文沖 WENCHONG
文沖站嘅站名
概覽
冧巴	524
位置	黃埔區大沙地東同石化路嘅交界
座標	23°6′13.74″N 113°28′8.47″E / 23.1038167°N 113.4690194°E / 23.1038167; 113.4690194
車站色
經過路線	5
啟站	2009年12月28號
月台數	1
站口數	3
營運資訊
車站服務時間	06:00～22:55
列車服務時間	05:55～23:00
廣州地鐵5號綫 滘口　◄大沙東 （2.5km）

文沖站（粵拼：man4 cung1 zaam6；英文：Wenchong Station），規劃時期嗌過文園站（man4 jyun4 zaam6），係廣州地鐵5號綫嘅車站。2009年12月28號開通，位置喺黃埔區大沙地東同石化路嘅交界。

佢亦係家陣5號綫東邊嘅總站。

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係5號綫月台。車站既冇休息室、廁所同母嬰室響度。

File:ManCungZaam WORD on PILLAR.jpg

文沖站嘅站廳收費區喺車站南邊，北邊係過街通道。收費區有好多部扶手電梯同樓梯、專用𨋢往返月台都得。

呢個站有一個島式月台，喺大沙地東同石化路嘅交界地底。

另外，喺呢個站東邊有條雙存車綫，同埋車站西邊有條波口位響度。其中車站西邊條波口位專門畀客流高峰期時畀車返轉頭用，而東邊嗰堆雙存車綫，家陣畀列車到總站趕嗮客走之後返轉頭到月台對面上客用。

而家嘅文沖站入面有好多唔同類嘅鋪頭畀乘客買嘢同埋食嘢，好似有便利檔、麵包檔同時裝檔、洗衫舖等。

另外，文沖站入面重有好多自助服務設施畀乘客用，包括咗自動櫃員機同自動販賣機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

文沖站冚唪唥嘅出入口
A出入口  B出入口  D出入口

呢個站有3個出入口，分别係A、B同D。

冧巴	標記	去到邊度
出入口A	大沙地東路	大沙地東路、文沖悅時代花園、文沖市場巴士站、文沖村委巴士站
出入口B	大沙地東路	大沙地東路、石化路南一街、地鐵文沖巴士站、石化生活區巴士站、文沖村委巴士站
出入口D	石化路	石化路、石化路巴士總站、石化生活區巴士站
註： 有盲人引導徑 | 有輪椅升降臺 | 有斜道 | 有專用𨋢

配線圖
█ 5號綫 ▲終點
▼大沙東站

呢個站最先喺2003年嘅規劃入面出現，嗰時5號綫去到蠏山近茅崗立交位改向東北行入大沙地路。喺大沙地東近住石化路口嗰邊整咗個文園站出嚟^[1]。

規劃落實之後，呢個站亦喺2007年正式開始喐手起。因為嗰時規劃話嚟到呢個站做總站，所以施工方按返原計劃嚟明挖搞雙存車綫，但後嚟地面有間屋因為唔滿意拆遷補償，係都要獅子開大口賴住唔走^{[註 1]}。後嚟地鐵方諗住快啲將5號綫通車而重新設計隧道，改成暗挖結構。而佢嘅暗挖折返右綫隧道喺2008年3月15號先至貫通咗^[3]。車站嘅主體結構直到2008年11月11號先至封頂，2009年6月28號正式三權移交。

2009年12月28號，由於5號綫全綫通車，呢個站亦正式開放。

2011年7月15號晏晝，楊生一家五口搭地鐵到呢個站之後準備搭扶梯出站。由於楊生嘅老婆——張女士抱住11個月大嘅女。由於條女猛咁扭計，所以楊生決定將孫女畀58歲嘅阿嫲——黃女士嚟抱住。點知行咗⅓高度個陣而發生嗌交。結果黃女士一個打倒褪，跌咗落扶梯向下碌，令阿嫲同孫女出現受傷情況。不過楊生話地鐵方對扶梯有問題，要嗌地鐵方孭返條數。事發後，楊生向差佬報案，公安機關亦開始介入调查，而祖孫兩人都第一時間被送入咗醫院。地鐵方睇過下CCTV錄像之後，話部扶梯冇事，係個老坑婆自己唔小心跌嚫，唔關地鐵站事^[4]。

2012年8月20號朝早，有17名乘客到呢個站搭專用𨋢準備出站時，𨋢突然喺站廳同月台之間嘅間隙出現困𨋢。由於嗰時通風設備停咗，加上轎廂空間又細，所以出現有部份乘客拆走扶手嚟準備揼爛玻璃逃生，結果好快俾保安話唔畀噉做。發生困𨋢半個鐘頭之後，雖然乘客都救返出嚟，但有4名乘客因身體不适而被送院檢查。事發之後，廣州地鐵話要全面檢討呢單困𨋢嘅事，重喺之後进一步優化同完善相關嘅應急事件處理程序，以最大限度减少出事之後對乘客嘅影響^[5]。

呢個站周邊都係石化生活區等為主嘅住宅同埋部份城中村啲人上落為主。加上附近啲巴士站可以去到廣州經濟技術開發區同蘿崗一帶，所以開通初期，好多去廣州經濟技術開發區同蘿崗一帶啲人都喺呢度轉巴士直達，期間有好多客流喺呢個站上落。

2017年12月28號，由於13號綫正式開通，原先往返廣州經濟技術開發區一帶啲人都唔再揀呢個站上落，而係轉到魚珠站嗰頭轉綫過去。所以出入站客流亦減少咗好多。

註

攷

廣州地鐵5號綫
滘口 - █坦尾 - 中山八 - 西場 - █西村 - █廣州火車站 - 小北 - 淘金 - █區莊 - 動物園 - █楊箕 - 五羊邨 - █珠江新城 - 獵德 - 潭村 - █員村 - 科韻路 - █車陂南 - 東圃 - 三溪 - █魚珠 - 大沙地 - █大沙東 - 文沖 - 䨇沙 - 廟頭 - █夏園 - 保盈大道 - 夏港 - 黃埔新港
睇 • 論 • 改 • 歷