Թագավորման տասնհինգամյակ
Ստեղծման թնական	1911
Պատվիրատու	Նիկոլայ II
Ներկա սեփականատեր
Սեփականատեր	Ալեքսանդրա Ֆեոդորովնա, Մալքոլմ Ֆորբս, Ֆորբս ընտանիք և Վիկտոր Վեկսելբերգ
Հավաքածու	Սանկտ Պետերբուրգի Ֆաբերժեի թանգարան
Դիզայն և նյութեր
Նյութեր	ոսկի, արծնապակի, ալմաստ, Լեռնային բյուրեղապակի, ջրաներկ և Փղոսկր
Բարձրություն	13,2 սանտիմետր
Ֆաբերժեի ձվեր

«Թագավորման տասնհինգամյակ» (ռուս.՝ Пятнадцатая годовщина царствования), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար։ Այն ստեղծվել է 1911 թվականին^[1] Նիկոլայ II կայսեր պատվերով։ Ոսկերչական ձուն Նիկոլայը Զատկի տոնին նվիրել է կնոջը՝ կայսրուհի Ալեքսանդրա Ֆեոդորովնային^[2]՝ ի նշանավորումն թագադրման տասնհինգամյակի։

Այսօր «Թագավորման տասնհինգամյակ» կայսերական ոսկերչական ձուն պահպանվում և ցուցադրվում է Ֆաբերժեի թանգարանում^[3] (Նարիշկինների և Շուվալովների պալատ, Սանկտ Պետերբուրգ, Ռուսաստան) և պատկանում է Վիկտոր Վեկսելբերգի ֆոնդին։

«Թագավորման տասնհինգամյակ» կայսերական ոսկերչական ձուն պատրաստված է ոսկուց։ Զարդարված է թափանցիկ կանաչ էմալով, անթափանց սպիտակ էմալով, շողշողուն էմալով, ադամանդներով, լեռնային բյուրեղապակիով, ինչպես նաև փղոսկրի վրա ջրաներկ նկարներով^[4]՝ երեսապատված լեռնային բյուրեղապակու շերտով։ Ձուն բաժանված է տասնութ հատվածի՝ կազմված տասնվեց մանրանկարով, որոնց հեղինակը Վասիլի Զուևն^[5] է։ Յոթ ձվաձև մանրանկարները դիմանկարներ^[1] են, որոնք շրջանակված են ադամանդակուռ շրջանակով^[3]. պատկերված են կայսերական ընտանիքի անդամները^[6]։ Մնացած ինը նկարներում պատկերված են Նիկոլայի II կայսեր կյանքի կարևորագույն պահերը։ Նիկոլայի և կնոջ դիմանկարներից ներքև՝ ադամանդե շրջանակի մեջ երկու հիշարժան տարեթվեր են նշված՝ «1894»^[7]՝ գահակալման տարեթիվը և «1911»՝ ձվի ստեղծման տարեթիվը։ Ձվի գագաթին մեծ ադամանդ է տեղադրված, որի տակ կայսրուհու միացագիրն է^[8]։

Դիմանկարներում պատկերված են^[4]՝

• կայսր Նիկոլայ II
• կայսրույի Ալեքսանդրա Ֆեոդորովնա
• արքայորդի Ալեքսեյ Նիկոլաևիչ
• մեծ իշխանուհի Օլգա Նիկոլաևնա
• մեծ իշխանուհի Տատյանա Նիկոլաևնա
• մեծ իշխանուհի Մարիա Նիկոլաևնա
• մեծ իշխանուհի Անաստասիա Նիկոլաևնա

Մյուս մանրանկարներում պատկերված են կասեր համար հիշարժան պահերը^[4].

• 1896 թվականին դեպի Մոսկովյան Կրեմլի Վերափոխման մայր տաճար երթ
• 1896 թվականին Նիկոլայ II կայսեր գահակալությունը
• 1896 թվականին Ալեքսանդր III կայսեր կամուրջի բացումը Փարիզում
• Ալեքսանդր III կայսեր թանգարանի բացումը Սանկտ Պետերբուրգում, 1898 թվականին
• 1899 թվականին Խաղաղության կոնֆերանսի անցկացումը Հաագայում՝ Հյոս տեն Բոս ամրոցում
• սուրբ Սերաֆիմ Սարովսկու մասունքների ձեռքբերումը 1903 թվականին
• 1906 թվականին Ձմեռային պալատում Առաջին Պետական դումայի անդամների ընդունելություն (նկարված է լուսանկարից)
• 1909 թվականին Պոլտավայում հուշարձանի բացում՝ նվիրված Պոլտավայի ճակատամարտի երկուհարյուրամյակին
• 1910 թվականին Պետրոս I արքայի հուշարձանի բացումը Ռիգայում

«Թագավորման տասնհինգամյակ» կայսերական ոսկերչական ձուն անակնկալ չունի^[4]։

Նիկոլայ II կայսրը ձուն կնոջը՝ Ալեքսանդրա Ֆեոդորովնային նվիրել 1911 թվականի Զատկի տոնին^[5]։

