Գարնանային ծաղիկներ
Ներկա սեփականատեր
Սեփականատեր	Վիկտոր Վեկսելբերգ, Ֆորբս ընտանիք, Մալքոլմ Ֆորբս, Lansdell K. Christie? և Մարիա Ֆյոդորովնա
Հավաքածու	Սանկտ Պետերբուրգի Ֆաբերժեի թանգարան
Դիզայն և նյութեր
Նյութեր	ոսկի, արծնապակի, ալմաստ, պլատին, խալցեդոն և Նռնաքարեր
Բարձրություն	83 միլիմետր
Ֆաբերժեի ձվեր

«Գարնանային ծաղիկներ» (ռուս.՝ Весенние цветы), ոսկերչական ձու, որը պատրաստել է վարպետ-ոսկերիչ Միխայիլ Պերխինը^[1] Կարլ Ֆաբերժեի ղեկավարությամբ 1899 թվականին։ Կա վարկած՝ ըստ որի նրա հարազատներից մեկն այս ոսկերչական ձուն նվիրել է այրիացած կայսրուհի Մարիա Ֆեոդորովնային։

Այսօր «Գարնանային ծաղիկներ» ոսկերչական ձուն պատկանում է Վիկտոր Վեկսելբերգի ֆոնդին։ Պահպանվում և ցուցադրվում է Ֆաբերժեի թանգարանում (Նարիշկինների և Շուվալովների պալատ, Սանկտ Պետերբուրգ, Ռուսաստան)։

«Գարնանային ծաղիկներ» ոսկերչական ձուն պատրաստված է նեոռոկոկո ոճով^[2]։ Դրսից ձուն պատված է թափանցիկ մորեգույն-կարմիր գիլիոշինային էմալով։ Զարդարված է ռոկոկո ոճով պատրաստված ոսկե զարդաքանդակներով։ Ձուն բացվում է ուղղահայաց ձևով։ Վերևում՝ բացման տեղում տեղադրված է ադամանդե սողնակ։ Ոսկերչական ձուն տեղադրված է երկու մակարդակից բաղկացած կլոր տակդիրի վրա, որը պատրաստված է բավենիտից։ Տակդիրը երիզավորված է ոսկե շերտերով, որից վերևինը ադամանդակուռ է, իսկ ներքևինը ոսկեձույլ՝ ռոկայլ ոճով։

«Գարնանային ծաղիկներ» ոսկերչական ձվի ներսում տեղադրված է անակնկալը։ Այն իրենից ներկայացնում է ծաղիկների հանովի զամբյուղ։ Ծաղիկների թերթիկները պատրաստված են խալցեդոնից, իսկ վարսանդները՝ դեմանտոիդից^[3]։ Այս անակնկալը շատ նման է կայսերական «Ձմեռային» ձվի անակնկալին՝ պատրաստված 1913 թվականին^[2]։

«Գարնանային ծաղիկներ» ոսկերչական ձվի ստեղծման ստույգ տարեթիվը ցայսօր մնում է չճշտված։ Հանելուկ է մնում նաև այն, թե ինչպես է ձուն հայտնվել Մարիա Ֆեոդորովնայի հավաքածուում՝ Անիչկովների պալատում։ Ձվի վրա կա Միխայիլ Պերխինի դրոշմակնիքը, որը հեղինակը կիրառել է 1899 թվականին, սակայն ձվի տուփից հասկանալի է դառնում, որ այն ստեղծվել է 1903 թվականից հետո, քանի որ տուփի վրա կա Ֆաբերժեի կնիքը և Սանկտ Պետերբուրգի ու Լոնդոնի ֆիրմաների հասցեները, իսկ Լոնդոնում այն բացվել է 1903 թվականից հետո։

1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ։ 1933 թվականին «Антиквариат» ընկերությունը ձուն վաճառել է 2000 ռուբլիով ($1000) անհայտ գնորդի^[3]։ Հետագայում այն ձեռք է բերում A La Vieille Russie ֆիրման։ 1966 թվականին ձուն գնում է Ֆորբս ընկերությունը^[1]։

