神岡站（粵拼：san4 gong1 zaam6；英文：Shengang Station）係廣州地鐵14號綫嘅車站，2018年12月28號開通，喺從化區太平鎮神岡嘅廣從南路段入面，佛岡村太平湖田街口（珠江國際城門口西北角，105國道嘅K2507+300標記位）。

同其它14號綫嘅高架站一樣，呢個站嘅外觀方面，個樣似高鐵嘅高架站多啲，其中2樓部份睇落似玻璃牆。但佢有個地方同琶洲嘅會展中心唔一樣嘅係，呢個站最頂冇大隻紅字印住個站名響度。

呢個站一共有3層樓嘅地上區域，其中地上1樓係出入口，有設備房同市政設施；地上2樓係站廳，有票務設施，客務中心同商鋪；地上3樓係14號綫月台。站內既有休息室，又有廁所，更加有母嬰室。其中休息室有2個，喺14號綫月台範圍入面。而廁所同母嬰室喺站廳收費區入面近西邊牆邊範圍，其中母嬰室喺廁所嘅女廁門口隔籬。

File:SanGongZaam Concourse.jpg

鐘落潭站嘅站廳收費區喺車站東北邊，西南邊係過街通道。收費區有好多部扶手電梯同樓梯、專用𨋢往返月台都得。

呢個站有兩個側式月台，喺廣從南路佛岡村嘅珠江國際城西北角隔籬嘅105國道上空。

呢個站冇商舖，但得臺自助服務。自助服務凈得部共享雨遮響度。

神岡站冚唪唥嘅出入口
A出入口  File:Exit B, Shengang Station, Guangzhou Metro.jpg B出入口

呢個站有2個出入口，分别係A同B。

冧巴	標記	方位	去到邊度
出入口A	廣從南路	西南	地鐵神岡站巴士站（東北行）
出入口B	廣從南路	東北	地鐵神岡站巴士站（西南行）
註： 有盲人引導徑 | 有輪椅升降臺 | 有斜道 | 有專用𨋢

配線圖
█ 14號綫 ▲赤草站
▼太平站

喺2003年份地鐵規劃方案入面，嗰時嘅新華綫^{[註 1]}由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅佛公橋一帶。但2005年，新華綫嘅西段（花都汽車城⇆高增）被列入咗9號綫一部分^{[註 2]}，而廣從路段（太和⇆街口）直到2008年份規劃先至重新提出。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣，呢個站亦唔變。雖然路線提出咗快綫嘅需求，但唔經呢個站^[1]。而選址方面，就揀咗喺105國道嘅K2507+300標記位（佛岡村附近嘅珠江國際城西北邊）嚟起地鐵站。

• 2015年10月11號，車站正式喐手起。
• 2017年3月20號，呢個站爆出選址嘅大龍鳳，話施工設計唔符合規範^{[註 3]}。連附近嘅中石化順祥加油站話廣州地鐵方施工嘅神岡站，畀出張施工圖紙度過下距離同比例圖，擺明就係玩嘢^[2]。事件出街之後好快俾好多廣州當地媒體播報。後嚟廣州地鐵官方話根據廣州市國規委批准咗嘅施工紙，話車站嘅主體結構離嗰兩個加油站分別係36.5m到38m，加上兩個出入口離加油站最近分別淨得50.7m同102m到。正因爲呢個加油站用嘅係地下LPG儲罐，好明顯係地鐵方施工地嘅距離明顯符合住房城鄉建設部畀出嘅《汽車加油加氣設計同施工規範》（GB50156-2012）要求^{[2][註 4]}。所以廣州市安監局話根本就唔使將車站向東或向南移^[2]。加上選址亦係地鐵方根據嗰時從化市（而家嘅從化區）嘅總體發展規劃而定^[2]。
• 2017年11月18號朝早，呢個站到太平及鄧村^{[註 5]}之間嘅高架樑框架正式貫通。
• 2017年11月21號，新和⇄鄧村^{[註 5]}之間嘅環網電纜正式鋪好。
• 2018年8月8號丑時，呢個站到赤草（計埋出入鄧村停車場嗰橛）之間嘅接觸軌順利通過咗冷滑試驗。
• 2018年8月15號，隨住呢個站到赤草（計埋出入鄧村停車場嗰橛）之間正式三權移交，路線亦開始入咗營運前調試階段。
• 2018年9月26號，呢個站正式三權移交而開始營運前調試^[4]
• 2018年11月30號申時，主綫一期嘅供電系統安裝工程Ⅱ標段（馬瀝⇄東風）順利搞掂單位工程驗收。

2018年12月28號晏晝，由於14號綫一期主綫部份正式開通，呢個站亦正式開放。

呢個站主要畀喺佛岡村、神岡地區住啲村民同返學啲學生、及珠江國際城、珠江壹城啲小區居民出入為主。

神岡中學

• 珠江國際城
• 珠江壹城

• 佛岡村
• 神岡村

• 神岡中學
• 太平鎮第二中心小學

• 神岡衛生院

維基同享有多媒體嘅嘢：
Shengang Station (Guangzhou)

註

攷

廣州地鐵14號綫
██嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 < 太平 – 神岡 – 赤草 – 從化客運站 – 東風 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 - █鎮龍（知識城支綫） 特別提醒：14號綫有分開快慢車營運：其中啡底白字嘅係快車停靠站。
未來發展 主綫： 廣州火車站 – 樂嘉路 – 崗貝 – 新市墟 – 馬務 – 創意園 – 鶴南 – 彭邊 – 嘉禾望崗 – 白雲東平 – 夏良 – 太和 – 竹料 – 鐘落潭 – 馬瀝 – 新和 – 太平 – 神岡 – 赤草 – 從化客運站 – 東風 – 宣星運動谷 – 溫泉 – 養生谷 – 良口 知識城綫： 新和 – 紅衛 – 新南 – 楓下 – 知識城 – 何棠下 – 旺村 – 湯村 – 鎮龍北 – 鎮龍
睇 • 論 • 改 • 歷