石牌橋 Shipaiqiao
石牌橋站嘅站名
概覽
冧巴	312
位置	天河區天河路同埋天河東路交界
座標	23°7′59.98″N 113°19′54.3″E / 23.1333278°N 113.331750°E / 23.1333278; 113.331750
車站色
經過路線	3
啟站	2006年12月28號
月台數	1
站口數	4
營運資訊
車站服務時間	06:14～23:43
列車服務時間	06:19～23:38
廣州地鐵3號綫 天河客運站　◄崗頂 體育西路►　番禺廣場

石牌橋站（粵拼：sek6 paai4 kiu4 zaam6；英文：Shipaiqiao Station）係廣州地鐵3號綫嘅車站，2006年12月28號開放。位置喺天河區天河路同天河東路嘅交界。

呢個站有個島式月台，喺天河路、BRT石牌橋站嘅地底。

而家嘅石牌橋站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖等。

另外，石牌橋站入面重有好多自助服務設施畀乘客用，包括咗自動櫃員機、自動販賣機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

石牌橋站冚唪唥嘅出入口
A出入口  B出入口  BRT專用出入口，可以通去太古匯嗰邊。  D出入口

呢個站一共有4個出入口，分別係A、B、D同BRT專用出入口，但C出入口已經係太古匯嘅一部分。

編號	標記	去到邊度
出入口A	天河路	天河路、體育東路、廣州供電局、萬菱匯萬菱國際中心、天河公交場總站、石牌橋夜班巴士站
出入口B	天河路	天河路、天河東路、天河南二路、海欣街、中華人民共和國廣州海關緝私局、廣州長安醫院、頤高數碼廣場電腦商城、浦發銀行天河支行、聯想服務中心廣州旗艦店、華圖公考培訓學校、天河南公交站
出入口D	天河路	天河路、體育東路、天河體育中心、廣東省外經貿大廈、太古匯、石牌橋夜班巴士站
BRT專用出入口	天河路	天河路、太古匯、順電太古匯分店、索尼直營店、佳能廣州分公司及快修中心、BRT石牌橋站
註： 有盲人引導徑 | 有斜道 | 有輪椅升降臺

配線圖
█ 3號綫 ▲體育西路站
▼崗頂站

呢個站最先喺1987年嘅地鐵規劃方案1入面出現，嗰時1號綫嘅體育中心站定咗喺天河路近天河東路口嗰邊。後嚟征求過市民意見之後，車站亦向西北移到體育東路近天河體育中心東門附近而取消咗。

1997年，嗰時份地鐵規劃話嘅6號綫行天河東路，就喺天河路口整個站出嚟。不過喺2000年，6號綫向西移到體育西路變成3號綫，後嚟因為石牌地區要搞發展而另外開條行天河路兜上五山到東莞莊嘅支綫出嚟。

2002年2月初，呢個站正式開始逳手起，期間天河路近中山大道西部分話要畀3號綫施工而封咗一半路面，令天河區近體育中心同中山大道西部分一度出現大塞車直到2004年春先至搞掂。

雖然話3號綫嘅首通段喺2005年12月26號開通咗，但係呢個站重未開放。不過喺2006年12月30號嘅3號綫全線通車之後，呢個站正式開放。

呢個站主要係畀附近嘅商業寫字樓上班嘅人同天河體育中心睇比賽嘅人服務，喺附近嘅太古匯同萬菱匯、正佳廣場嘅商業城同BRT開咗之後，呢個站就多咗好多人嚟呢個站落車，尤其係A出入口同B出入口附近，人流量都好大下，因為附近冇幾遠就係BRT車站同萬菱匯國際廣場。

太古匯

萬菱匯

廣州長安醫院

• 太古匯
• 萬菱匯
• 萬佳百貨
• 新國際廣場
• 頤高數碼廣場
• 豐興廣場

• 石牌酒店
• 華僑友誼酒店

• 中國人民保險公司天河支公司
• 廣梅汕鐵路大廈
• 壬豐大廈
• 華龍大廈
• 新快報社

• 廣州市天河區國家稅務分局
• 廣州市供電局
• 中國海關
• 中國郵政

• 健生醫療門診部
• 廣東省中醫院天河門診部
• 廣州長安醫院

• 海關石牌宿舍
• 名雅苑

• 廣州市天河中學

廣州地鐵3號綫
（轉主綫北段：←行機場北嗰邊） ＞ █體育西路 - █珠江新城 - █廣州塔 - █客村 - 大塘 - ▇瀝滘 - 廈滘 - 大石 - █漢溪長隆 - 市橋 - ██番禺廣場 　（支綫：←天河客運站嗰邊） 主綫北段：機場北（T2） - 機場南（T1） - █高增 - 人和 - 龍歸 - ██嘉禾望崗 - 白雲大道北 - 永泰 - 同和 - 京溪南方醫院 - 梅花園 - █燕塘 - █廣州東站 - █林和西（→喺體育西路轉） 支綫：█天河客運站 - 五山 - 華師 - 崗頂 - 石牌橋（→番禺廣場方向） 註：3號綫分為兩部份營運，其中： 主綫：機場北⇆番禺廣場 支綫：天河客運站⇆體育西路。 但實際營運交路同上邊嘅劃分唔同，分別係： 南瓜車：天河客運站⇆番禺廣場 飛機車：番禺廣場⇆機場北
未來發展 海鷗島 - 廣州新城東 - █海傍 - 金光大道 - 廣州新城西 - 番禺客運站 - ██番禺廣場 - 市橋 - █漢溪長隆 - 大石 - 廈滘 - ▇瀝滘 - █大塘 - █客村 - █廣州塔 - █珠江新城 - █體育西路 - █林和西 - ███廣州東站 - █燕塘 - 梅花園 - 京溪南方醫院 - 同和 - 永泰 - 白雲大道北 - ██嘉禾望崗 - 龍歸 - 人和 - █高增 - 機場南 - 機場北
睇 • 論 • 改 • 歷