Ձմեռային
Ստեղծման թնական	1913
Պատվիրատու	Նիկոլայ II[1]
Ներկա սեփականատեր
Սեփականատեր	Մարիա Ֆյոդորովնա և Համադ բին Խալիֆա ալ Թանի
Հավաքածու	անհայտ
Դիզայն և նյութեր
Նյութեր	Օրթոկլազ, ալմաստ, Քվարց, պլատին, ոսկի[2] և Դեմանտոիդ
Բարձրություն	10,2 սանտիմետր
Ֆաբերժեի ձվեր

«Ձմեռային» (ռուս.՝ Зимнее), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար։ Այն ստեղծվել է 1913 թվականին^[3] Նիկոլայ II կայսեր պատվերով։ Ոսկերչական ձուն Նիկոլայը Զատկի տոնին նվիրել է մորը՝ այրիացած կայսրուհի Մարիա Ֆեոդորովնային^[4]։

Այսօր «Ձմեռային» կայսերական ոսկերչական ձուն պատկանում է Կատարի էմիր Թամիմ բեն Համիդ ալ-Թանիին^[5]։

«Ձմեռային» ոսկերչական ձուն տեղադրված է լեռնային բյուրեղապակուց պատրաստված հիմքին, որը ստեղծված է հալչող սառցաբեկորի տեսքով։ Որպես առվակներ օգտագործվել է պլատին և ադամանդ։ Ձուն նույնպես ստեղծված է լեռնային բյուրեղապակուց^[6]։ Գագաթին լուսնաքար է տեղադրված։ Ձուն բաժանվում է երկու հավասար մասի, որոնք միմյանց են միանում ադամանդակուռ պլատինով։ Ձվի վրա մանրամասնորեն փորագրված է սառցե բյուրեղիկների տեսարան։

«Ձմեռային» կայսերական ոսկերչական ձվի անակնկալը պլատինե ցանցկեն զամբյուղն է՝ երկու բռնակով, որոնք զարդարված են վարդագույն ադամանդներով։ Զամբյուղում տեղադրված է ձնծաղիկների ծաղկեփունջ։ Յուրաքանչյուր ծաղիկ ստեղծված է սպիտակ քվարցից^[7]։ Որպես ցողուն կիրառվել են ոսկե լարեր։ Տերևները պատրաստված են նեֆրիտից, իսկ դրանց մեջտեղի հատվածները՝ կանաչ քվարցից^[8]։ Զամբյուղի հիմքին փորագրված է «Фаберже 1913» (Ֆաբերժե 1913) գրությունը^[5]։

Նիկոլայ II կայսրը «Ձմեռային» կայսերական ոսկերչական ձուն նվիրել է մորը՝ Մարիա Ֆեոդորովնային՝ 1913 թվականին՝ Զատկի տոնին^[9]։ Ձուն արժեցել է 24600^[8] կամ 25000^[6] ռուբլի։ Այն ամենաթանկ^[10] ձուն էր, որի համար երբեէ վճարել էին Ֆաբերժեին։

1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ^[11]։

1927 թվականին ձուն վաճառում են Էմանուել Սնոումանին։ 1948 թվականին այն պատկանել է սըր Բերնարդ Էքսեինին։ Մեկ տարի անց «Ձմեռային» ոսկերչական ձուն գնում է Բրայեն Լեդբրուքը^[12]։ Վերջինիս մահից հետո՝ 1975 թվականին ձվի մասին պատմությունը սկսում է լռել^[11]։

Կրկին ձվի մասին սկսում են խոսել 1994 թվականին, երբ հայտնաբերվում է Լոնդոնում և փոխանցվում Քրիստիս աճուրդի տանը, որտեղից այն գնում է ամերիկացի մի գնորդ։

2002^[13] թվականին Նյու Յորքի Քրիստիս^[14] աճուրդի տանից ձուն գնում է Կատարի էմիր Թամիմ բեն Համիդ ալ-Թանին՝ 9 579 500 դոլարով^[8]։

