動物園 Zoo[註 1]
動物園站嘅站名
概覽
位置	越秀區環市東路同梅東路嘅交界
座標	23°8′38.4″N 113°18′26.28″E / 23.144000°N 113.3073000°E / 23.144000; 113.3073000
車站色
經過路線	5
啟站	2009年12月28號
月台數	2
站口數	2
營運資訊
車站服務時間	06:14-23:50
列車服務時間	06:09-23:45
廣州地鐵5號綫 滘口站　◄區莊站 楊箕站►　文沖站

動物園站（粵拼：dung6 mat6 jyun4 zaam6；英文：Zoo Station^{[註 1]}）係廣州地鐵5號綫嘅車站，規劃時期叫動物園南門站dung6 mat6 jyun4 naam4 mun4 zaam6（英文：Guangzhou Zoo South Entrance Station），喺2009年12月28號開放，位置喺越秀區環市東路同梅東路嘅交界。佢喺成個廣州地鐵入面創咗兩個第一：

• 第一個民心車站
• 第一個用咗側疊式月台嘅車站

呢個站一共有3層樓嘅地下區域，其中地下1樓係商舖同出入口嘅通道，而地下2樓係站廳同5號綫嘅月台，有票務設施，客務中心、地鐵派出所同車站控制室；地下3樓係5號綫嘅月台。車站冇廁所同休息室響度。

動物園站嘅收費區喺站廳嘅中間偏東嘅位，而西邊係人行通道，而車站嘅商舖方面，都喺嗮車站嘅南北兩邊嘅免費區入面，而自助服務喺嗮車站嘅南北兩邊同西邊嘅免費通道入面。而收費區有好多部扶手電梯同樓梯、專用𨋢往返月台都得。

地下2樓嘅站廳，左邊係行滘口嗰邊嘅月台。（喺2014年10月15號影）

呢個站有兩個島式月台，喺越秀區環市東路同梅東路嘅交界。

地下2樓嘅月台（喺2014年7月29號影）

雖然話呢個站都係用咗兩個島式月台，但佢唔喺同一層樓，加上兩條都唔係去同一個方向，所以入站去坐車嗰陣一定要注意好去邊個樓層。

而家嘅動物園站入面有便利檔、洗衫檔、麵包糕餅舖等呢啲鋪頭畀乘客買嘢、食嘢同洗衫都得。而羊城通客戶服務中心喺地下一樓。

另外，動物園站入面重有自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。下面有寫清楚呢個站係有乜鋪頭同自助服務響度：

動物園站冚唪唥嘅出入口
B出入口附近  C出入口附近

編號	標記	方位	去到邊度
出入口B	環市東路	西	環市東路、梅花路、廣州動物園、動物園南門巴士站
出入口C	環市東路	東	環市東路、廣東省鄉鎮企業協會、廣州動物園、解放軍第四五八醫院、天河立交巴士站、市政公廁
註： 有盲人引導徑 | 有輪椅升降台

呢個站喺規劃嗰陣冇整到呢個站上去嘅，啫係話喺區莊站之後下一站就係楊箕站喇，但係喺2004年4月3號—13號嘅廣州地鐵5號線意見徵集入面，喺最後一日就收到100份信函，其中有80份係話一定要整個動物園南門地鐵站上去嘅。因為唔整呢個站嘅話，去區莊站或楊箕站坐車都好唔方便，後嚟廣州地鐵收到80%市民支持起呢個站之後就緊急補咗呢個站上去^[1][2]。過咗5年半之後（到咗2009年12月28號）地鐵5號線開通嗰陣，呢個站就開放咗。

呢個站附近係廣州城發展得比較成熟嘅居民區，入面（包括埋暫住人口）就有成十幾萬人住響度。有時去廣州動物園嘅遊客或喺呢度附近住嘅居民區就成日嚟呢個站坐車^[1]。

由於呢個站用咗側疊式月台嘅結構，所以喺呢個站入站坐車嗰陣一定要注意去邊個方向。其中：

• 地下2樓：區莊　⇐　動物園　⇐　楊箕
• 地下3樓：區莊　⇒　動物園　⇒　楊箕

維基同享有多媒體嘅嘢：
Zoo Station (Guangzhou)

廣州地鐵5號綫
滘口 - █坦尾 - 中山八 - 西場 - █西村 - █廣州火車站 - 小北 - 淘金 - █區莊 - 動物園 - █楊箕 - 五羊邨 - █珠江新城 - 獵德 - 潭村 - █員村 - 科韻路 - █車陂南 - 東圃 - 三溪 - █魚珠 - 大沙地 - █大沙東 - 文沖 - 䨇沙 - 廟頭 - █夏園 - 保盈大道 - 夏港 - 黃埔新港
睇 • 論 • 改 • 歷