站名最長嘅車站。曾經喺2017年12月28號頭班車開出之後到2018年12月28號14:00（UTC+8）期間，做過14號綫脫網營運嘅車站身份。

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係14號綫月台。雖然車站冇休息室，但廁所同母嬰室喺月台西北邊。

知識城站嘅站廳收費區喺車站西南邊，東北邊係過街通道。收費區有好多部扶手電梯同樓梯、專用𨋢往返月台都得。

呢個站有一個島式月台，喺九龍大道九佛墟東南邊近九佛醫院同九佛綜合市場之間嘅地底。

另外，喺車站東南邊有條雙存車線。若果14號綫東南邊嗰橛出咗冬瓜豆腐嘅話，去鎮龍站嘅列車就喺呢個站做總站，跟住入去雙存車綫返轉頭。屆時去鎮龍嗰邊啲乘客要轉搭其它交通工具先至到。

呢個站冇商舖，但得臺自助服務。自助服務凈得部共享雨遮響度。

知識城站冚唪唥嘅出入口
A出入口  B出入口

呢個站有4個出入口，分别係A、B同C、D。

冧巴	標記	方位	去到邊度
出入口A	九龍大道	西	九佛育賢路、地鐵知識城（九佛醫院）巴士站（西南行、東北行）
出入口B	九龍大道	南	九龍大道
出入口C	九龍大道	東	九龍大道
出入口D	九龍大道	北	九佛鎮建設路、地鐵知識城站（九佛醫院）巴士站（西北行）
註： 有盲人引導徑 | 有輪椅升降臺 | 有斜道 | 有專用𨋢

配線圖
█ 14號綫 ▲何棠下站
▼楓下站

喺2003年份地鐵規劃方案入面重未出現呢個站。2008年，由於份地鐵重新提出嗰時嘅新華綫廣從路段（太和⇆街口）改成14號綫一部分，重喺2010年落實廣州市嘅「北優」發展戰略同埋支持從化同埋知識城嘅發展而起成「人」字樣。期間經過呢個站^[1]。

• 2014年初，車站正式喐手起。
• 2016年5月15號，知識城南^{[註 1]}到呢站區間嘅右綫盾構隧道貫通。^[2]
• 2017年2月23號，楓下到呢站區間右線隧道順利貫通^[3]。
• 2017年11月2號凌晨，車站正式搞全綫營運前安全大檢查。
• 2017年12月3號，知識城綫嘅站廳同月台部分正式著燈。

2017年12月28號朝頭早，由於14號綫知識城支綫部份正式開通，呢個站亦正式開放。

喺規劃同起緊呢個站嗰時，站名曾經拗咗一餐。喺早期規劃時，站名開始嗌成知識城站。後嚟有九佛當地居民話因為九佛耐過知識城好多，重強烈要求呢個站改名做九佛站。地鐵方本嚟諗住喺2017年4月27號或2017年9月7號嗰兩份規劃改名，但引起咗中新廣州知識城建設方話佢嘅站名冇埞放而反對。後嚟考察過地名專家同群眾意見，結果呢個站嘅名重係冇改到^[4]。至於點解，係由於知識城嘅規劃已經喺2009年3月24號落實咗兼喺2010年開始搞，而且地鐵方同中新知識城發展委員會達成協議，加上「九佛」個名懷疑帶有宗教成份先至冇改到^{[註 2]}。

個站名係專門表揚從2010年開始搞中新廣州知識城嗰7年以嚟咁犀利嘅發展成就。

呢個站開通初期淨得九龍大道西邊同南邊嘅馬路一邊有出入口（A同B），到咗2021年初又喺馬路對面開埋C同D兩個出入口。

呢個站主要畀成日出入九佛啲周邊村民、返放學同上落班啲人上落為主。喺14號綫開通初期，呢個站雖然係最多人上落嘅車站，但客流量同市區啲普通車站喺低峰時段差唔多到。另外，亦有啲村民成日嚟呢個站到九佛市場或九佛墟啲市場同集市買餸。

車站附近建築或景區：左邊張相係九佛第二中學，右邊張相係鳳凰山公園。

• 九佛第一中學
• 九佛第二中學
• 廣州開發區外國語學校（九佛校區）

• 鳳凰山公園

• 九佛農貿市場
• 九佛墟

• 廣州市蘿崗區九佛醫院

呢個站係14號綫嘅其一文化站，喺站廳入面整咗主題係「智·薈」嘅文化藝術牆，佢嘅主要内容係書卷造型。而天花板嘅部份裝飾都係鏡面反轉咗嘅「㇐、㇚、㇏、㇒」呢啲筆畫符號其一^[5]。

維基同享有多媒體嘅嘢：
Sino-Singapore Guangzhou Knowledge City Station

註

攷

廣州地鐵14號綫
██嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 < 太平 – 神岡 – 赤草 – 從化客運站 – 東風 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 - █鎮龍（知識城支綫） 特別提醒：14號綫有分開快慢車營運：其中啡底白字嘅係快車停靠站。
未來發展 主綫： 廣州火車站 – 樂嘉路 – 崗貝 – 新市墟 – 馬務 – 創意園 – 鶴南 – 彭邊 – 嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 – 太平 – 神岡 – 赤草 – 從化客運站 – 東風 – 宣星運動谷 – 溫泉 – 養生谷 – 良口 知識城綫： 新和 – 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 – 鎮龍
睇 • 論 • 改 • 歷