新造站
| 新造 XINZAO | |
| |
| 新造站嘅站名 | |
| 概覽 | |
|---|---|
| 冧巴 | 417 |
| 位置 | 番禺新造曾邊村曾邊大街隔籬 |
| 座標 | 23°01′41.81″N 113°24′56.29″E / 23.0282806°N 113.4156361°E |
| 車站色 | |
| 經過路線 | 4 |
| 啟站 | 2005年12月26號 |
| 月台數 | 1 |
| 站口數 | 4 |
| 營運資訊 | |
| 車站服務時間 | 05:55～23:39 |
| 列車服務時間 | 06:00～23:34 |
| 廣州地鐵4號綫 南沙客運港 ◄石碁 （9.8km） （2.3km）大學城南► 黃村 | |
新造站（注意「造」字有傳統地名變音[1]，粵拼：san1 cou3 zaam6；英文：Xinzao Station）係廣州地鐵4號綫嘅車站，2005年12月26號開放，位置喺番禺區新造鎮曾邊村曾邊大街隔籬。
佢係4號綫首通段（大學城專綫）嘅其一車站。曾經喺2005年12月26號14:00開始一直到2006年12月19號最後一班車為止，屬4號綫嘅南邊終點站同廣州最南邊嘅車站。
結構
[編輯]樓層
[編輯]呢個站凈得地下嘅兩層樓。其中地下一樓係站廳，而地下二樓係4號綫嘅月台。車站既冇休息室同廁所、母嬰室響度。
打掂
[編輯]| 地面 | - | 出入口 |
| 地下 一樓 |
站廳 | 站廳、售票機、客服中心 |
| 地下 二樓 |
2月台 | ←4號綫列車去石碁站（行南沙客運港嗰邊） |
| 1月台 | 4號綫列車去大學城南站（行黃村嗰邊）→ | |
打橫
[編輯] |
 |
站廳
[編輯]新造站嘅收費區喺站廳嘅東南、西北兩邊，中間俾人行通道隔開咗。而收費區入面有扶手電梯同樓梯、專用𨋢往返月台都得。
月台
[編輯]呢個站有1個島式月台，喺番禺區新造鎮嘅曾邊村入面，曾邊大街隔籬嘅地底。柱上冇任何車站大字或中英文站名。
另外，呢個站嘅北邊有條渡線響度。喺4號綫首通段開通嗰陣用咗呢條單渡線返轉頭。而呢個站嘅南邊有條去新造嘅車輛段線響度，而呢組嘅出入段線都係用咗存車線嘅方向，同正線搞成三角線出嚟。
商舖同自助服務
[編輯]而家嘅新造站有唔同類嘅鋪頭畀乘客買嘢同埋食嘢，好似有便利檔、麵包檔同手機檔等。
另外，新造站入面重有自助服務設施畀乘客用，包括咗自動櫃員機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引嘅服務。
|
|
出入口
[編輯]| 新造站冚唪唥嘅出入口 | ||||||||
|---|---|---|---|---|---|---|---|---|
|
呢個站有4個出入口，分別係A1、A2，B1同埋B2。
| 冧巴 | 標記 | 方位 | 去到邊度 |
|---|---|---|---|
出入口A1  |
市新路 | 市新路、曾邊大街、曾邊村公交站 | |
出入口A2   |
市新路 | 市新路 | |
| 出入口B1 |
南約村 | 後崗街、南約村、地鐵新造公交站 | |
| 出入口B2 |
市蓮路 | 後崗街、南約村 | |
| 註： 有盲人引導徑 | 有斜道 | 有輪椅升降臺
| |||
車站歷史
[編輯]規劃
[編輯]呢個站最先喺2000年嘅《近期線網規劃實施調整方案》入面出現咗，話係4號綫嘅南邊終點站，佢同時重係廣州大學城嘅其中一個配套地鐵站。之後呢個站入咗4號綫首通段（大學城專線）嘅工程入面先起。
施工
[編輯]到咗2003年3月份，呢個站就開始正式逳手起。而工程一直都到2005年2月份先至搞掂。
開通
[編輯]2005年12月26號，呢個站同3號綫一樣，喺4號綫首通段（大學城專綫）開通咗之後，正式開咗呢個站畀人坐車重一直到而家。
首通段嘅總站（2005年12月26號～2006年12月19號）
[編輯]4號綫開通咗之後一直到2006年12月19號為止，係4號綫首通段（大學城專線）嘅南邊總站。不過到咗2006年12月20號就唔好彩，全線停運10日嚟搞新造到黃閣嗰橛嘅路線測試。
4號綫嘅延長
[編輯]喺全綫停運咗10日之後（2006年12月30號）先至重新開放。期間路線南延長到南沙地區入面為止[註 1]，而呢個站降級成4號綫中途站。
7號綫嘅車站（已經取消咗）
[編輯]喺2003年嘅地鐵規劃入面就出現咗家吓嘅7號綫，嗰時嘅路線就唔係行呢度，而係行大學城南站嗰邊。不過喺2005年嘅地鐵規劃入面就話改咗行呢個站停，變咗係4號綫同7號綫嘅轉車站，但係到咗2010年出嘅地鐵規劃入面就唔好彩，4號綫同7號綫嘅轉車站就改返之前嘅大學城南站停而唔經呢個站。
利用狀況
[編輯]呢個站雖然話係新造站，但佢喺新造鎮入面嘅曾邊村東邊，距離新造鎮嘅中心起碼超過800米到。而且呢個站冇幾遠嗰度都重未開發，附近都係啲綠地同農田地區。相反凈係得曾邊村嘅起碼至少400米嘅路先至可以到呢個站坐車。如估住喺化龍鎮、南村鎮入面嘅居民，仲要坐巴士或其它交通方式嚟呢個站度轉地鐵，都幾麻煩吓。
2014年9月1號，暨南大學南校區（新造鎮入面）同廣州醫科大學番禺校區都起好嗮，嗰時迎接新生嗰陣，已經有部分學生坐巴士嚟呢個站，跟住轉地鐵去到廣州市區入面。
2017年4月6號，由於思科（智慧城）項目正式落戶新造，令成個村開始搞清拆[2]，同年月27號正式開搞思科（智慧城）項目。同年6月13號，政府為咗達成村民因工程項目而拆遷得到嘅補償問題而喺曾邊村範圍搞返啲回遷房[3]。
接駁巴士
[編輯]新造地鐵站：
- 番61、番66、番66B、番71、番77
附近嘅建築同景區
[編輯]- 玉虛宮
- 新造水廠
- 新造機械廠
- 曾邊村
註同攷
[編輯]
- 註
- 攷
- ↑ 【见多识广】8个识广州话都未必读得啱嘅广州地名 互聯網檔案館嘅歸檔，歸檔日期2016-03-12. 金羊社区
- ↑ 〈神速！谈起曾边村征地彷如昨天的事，如今清拆场面已一派火热〉。《番禺公共服务》。搜狐。2017-04-10。
- ↑ 〈番禺曾边村回迁房动工 有村民独获1300平10多套房〉。《廣州日報大洋网》。新浪。2017-06-14。
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 石碁站 南沙客運港站← |
新造站 4號綫 |
大學城南站 →黃村站 |
廣州地鐵路線同車站 | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
