太和站（注意「和」字有當地鄉下話變音，粵拼：taai3 wo2 zaam6；英文：Taihe Station）係廣州地鐵14號綫嘅車站，2018年12月28號開通，喺白雲區太和鎮田心村，廣從三路近大瀝路口（105國道嘅K2535+240標記位，太和鎮紀念碑西南邊890m嘅地方）。

呢個站一共有3層樓嘅地下區域，其中地面係出入口，地下1樓係站廳，有票務設施、客務中心同商舖、安檢設施；地下2樓係14號綫月台。站內雖然冇休息室，但有廁所同母嬰室，喺月台範圍嘅東北邊，其中母嬰室喺廁所嘅女廁門口隔籬。

太和站嘅站廳收費區喺車站西北邊，東南邊係過街通道。收費區有好多部扶手電梯同樓梯、專用𨋢往返月台都得。

呢個站有兩個島式月台，喺廣從三路近太和大瀝路口嘅地底，太和鎮紀念碑西南邊890m位置。

不過，由於14號綫實行咗快慢綫，兩綫嘅列車行嘅軌道都唔同。其中慢綫列車喺車站埋邊嗰兩條軌道停站，而快綫列車直接喺車站開邊嗰兩條軌道飛站唔停。喺埋邊同開邊兩條軌道之間都有棟牆隔開咗，不過兩邊嘅圍牆長度唔同。若果搭緊快綫，喺行緊嘉禾望崗嗰邊，經過呢個站時凈睇到月台嘅10%部份；喺行緊東風嗰邊，經過呢個站時凈睇到月台嘅80%部份。不過14號綫嘅快車重未加密，所以快車喺大多數情況下經埋邊嗰兩條軌道直接飛站唔停，得好少班次喺開邊嗰兩條軌道飛站唔停。

另外，呢個站嘅埋邊兩條軌道當中，西南角有條路軌去到石湖停車場。

呢個站冇商舖，但得三臺自助服務。

太和站冚唪唥嘅出入口
C出入口  D出入口  E出入口

呢個站有3個出入口，分别係C、D同E。

配線圖
█ 14號綫 ▲竹料站
	石湖停車場
▼夏良站

喺2003年份地鐵規劃方案入面，嗰時嘅新華綫^{[註 1]}由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅太和一帶。但2005年，新華綫嘅西段（花都汽車城⇆高增）被列入咗9號綫一部分^{[註 2]}，而廣從路段（太和⇆街口）直到2008年份規劃先至重新提出。而嗰兩份計劃都有話經過呢個站。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣。雖然路線提出咗快綫嘅需求，但唔經呢個站^[1]。

• 2015年9月：車站喺度搞緊前期入場工作。
• 2016年2月28號，呢個站到竹料之間嘅盾構隧道正式開挖。
• 2016年5月24號，車站正式開始喐手起。
• 2017年11月11號，車站順利封底。
• 2017年6月21號朝早，石湖^{[註 3]}到呢個站之間嘅左綫盾構隧道正式貫通^[2]。
• 2018年8月31號，呢個站到竹料嘅兩個區間橋樑構件預制已經順利通過工程驗收。
• 2018年9月26號，呢個站正式三權移交而開始營運前調試^[3]

2018年12月28號晏晝，由於14號綫一期主綫部份正式開通，呢個站亦正式開放。

呢個站嘅主要周邊乘客都係以附近嘅太和一帶、田心村、營溪村、謝家莊嗰邊啲村民同返放工啲廠房、工地啲職員、鐘落潭地區讀書啲學生上落為主。

• 太和貨運站
• 謝家莊村
• 太和田心村
• 太和老人院
• 恆泰匯

呢個站係14號綫嘅其一文化站，佢嘅主題係「逸·居」。背景係動態LED屏幕里演示車站出面嘅天空係點樣（例如日出日落同四季變化）^[4]。而柱上啲裝飾都以山峰為主。

維基同享有多媒體嘅嘢：
Taihe Station

註

攷

廣州地鐵14號綫
██嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 < 太平 – 神岡 – 赤草 – 從化客運站 – 東風 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 - █鎮龍（知識城支綫） 特別提醒：14號綫有分開快慢車營運：其中啡底白字嘅係快車停靠站。
未來發展 主綫： 廣州火車站 – 樂嘉路 – 崗貝 – 新市墟 – 馬務 – 創意園 – 鶴南 – 彭邊 – 嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 – 太平 – 神岡 – 赤草 – 從化客運站 – 東風 – 宣星運動谷 – 溫泉 – 養生谷 – 良口 知識城綫： 新和 – 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 – 鎮龍
睇 • 論 • 改 • 歷