海傍站
| 海傍 HAIBANG | |
| |
| 概覽 | |
|---|---|
| 車站代碼 | 414 |
| 位置 | 番禺石碁長南路同京珠高速嘅交界上空 |
| 座標 | 22°56′22.78″N 113°28′31.69″E / 22.9396611°N 113.4754694°E |
| 車站色 | 4號綫： |
| 經過路線 | 4 |
| 啟站 | 2006年12月30號 |
| 月台數 | 2 |
| 站口數 | 3 |
| 營運資訊 | |
| 車站服務時間 | 06:13～23:51 |
| 列車服務時間 | 06:18～23:46 |
| 廣州地鐵4號綫 南沙客運港 ◄低涌 （2.5km） （2.3km）石碁► 黃村 | |
海傍站（「傍」字有陽去變調，粵拼：hoi2 bong6 zaam6；英文：Haibang Station），規劃時期嗌過
佢亦係廣州地鐵嘅其一高架站。
結構
[編輯]樓層
[編輯]呢個站有兩層樓嘅地上室。其中地面係站廳，地上二樓係4號綫月台。車站冇休息室，但廁所喺地面嘅收費區入面，車站控制室隔籬。
打掂
[編輯]| 地上 二樓 |
側式月台，開右邊門 | |
| 2月台 | ← 4號綫列車去低涌站（行南沙客運港嗰邊） | |
| 1月台 | 4號綫列車去石碁站（行黃村嗰邊） → | |
| 側式月台，開右邊門 | ||
| 地面 | 站廳 | 站廳、售票機、商舖、警務室、安檢設施、公共廁所 |
| 地下 一樓 |
預留正嚟起3號綫東延段 | |
打橫
[編輯] |
 |
 |
站廳
[編輯]蕉門站嘅收費區喺站廳嘅中間，兩邊就係出入口。收費區有扶手電梯同樓梯、專用𨋢往返兩邊月台都得。
月台
[編輯]呢個站有2個側式月台，喺長南路同京珠高速公路嘅交界上空。
商舖同自助服務
[編輯]而家海傍站入面得一間便利舖同2台自助服務設施畀乘客用，包括1台羊城通充值機同埋1台可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引嘅機。
|
|
出入口
[編輯]| 海傍站冚唪唥嘅出入口 | ||||||
|---|---|---|---|---|---|---|
|
呢個站一共有2個出入口，分別係A同B。
| 冧巴 | 標記 | 方位 | 去到邊度 |
|---|---|---|---|
出入口A    |
清河東路 | 康體路、亞運南路、清河東路、廣州亞運城、海傍村、廣州醫科大學第四附屬醫院、廣鐵一中番禺校區、地鐵海傍巴士站 | |
| 出入口B |
亞運城 | 康體路、亞運南路、廣州亞運城、海傍村、海傍水鄉 | |
| 出入口C |
海傍村 | 康體路、亞運南路、清河東路、廣州亞運城、海傍村 | |
| 註： 有盲人引導徑 | 有斜道 | 出入口都喺同一層樓
| |||
車站歷史
[編輯]規劃
[編輯]3號綫同4號綫嘅轉乘站
[編輯]
呢個站最先喺2003年嘅地鐵方案入面出現，話係3號綫同4號綫嘅轉乘站。但初期規劃唔係噉，其中：
- 3號綫：從西向東行，到呢個站後轉向東南偏南去到金洲站為止。
- 4號綫：從西北偏北向東南偏南行，到呢個站後轉向東邊入海鷗島為止。
後嚟嘅局部修改方案入面，就將原先經呢個站嘅東邊同東南邊嘅路線對調，改成4號綫嘅車站重延長至南沙一帶，位置同而家差唔多，轉乘車站亦一樣冇變，但嗰時規劃嗌做廣州新城站。
3號綫嘅總站