«Գարնանային ծաղիկներ» ոսկերչական ձուն մինչև 1993 թվականին համարվում էր որպես կայսերական։ Սակայն հետո այն հերքվեց։ Այսօր ձուն գտնվում է Սանկտ Պետերբուրգում՝ Ֆաբերժեի թանգարանում։

• Ֆաբերժեի ձվեր

• «Գարնանային ծաղիկներ» ոսկերչական ձուն կայքում

դ ք խ Ֆաբերժեի ձվեր Կայսերական ձվեր Հավիկ (1885)  • Շափյուղայից կախազարդով հավիկ (1886)  • Ժամացույցով ոսկե ձու (1887)  • Քերովբե և կառք (1888)  • Պիտույքատուփ (1889)  • Դանիական դղյակներ (1890)  • Ազովի հիշողություն (1891)  • Ադամանդե ցանց (1892)  • Կովկասյան (1893)  • Վերածնունդ (1894)  • Քրիստոսի հարություն (մինչև 1899, հնարավոր է «Վերածնունդ» ձվի անակնկալը)  • Կապույտ ձու-ժամացույց օձով (1895)  • Վարդի կոկոնով ձու (1895)  • Ալեքսանդր III-ի դիմանկարները (1896)  • Պտտվող մանրակերտերով ձու (1896)  • Երեք մանրակերտով նարդոսավարդագույն ձու (1897)  • Թագադրական (1897)  • Հավալուսն (1898)  • Հովտաշուշաններ (1898)  • Անյուտայի աչիկներ (1899)  • Շուշանների փունջ (1899)  • Աքաղաղ (1900)  • Տրանսսիբիրյան մայրուղի (1900)  • Գատչինյան պալատ (1901)  • Ծաղիկների զամբյուղ (1901)  • Ամպիր (1902)  • Երեքնուկ (1902)  • Դանիական հոբելյան (1903)  • Պետրոս Մեծ (1903)  • Կարապ (1906)  • Մոսկովյան Կրեմլ (1906)  • Շղթայազարդ օրորոց (1907)  • Վանդակով և վարդերով ձու (1907)  • Սիրամարգ (1908)  • Ալեքսանդրյան պալատ (1908)  • Ալեքսանդր III-ի հիշատակին (1909)  • Շտանդարտ զբոսանավը (1909)  • Ալեքսանդր III-ի ձիարձան (1910)  • Սյունաշար (1910)  • Դափնի (1911)  • Թագավորման տասնհինգամյակ (1911)  • Նապոլեոնյան (1912)  • Արքայորդի (1912)  • Ձմեռային (1913)  • Ռոմանովների տան երեքհարյուրամյակ (1913)  • Եկատերինա Մեծ (1914)  • Խճանկարային (1914)  • Դիմանկարներով կարմիր խաչ (1915)  • Կարմիր խաչ տրիպտիխ (1915)  • Սուրբ Գևորգի շքանշան (1916)  • Ռազմական մետաղական (1916)  • Կեչուց (1917)  • Համաստեղություն (1917, անավարտ) Կելխի ձվեր Կելխի հավիկ (1898)  • Տախտակադրվագներով ձու (1899)  • Սոճու կոն (1900)  • Խնձորենու ծաղիկներ (1901)  • Ռոկայլ (1902)  • Կոնֆետատուփ (1903)  • Կելխի շանտեկլեր (1904) Այլ ձվեր Լազուրիտե (1886)  • Կապույտ էմալե զոլերով ձու (1885—1891)  • Վարդագույն քվարցե ձու (1899)  • Գարնանային ծաղիկներ (1899)  • Սկանդինավյան (1899—1903)  • Մալբորո դքսուհու ժամացույց-ձու (1902)  • Ռոտշիլդյան (1902)  • Ժամացույց (1903)  • Յուսուպովի ձու (1907)  • Նոբելի սառցե ձու (1914)  • Գիշերային (1917)  • Ձու-կնիք (1895)