注意：呢篇文章有統一碼中日韓越統一表意文字新版用字：𧒽。如果你部電腦唔支援，嗰啲字就會錯誤顯示成空格、問號或者方格等。請睇睇Wikipedia:Unicode擴展漢字。

𧒽崗 Leigang
𧒽崗站嘅站名
概覽
冧巴	GF13
位置	佛山市南海區桂瀾路近夏平路口
座標	23°2′43.08″N 113°8′55.1″E / 23.0453000°N 113.148639°E / 23.0453000; 113.148639
車站色
經過路線	1
啟站	2010年11月3號
月台數	1
站口數	2
營運資訊
車站服務時間	06:00～23:45
列車服務時間	05:55～23:50
佛山地鐵1號綫 新城東　◄南桂路 （1.1km） （1.3km）千燈湖►　瀝滘

𧒽崗站（粵拼：leoi1 gong1 zaam6，英文：Leigang Station），規劃時期叫𧒽崗公園站（leoi1 gong1 gung1 jyun2*4 zaam6；Leigang Park Station），係佛山地鐵1號綫（廣州叫廣佛綫）嘅車站，喺2010年11月3號開始營運，位置喺佛山市南海區桂瀾路，近夏平路口。

呢個站有2層樓嘅地下室，其中地下1樓係站廳，而地下2樓係1號綫嘅月台。同1號綫西邊大多數車站一樣，既冇廁所，又冇休息室，更加冇母嬰室響度。

𧒽崗站嘅站廳東邊係收費區，四周圍俾人行通道同車站嘅商舖圍住嗮，而站廳嘅收費區入面有專用𨋢、扶手電梯同樓梯往返月台都得。

呢個站有1個島式月台，喺南海大道同埋南桂路嘅交界嘅地底。

由於呢個站平時冇乜人，所以入面係冇商舖。不過有臺自動櫃員機同埋臺販賣機響度。

𧒽崗站冚唪唥嘅出入口
B出入口  B出入口

呢個站一共有3個出入口，分別係A、B、D。

編號	標記	方位	去到邊度
出入口A	桂瀾路	東北	夏平中路、桂瀾路、佛平二路、麥德龍南海商場、地鐵𧒽崗巴士站
出入口B	夏平中路	東南	桂瀾路、地鐵𧒽崗巴士站
出入口D	桂瀾路	西南	桂瀾路、夏平中路、佛平二路
註： 有盲人引導徑 | 有斜道 | 有輪椅升降臺

站名出喺隔籬嘅𧒽崗公園。2002年嘅廣佛地鐵定咗初步計劃，嗌「𧒽崗公園站」^[1]，但係到咗開始施工時改名做「𧒽崗站」，工程喺2007年6月28號正式開始。

到咗2010年10月28～29號，呢個站正式開放畀廣州同佛山兩市嘅市民嚟坐車。一直到2010年11月3日嘅廣佛地鐵1號綫首通段開通咗之後先至正式營運呢個站。

維基辭典有呢個詞嘅解釋：
𧒽

雖然中國大陸現行嘅規範漢字冇「𧒽」字，但佢喺統一碼——CJKV漢字擴展B區嘅274BD位置。雖然國家語言文字工作委員會同教育部建議發佈嘅《通用規範漢字表（征求意見稿）》收錄咗「𧒽」字（喺8221區）^[2]，但後嚟喺正式版冇用到。

由於地鐵嘅電腦系統都冇收到「𧒽」字而出格仔或問號、空白等其他亂碼符號，所以售票機同查詢系統成日出現合併字或近似字現象。但車站入面嘅站牌同書法大字係地鐵公司自己專門用電腦嘅整字程序搞出嚟。

車站開通初期凈得A、B呢2個出入口，2014年1月22號加開咗D出入口^[3]。

𧒽崗站附近有好多事業單位同𧒽崗公園、南海活水公園響度，所以喺上落班高峰期間比較多人上落，其它時間比較少人上落。另外，重有好多乘客喺呢個站出站到南海大道北同夏西新村一帶。

維基同享有多媒體嘅嘢：
Leigang Station

睇 傾 改 廣佛地鐵（佛山地鐵1號綫）
樂從 – 蠡湖 – 新隆 – 樂從大道東 – 荷村 >小布 – 瀾石 – 魁奇路▇ – 季華園 – 同濟路 – 祖廟 – 普君北路 – 朝安 – 桂城 – 南桂路 – 𧒽崗 – 千燈湖 – 金融高新區 – 龍溪 – 菊樹 – 西塱█ – 鶴洞 – 沙涌 – 沙園█ – 燕崗 – 石溪 – 南洲█ – 瀝滘█ 新城東 – 東平 – 世紀蓮