[編輯]廣州地鐵喺早期規劃呢個站做轉乘站時，亦透露到佢會繼續向東延長到海鷗島一帶，重喺2011年上報畀國家發改委審批呢份規劃[1]，但係國家發改委話3號綫因客流太大，成條路線啲車站幾乎打嗮蛇餅而唔批[2]。2015年初到2016年農曆新年之前，政府好多時考慮到街坊嘅請願因素而快啲落實3號綫嘅東延段規劃[3]，雖然2016年2月底，廣州市國土規劃委員會已經聲明咗3號綫東延段會延長到海鷗島入面[4]，但係同年6月12號，國土規劃委員會話路線凈延長到呢個站為止，暫時唔考慮延長到海鷗島入面[3][5]。至於點解唔入亞運城同海鷗島，係因為2015年11月2號晏晝發佈兼通過咗《珠江江心島保護規劃工作方案》嘅協議[註 1]，其中包括咗海鷗島嘅保護[6]，令原先早期份地形同地鐵規劃出現好大變數[5]。
施工
[編輯]- 4號綫
2004年4月25號，4號綫二期工程正式攞到開工紙[7]，重喺同年年底正式開工直到2006年12月初起好。喺開通之前，車站亦改咗名做海傍站。
- 3號綫
2017年12月12號，3號綫東延段工程正式攞到開工紙[8]。
開通
[編輯]2006年12月30號，由於4號綫二期正式開通，呢個站亦正式開放。
利用狀況
[編輯]海傍站附近都係啲大型住宅社區同廣州亞運城、海傍村呢啲地方，附近冇大型商業中心。所以除咗上落班高峰比較多人上落之外，其它時段比較少人上落。另外，附近重有巴士去到番禺市橋城區嗰邊，所以亦有啲居民會搭巴士到呢個站轉地鐵到南沙或大學城、市區嗰邊。
另外，凡係亞運城綜合體育館嗰邊有大型運動會比賽（例如奧運或亞運）或表演（例如演唱會）時，呢個站亦有好多人上落。
接駁巴士
[編輯]- 地鐵海傍站
番148B、番160、番162、番162B
- 亞運城綜合體育館站
番162B
註同攷
[編輯]
- 註
- ↑ 喺2015年11月2號通過份保護規劃協議有講到要增加各島嘅植被、水體面積，及美麗鄉村開發，保護好生態同民俗呢啲嘢。入面重提及唔畀喺江心島大搞開發動作。
- 攷
- ↑ 广州地铁三号线东延线线路图及站点(持续更新) 互聯網檔案館嘅歸檔，歸檔日期2020年9月8號，. 地铁查询网 （2016-05-26）
- ↑ 2025年的广州地铁规划 互聯網檔案館嘅歸檔，歸檔日期2017年12月21號，. 360DOC個人圖書館
- ↑ 3.0 3.1 〈广州地铁三号线东延计划又变 暂建到海傍不进亚运城东〉。《金羊网》。2016-06-16。
((cite news)): CS1 maint: url-status (link) - ↑ 〈广州地铁3号线东延线确定 周末玩转番禺海鸥岛〉。《吃喝玩乐IN广州》。腾讯。2016-03-01。原著喺2020-09-08歸檔。喺2017-12-27搵到。
- ↑ 5.0 5.1 〈三号线东延线规划再变，亚运城居民"地铁到家"梦碎〉。《羊城派》。2016-06-16。
- ↑ 〈组织编制江心岛保护规划〉。《廣州日報》。中国广州政府。2015-11-03。
((cite web)): CS1 maint: url-status (link) - ↑ 发改委批复四号线二期工程[失咗效嘅鏈]
- ↑ 广州市轨道交通三号线东延段工程可行性研究报告审批前公示 互聯網檔案館嘅歸檔，歸檔日期2018年5月31號，. 广州市发展和改革委员会
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 低涌站 南沙客運港站← |
海傍站 4號綫 |
石碁站 →黃村站 |
廣州地鐵路線同車站 | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
