Orion (mitologie)
Orion (Grieks: Ὠρίων) was in die Griekse mitologie ’n reus en jagter vir wie Zeus tussen die sterre geplaas het as die sterrebeeld Jagter, ook bekend as Orion.
Antieke bronne vertel verskillende verhale oor Orion. Daar is twee weergawes van sy geboorte en verskeie van sy dood. Die belangrikste episodes gaan oor sy geboorte iewers in Beosië; sy besoek aan Khios, waar hy prinses Merope ontmoet het en nadat hy haar onteer het, deur haar pa, Oenopion, verblind is; die herwinning van sy sig by Lemnos; sy jagervarings saam met Artemis op Kreta; sy dood deur die boog van Artemis of die angel van die reuseskerpioen, wat die sterrebeeld Skerpioen geword het; en sy verheffing tot die hemele. Die meeste antieke bronne laat sommige episodes uit en verskeie vertel net van een. Dit is onseker of dit was om plek te bespaar en of daar onenigheid oor sy rol in die mitologie was.
Orion is in die Griekste letterkunde as ’n kultusheld beskou. Sy eerste verskyning is as ’n groot jagter in Homeros se epiese verhaal die Odussee, waar Odusseus sy skadu in die onderwêreld sien.
Eksterne skakels
- Theoi.com: Orion, uittreksels uit Griekse en Romeinse tekste
- Star Tales – Orion, sterrebeelde en mitologie
Wikimedia Commons het meer media in die kategorie Orion (mitologie).
Hierdie artikel is vertaal uit die Engelse Wikipedia
Text is available under the CC BY-SA 4.0 license; additional terms may apply.
Images, videos and audio are available under their respective licenses.
