23°4′7″N 113°11′10.4″E / 23.06861°N 113.186222°E / 23.06861; 113.186222

龍溪 Longxi
龍溪站嘅站名
概覽
位置	廣州市荔灣區龍溪大道嘅廣州魯新園藝場隔籬
車站色
經過路線	1
啟站	2010年11月3號
月台數	1
站口數	2
營運資訊
車站服務時間	06:18-23:17
列車服務時間	06:13-23:23
佛山地鐵1號綫 新城東站　◄金融高新區站 菊樹站►　瀝滘站

龍溪站（粵拼：lung4 kai1 zaam6，英文：Longxi Station），喺規劃同起緊嗰時叫花博園站（faa1 bok3 jyun4 zaam6；Huaboyuan Station）^[1]，係佛山地鐵1號綫（廣州叫廣佛綫）嘅車站，喺2010年11月3號開始營運。呢個站喺廣州市荔灣區龍溪大道嘅廣州魯新園藝場隔籬嘅地底^[2]，佢重係成個廣州入面，最西邊嘅地鐵站。

呢個站有2層樓嘅地下室，其中地下1樓係站廳，而地下2樓係1號綫嘅月台。

同濟路站嘅站廳西邊係收費區，四周圍俾人行通道同車站嘅商舖圍住嗮，而站廳嘅收費區入面有專用𨋢、扶手電梯同樓梯往返月台。

呢個站有1個島式月台，喺南海大道同埋南桂路嘅交界嘅地底。

由於呢個站平時冇乜人，所以入面冇商舖。不過有臺自動櫃員機同埋可以充嶺南通、購買彩票、交水電費通交通罰錢嘅服務。

編號	標記	去到邊度
出入口A	龍溪大道	龍溪大道、藝林東路、大沙河濕地公園、地鐵龍溪公交站
出入口C	龍溪大道	龍溪大道、鳳西路、鳳西二路、地鐵龍溪公交站
註： 有盲人引導徑 | 有斜道 | 有輪椅升降臺

龍溪站最先喺2002年嘅佛山地鐵1號綫規劃入面出現，個名係出自附近嘅主幹道龍溪大道。

呢個站喺2007年6月28號開始喐手起，2010年10月28——29號正式開放畀廣州同佛山兩市嘅市民，2010年11月3號佛山地鐵1號綫首通段開通之後先至正式營運。

喺呢個站開通咗無耐，由於嗰時廣州要辦亞運會，呢個站就搞咗入站安保措施，一直到2010年12月23號先至取消。

龍溪站嘅周邊都係啲賣車同一少部分嘅農村地區，加上隔籬又有間廣州花卉科技園響度，所以呢個站嘅客流大多數都係附近啲村民。雖然朝早同晚黑嘅高峰時段都有啲客流吓，但係其它時間就冇乜人上落咁滯。

睇 傾 改 廣佛地鐵（佛山地鐵1號綫）
樂從 – 蠡湖 – 新隆 – 樂從大道東 – 荷村 >小布 – 瀾石 – 魁奇路▇ – 季華園 – 同濟路 – 祖廟 – 普君北路 – 朝安 – 桂城 – 南桂路 – 𧒽崗 – 千燈湖 – 金融高新區 – 龍溪 – 菊樹 – 西塱█ – 鶴洞 – 沙涌 – 沙園█ – 燕崗 – 石溪 – 南洲█ – 瀝滘█ 新城東 – 東平 – 世紀蓮