從化客運站（粵拼：cung4 faa3 haak3 wan6 zaam6；英文：Conghua Coach Terminal），規劃先後嗌過江浦站（gong1 pou4 zaam6；Jiangpu Station）同街口站（gaai1 hau2 zaam6；Jiekou Station），係廣州地鐵14號綫嘅車站，2018年12月28號開通，喺從化區從化大道南近從城大道口東北角，從化汽車客運站隔籬。

呢個站一共有2層樓嘅地下區域，其中地面係出入口，地下1樓係站廳，有票務設施、客務中心同商舖、安檢設施；地下2樓係14號綫月台。站內雖然冇休息室，但有廁所同母嬰室，喺月台範圍嘅西南邊，其中母嬰室喺廁所嘅女廁門口隔籬。

File:CungFaaHaakWanZaam WORD on PILLAR.jpg

從化客運站嘅站廳收費區喺車站東南邊，西北邊係過街通道。收費區有好多部扶手電梯同樓梯、專用𨋢往返月台都得。

呢個站有個島式月台，喺從化大道南嘅地底。

呢個站冇商舖，但得三臺自助服務。

從化客運站冚唪唥嘅出入口
A出入口  File:Exit B, Conghua Coach Terminal Station, Guangzhou Metro.jpg B出入口  C1出入口  File:Exit C2, Conghua Coach Terminal Station, Guangzhou Metro.jpg C2出入口  D出入口

呢個站有5個出入口，分别係A、B同C1、C2、D。

冧巴	標記	方位	去到邊度
出入口A	從城大道	南	從化大道、橫嶺路、從化汽車站、萊茵水岸、地鐵從化客運站巴士站（東北行）
出入口B	從化大道南	東	從化大道、地鐵從化客運站巴士站（東北行）
出入口C1	從化大道南	北	從化大道
出入口C2	從城大道	西	從化大道、地鐵從化客運站巴士站（西南行）
出入口D	從城大道	西南	從化大道南、鍾圍街、遠達廣場碧水雅庭、地鐵從化客運站（姓鍾圍）巴士站（東南行）、雅居樂小學巴士站

配線圖
█ 14號綫 ▲東風站
▼赤草站（慢）／新和站（快）

喺2003年份地鐵規劃方案入面，嗰時嘅新華綫^{[註 1]}由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅佛公橋一帶。但2005年，新華綫嘅西段（花都汽車城⇆高增）被列入咗9號綫一部分^{[註 2]}，而廣從路段（太和⇆街口）直到2008年份規劃先至重新提出。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣，呢個站亦唔變。路線提出咗快綫嘅需求兼經呢個站^[1]。不過嗰時工程名攞咗江浦站。

• 2014年6月16號08:18（UTC+8），主綫嘅鄧村^{[註 3]}到呢個站嘅區間正式開挖。
• 2015年8月底，車站正式逳手起。
• 2015年12月21號，車站正式封頂，成為14號綫主綫第一座封頂嘅車站。
• 2016年12月5號，從化區入面第一條盾構隧道（中間風井到呢個站之間嘅左綫隧道）貫通。
• 2017年3月31號，鄧村^{[註 3]}到呢個站之間嘅盾構區間雙綫貫通。
• 2018年2月5號中午，呢個站到街口^{[註 4]}區間嘅中間風井左綫盾構隧道正式貫通。
• 2018年3月29號晏晝，廣州市民政局開始向全社會徵集主綫啲站名，站名變成街口站^[2]。
• 2018年5月8號，随住街口^{[註 4]}到本站之間嘅中間風井右綫盾構隧道貫通，路線亦順利實現全綫貫通^[3]。
• 2018年5月16號凌晨，鄧村^{[註 3]}到呢個站嘅區間成功搞掂一次性送電^[4]。
• 2018年6月8號晏晝，呢個站到東風之間嘅聯絡通道冷凍法加固施工順利通過咗專家組驗收。
• 2018年8月6號，廣州地鐵官方公佈咗主綫嘅最終站名，呢個站亦正式定名做從化客運站^[5]。

2018年12月28號晏晝，由於14號綫一期主綫部份正式開通，呢個站亦正式開放^[6]。

從化客運站嘅主要周邊乘客都係從化城區啲住宅同其它民宅啲居民，附近都有大型批發市場同商場，附近亦有座大型客運站同中小學校響度。加上呢個站喺舊時嘅從化市區入面。由於附近嘅從化汽車客運站可以搭巴士到從化冚唪唥嘅鎮街，所以亦有大量居民喺呢個站轉巴士。尤其喺平時同節假日期間都比較多客流出入。佢亦係14號綫喺從化區入面最多客流嘅地鐵站。尤其喺14號綫開通第一日要搞客流控制都有。

從化汽車客運站

• 聯星村
• 雅居樂濱江花園

• 從化汽車客運站

• 欣榮·廣場
• 美時家居招商中心

• 雅居樂小學
• 從化第六中學

File:Decoration on the wall at the platform in CCT Station.jpg

呢個站係14號綫嘅其一文化站，喺站廳入面整咗主題係「容·匯」嘅文化藝術牆，佢嘅主要内容係喺“山川林泉”嘅主題入面挖掘同從化有關嘅文化元素^[7]。

維基同享有多媒體嘅嘢：
Conghua Coach Terminal Station

註

攷

廣州地鐵14號綫
██嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 < 太平 – 神岡 – 赤草 – 從化客運站 – 東風 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 - █鎮龍（知識城支綫） 特別提醒：14號綫有分開快慢車營運：其中啡底白字嘅係快車停靠站。
未來發展 主綫： 廣州火車站 – 樂嘉路 – 崗貝 – 新市墟 – 馬務 – 創意園 – 鶴南 – 彭邊 – 嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 – 太平 – 神岡 – 赤草 – 從化客運站 – 東風 – 宣星運動谷 – 溫泉 – 養生谷 – 良口 知識城綫： 新和 – 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 – 鎮龍
睇 • 論 • 改 • 歷