2005 թվականի հոկտեմբերի 28-ին Ֆինլանդիայի փոստը նամականիշներ թողարկեց՝ նվիրված այս ձվին^[15]։

• Ֆաբերժեի ձվեր

• Ձվի մասին
• Ձմեռային ձու
• Ձմեռային (Ֆաբերժեի ձու)

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ձմեռային (Ֆաբերժեի ձու) կատեգորիայում։

դ ք խ Ֆաբերժեի ձվեր Կայսերական ձվեր Հավիկ (1885)  • Շափյուղայից կախազարդով հավիկ (1886)  • Ժամացույցով ոսկե ձու (1887)  • Քերովբե և կառք (1888)  • Պիտույքատուփ (1889)  • Դանիական դղյակներ (1890)  • Ազովի հիշողություն (1891)  • Ադամանդե ցանց (1892)  • Կովկասյան (1893)  • Վերածնունդ (1894)  • Քրիստոսի հարություն (մինչև 1899, հնարավոր է «Վերածնունդ» ձվի անակնկալը)  • Կապույտ ձու-ժամացույց օձով (1895)  • Վարդի կոկոնով ձու (1895)  • Ալեքսանդր III-ի դիմանկարները (1896)  • Պտտվող մանրակերտերով ձու (1896)  • Երեք մանրակերտով նարդոսավարդագույն ձու (1897)  • Թագադրական (1897)  • Հավալուսն (1898)  • Հովտաշուշաններ (1898)  • Անյուտայի աչիկներ (1899)  • Շուշանների փունջ (1899)  • Աքաղաղ (1900)  • Տրանսսիբիրյան մայրուղի (1900)  • Գատչինյան պալատ (1901)  • Ծաղիկների զամբյուղ (1901)  • Ամպիր (1902)  • Երեքնուկ (1902)  • Դանիական հոբելյան (1903)  • Պետրոս Մեծ (1903)  • Կարապ (1906)  • Մոսկովյան Կրեմլ (1906)  • Շղթայազարդ օրորոց (1907)  • Վանդակով և վարդերով ձու (1907)  • Սիրամարգ (1908)  • Ալեքսանդրյան պալատ (1908)  • Ալեքսանդր III-ի հիշատակին (1909)  • Շտանդարտ զբոսանավը (1909)  • Ալեքսանդր III-ի ձիարձան (1910)  • Սյունաշար (1910)  • Դափնի (1911)  • Թագավորման տասնհինգամյակ (1911)  • Նապոլեոնյան (1912)  • Արքայորդի (1912)  • Ձմեռային (1913)  • Ռոմանովների տան երեքհարյուրամյակ (1913)  • Եկատերինա Մեծ (1914)  • Խճանկարային (1914)  • Դիմանկարներով կարմիր խաչ (1915)  • Կարմիր խաչ տրիպտիխ (1915)  • Սուրբ Գևորգի շքանշան (1916)  • Ռազմական մետաղական (1916)  • Կեչուց (1917)  • Համաստեղություն (1917, անավարտ) Կելխի ձվեր Կելխի հավիկ (1898)  • Տախտակադրվագներով ձու (1899)  • Սոճու կոն (1900)  • Խնձորենու ծաղիկներ (1901)  • Ռոկայլ (1902)  • Կոնֆետատուփ (1903)  • Կելխի շանտեկլեր (1904) Այլ ձվեր Լազուրիտե (1886)  • Կապույտ էմալե զոլերով ձու (1885—1891)  • Վարդագույն քվարցե ձու (1899)  • Գարնանային ծաղիկներ (1899)  • Սկանդինավյան (1899—1903)  • Մալբորո դքսուհու ժամացույց-ձու (1902)  • Ռոտշիլդյան (1902)  • Ժամացույց (1903)  • Յուսուպովի ձու (1907)  • Նոբելի սառցե ձու (1914)  • Գիշերային (1917)  • Ձու-կնիք (1895)