市橋 Shiqiao
市橋站嘅站名
概覽
冧巴	302
位置	番禺區光明北路同橋興大道嘅交界
座標	22°56′59.27″N 113°21′42.2″E / 22.9497972°N 113.361722°E / 22.9497972; 113.361722
車站色
經過路線	3
啟站	2006年12月30號
月台數	1
站口數	4
營運資訊
車站服務時間	05:58～00:08
列車服務時間	06:03～00:03
廣州地鐵3號綫 天河客運站　◄漢溪長隆 （6.2km） （3.9km）番禺廣場►　總站

市橋站（粵拼：si5 kiu4 zaam6；英文：Shiqiao Station），施工期間嗌過番禺市橋站（pun1 jyu4 si5 kiu4 zaam6；Panyu Bridge Station）^[1][2]，係廣州地鐵3號綫嘅車站，2006年12月30號開放，位置喺番禺區光明北路同橋興大道嘅交界地底。

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係3號綫嘅月台。同大多數嘅3號綫車站一樣，冇休息室同廁所響度。

市橋站嘅收費區喺站廳嘅西邊，而東邊係人行通道，而車站嘅商舖方面，都喺嗮車站嘅南邊免費區入面，連自助服務都喺埋度。站廳嘅收費區入面重有好多部扶手電梯同樓梯、專用𨋢往返月台都得。

呢個站有一個島式月台，喺番禺區光明北路同橋興大道嘅交界地底。

另外，呢個站嘅北邊（未到漢溪長隆站嗰橛）有條雙渡線同一條側線響度，由於嗰橛條路好長吓，如估去番禺廣場嗰邊其中一部車喺半佬出咗冬瓜豆腐嘅話，下一班車就用呢條渡線行反方向嘅軌道嚟避開出咗事嘅車；而家條側線係用嚟畀喺漢溪長隆站去天河客運站啲車出現冬瓜豆腐，話要暫停服務嗰陣先至入得嚟，而平時係唔對外嘅。如估出現噉，列車先喺呢個站（去天河客運站嗰邊）嘅月台度清客，跟住入去側線之後就返轉頭。而跟住列車就行入去番禺廣場嗰邊嘅臺，之後接去番禺廣場站嘅乘客。

而家嘅市橋站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖、涼茶舖等。

另外，市橋站入面重有好多自助服務設施畀乘客用，包括咗自動櫃員機、自動販賣機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

市橋站冚唪唥嘅出入口
A出入口  B出入口  C出入口  File:Exit D, Shiqiao Station, Guangzhou Metro.jpg D出入口

呢個站一共有4個出入口，分別係A、B同埋C，D。

冧巴	標記	方位	去到邊度
出入口A	橋興大道	北	橋興大道、光明北路、捷進二路、捷進中路、丹山橋公交站
出入口B	光明北路	西南偏南	光明北路、番禺區物價局、百越廣場西門（地鐵市橋站）公交站
出入口C	光明北路	東南偏南	光明北路、富華西路、安信證券番禺繁華路營業部、南洋商業銀行番禺支行、華爾街英語鑽匯廣場中心、百越廣場西門（地鐵市橋站）公交站
出入口D	橋興大道	東	橋興大道、捷進中路、白沙路、石橋公園、星海公園、韋博國際英語番禺市橋中心、百越廣場東門（市橋地鐵站）公交站
註： 有盲人引導徑 | 有斜道 | 有輪椅升降台

配線圖
█ 3號綫 ▲　漢溪長隆站
▼　番禺廣場站

呢個站最先喺2000年份廣州地鐵規劃入面出現咗。嗰時番禺撤市改區，原先3號綫向南延長到番禺廣場，重喺番禺嘅光明北路同橋興大道嘅交界整咗個站，但嗰時嗌嘅係番禺市橋站。

• 2002年2月：3號綫正式喐手起時亦開始動工，隨後站名先至改名做市橋站。
• 2003年5月30號：車站正式封頂^[3]。
• 2006年11月30號：車站三權移交^[4]

2006年12月30號，由於3號綫一期全線通車，呢個站亦正式開放。

由於呢個站喺番禺嘅中心區嗰度，附近有好多住宅同寫字樓響度，所以日日都見到好多乘客喺呢度坐地鐵返工或返學，甚至去機場同火車站都有。喺客流高峰期甚至重出現井噴咁滯。

呢個站高峰客流控制嘅時間係：

星期一到星期五（工作日期間）7：45——8：00

• 石橋公園

• 匯強大廈

• 廣州市星海中學

• 綠茵庭苑

• 鉆匯珠寶廣場

維基同享有多媒體嘅嘢：
Shiqiao Station

廣州地鐵3號綫
（轉主綫北段：←行機場北嗰邊） ＞ █體育西路 - █珠江新城 - █廣州塔 - █客村 - 大塘 - ▇瀝滘 - 廈滘 - 大石 - █漢溪長隆 - 市橋 - ██番禺廣場 　（支綫：←天河客運站嗰邊） 主綫北段：機場北（T2） - 機場南（T1） - █高增 - 人和 - 龍歸 - ██嘉禾望崗 - 白雲大道北 - 永泰 - 同和 - 京溪南方醫院 - 梅花園 - █燕塘 - █廣州東站 - █林和西（→喺體育西路轉） 支綫：█天河客運站 - 五山 - 華師 - 崗頂 - 石牌橋（→番禺廣場方向） 註：3號綫分為兩部份營運，其中： 主綫：機場北⇆番禺廣場 支綫：天河客運站⇆體育西路。 但實際營運交路同上邊嘅劃分唔同，分別係： 南瓜車：天河客運站⇆番禺廣場 飛機車：番禺廣場⇆機場北
未來發展 海鷗島 - 廣州新城東 - █海傍 - 金光大道 - 廣州新城西 - 番禺客運站 - ██番禺廣場 - 市橋 - █漢溪長隆 - 大石 - 廈滘 - ▇瀝滘 - █大塘 - █客村 - █廣州塔 - █珠江新城 - █體育西路 - █林和西 - ███廣州東站 - █燕塘 - 梅花園 - 京溪南方醫院 - 同和 - 永泰 - 白雲大道北 - ██嘉禾望崗 - 龍歸 - 人和 - █高增 - 機場南 - 機場北
睇 • 論 • 改 • 歷