新南 XINNAN
新南站嘅月台
概覽
冧巴	1415
位置	黃埔區九佛街道九龍大道近新南村一帶 378省道嘅K5+345標記位
座標	23°22′41.53″N 113°29′41.34″E / 23.3782028°N 113.4948167°E / 23.3782028; 113.4948167
車站色	+　焗漆柱
經過路線	14
啟站	2017年12月28號
月台數	1
站口數	2
營運資訊
車站服務時間	06:11～22:22
列車服務時間	06:16～22:17
廣州地鐵14號綫（知識城綫） 新和　◄紅衛 （2.5km） （2.1km）楓下►　鎮龍

新南站（粵拼：san1 naam4 zaam6；英文：Xinnan Station），規劃同施工時期先後嗌過馬頭莊站（maa5 tau4 zong1 zaam6；Matouzhuang Station）同埋知識城北站（zi1*3 sik1 sing4 bak1 zaam6；Sino-Singapore Guangzhou Knowledge City North Station）^{[註 1]}，係廣州地鐵14號綫嘅車站，2017年12月28號開通，位置喺黃埔區九佛街道新南村口（378省道嘅K5+345標記位）。

佢喺2017年12月28號頭班車開出之後到2018年12月28號14:00（UTC+8）期間，做過14號綫脫網營運嘅車站身份。

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係14號綫月台。雖然車站冇休息室，但廁所同母嬰室喺月台東南邊。

新南站嘅站廳收費區喺車站東北邊，西南邊係過街通道。收費區有好多部扶手電梯同樓梯、專用𨋢往返月台都得。

呢個站有一個島式月台，喺九龍大道近新南村同蟹莊村之間嘅地底。

呢個站冇商舖，但得臺自助服務。自助服務凈得部共享雨遮響度。

新南站冚唪唥嘅出入口
B出入口  C出入口

呢個站有2個出入口，分别係B同C。

冧巴	標記	方位	去到邊度
出入口B	九龍大道	東	九龍大道、新南村巴士站（西南行、東北行）
出入口C	九龍大道	北	九龍大道、園東路
註： 有盲人引導徑 | 有輪椅升降臺 | 有斜道 | 有專用𨋢

配線圖
█ 14號綫 ▲楓下站
▼紅衛站

喺2003年份地鐵規劃方案入面重未出現呢個站。2008年，由於份地鐵重新提出嗰時嘅新華綫廣從路段（太和⇆街口）改成14號綫一部分，重喺2010年落實廣州市嘅「北優」發展戰略同埋支持從化同埋知識城嘅發展而起成「人」字樣。期間經過呢個站^[1]。

• 2014年9月24號，車站正式喐手起。
• 2017年5月28號，最後一部盾構機喺呢個站出窿而正式宣告知識城支綫全綫隧道貫通。
• 2017年8月22號晏晝，知識城支綫全線最後兩條鋼軌接頭喺呢個站附近接好，長軌亦正式宣告全綫貫通^[2]。

2017年12月28號朝頭早，由於14號綫知識城支綫部份正式開通，呢個站亦正式開放。

喺規劃同起緊呢個站嗰時，站名曾經拗咗一餐。早期規劃嗰時嗌馬頭莊站，後嚟喺2017年4月27號份規劃改咗做知識城北站^{[註 1]}，隨後徵求過社會民眾意見同埋地名考察隊嘅考察，話由於車站係喺新南村地皮範圍入面起，喺2017年9月7號定咗最後站名嗌做新南站^[3]。

呢個站嘅主要周邊乘客都係以附近嘅新南村、蠏莊嗰邊啲乘客為主。不過喺啱開通14號綫知識城支綫無耐，因為佢屬脫網營運，加上附近都係啲村莊為主，而且附近地方暫屬開發階段，所以出入站客流方面，B出入口有些少客流，C出入口幾乎拍嗮烏蠅。自從2018年12月28號嘅14號綫主綫開通之後，車站嘅客流多咗好多，其中有一大部份啲客流係往返廣州市區同新南村、蟹莊村周邊啲人為主。

• 新南村
• 蠏莊村

維基同享有多媒體嘅嘢：
Xinnan Station

註

攷

廣州地鐵14號綫
██嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 < 太平 – 神岡 – 赤草 – 從化客運站 – 東風 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 - █鎮龍（知識城支綫） 特別提醒：14號綫有分開快慢車營運：其中啡底白字嘅係快車停靠站。
未來發展 主綫： 廣州火車站 – 樂嘉路 – 崗貝 – 新市墟 – 馬務 – 創意園 – 鶴南 – 彭邊 – 嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 – 太平 – 神岡 – 赤草 – 從化客運站 – 東風 – 宣星運動谷 – 溫泉 – 養生谷 – 良口 知識城綫： 新和 – 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 – 鎮龍
睇 • 論 • 改 • 歷