1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ։ Թե ինչպես է այդտեղից ձուն հայտնվել Արևմուտքում՝ պատմությունը ցայսօր լռում է^[8]։

1962 թվականին «Թագավորման տասնհինգամյակ» կայսերական ոսկերչական ձուն եղել է Ալեքսանդր Շաֆերի մասնավոր հավաքածուում։ 1966 թվականին «Թագավորման տասնհինգամյակ» կայսերական ոսկերչական ձուն հայտնվում է Ֆորբսի հավաքածուում, Նյու Յորքում^[6]։ 2004 թվականին Նյու Յորքի Սոթբիս աճուրդի տունը ձուն վաճառում է Վիկտոր Վեկսելբերգին^[7]։

• Ֆաբերժեի ձվեր

• Faber, Toby (2008). Fabergé's Eggs: The Extraordinary Story of the Masterpieces That Outlived an Empire. New York: Random House. ISBN 978-1-4000-6550-9.
• Fabergé, Tatiana; Proler, Lynette; Skurlov, Valentin V. (1997). The Fabergé Imperial Easter Eggs. London: Christie's Books. 978-0-903432-48-1
• Hill, Gerald (2007). Fabergé and the Russian Master Goldsmiths. New York: Universe. ISBN 978-0-7893-9970-0.
• Lowes, Will; McCanless, Christel Ludewig (2001). Fabergé Eggs: A Retrospective Encyclopedia. Scarecrow Press. ISBN 978-0-8108-3946-5.

• The Link of Times Foundation: Fifteenth Anniversary egg(չաշխատող հղում)
• Website by Annemiek Wintraecken, details of the Fifteenth Anniversary Egg
• Ձվի ընդհանուր տեսք

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Թագավորման տասնհինգամյակ կատեգորիայում։

դ ք խ Ֆաբերժեի ձվեր Կայսերական ձվեր Հավիկ (1885)  • Շափյուղայից կախազարդով հավիկ (1886)  • Ժամացույցով ոսկե ձու (1887)  • Քերովբե և կառք (1888)  • Պիտույքատուփ (1889)  • Դանիական դղյակներ (1890)  • Ազովի հիշողություն (1891)  • Ադամանդե ցանց (1892)  • Կովկասյան (1893)  • Վերածնունդ (1894)  • Քրիստոսի հարություն (մինչև 1899, հնարավոր է «Վերածնունդ» ձվի անակնկալը)  • Կապույտ ձու-ժամացույց օձով (1895)  • Վարդի կոկոնով ձու (1895)  • Ալեքսանդր III-ի դիմանկարները (1896)  • Պտտվող մանրակերտերով ձու (1896)  • Երեք մանրակերտով նարդոսավարդագույն ձու (1897)  • Թագադրական (1897)  • Հավալուսն (1898)  • Հովտաշուշաններ (1898)  • Անյուտայի աչիկներ (1899)  • Շուշանների փունջ (1899)  • Աքաղաղ (1900)  • Տրանսսիբիրյան մայրուղի (1900)  • Գատչինյան պալատ (1901)  • Ծաղիկների զամբյուղ (1901)  • Ամպիր (1902)  • Երեքնուկ (1902)  • Դանիական հոբելյան (1903)  • Պետրոս Մեծ (1903)  • Կարապ (1906)  • Մոսկովյան Կրեմլ (1906)  • Շղթայազարդ օրորոց (1907)  • Վանդակով և վարդերով ձու (1907)  • Սիրամարգ (1908)  • Ալեքսանդրյան պալատ (1908)  • Ալեքսանդր III-ի հիշատակին (1909)  • Շտանդարտ զբոսանավը (1909)  • Ալեքսանդր III-ի ձիարձան (1910)  • Սյունաշար (1910)  • Դափնի (1911)  • Թագավորման տասնհինգամյակ (1911)  • Նապոլեոնյան (1912)  • Արքայորդի (1912)  • Ձմեռային (1913)  • Ռոմանովների տան երեքհարյուրամյակ (1913)  • Եկատերինա Մեծ (1914)  • Խճանկարային (1914)  • Դիմանկարներով կարմիր խաչ (1915)  • Կարմիր խաչ տրիպտիխ (1915)  • Սուրբ Գևորգի շքանշան (1916)  • Ռազմական մետաղական (1916)  • Կեչուց (1917)  • Համաստեղություն (1917, անավարտ) Կելխի ձվեր Կելխի հավիկ (1898)  • Տախտակադրվագներով ձու (1899)  • Սոճու կոն (1900)  • Խնձորենու ծաղիկներ (1901)  • Ռոկայլ (1902)  • Կոնֆետատուփ (1903)  • Կելխի շանտեկլեր (1904) Այլ ձվեր Լազուրիտե (1886)  • Կապույտ էմալե զոլերով ձու (1885—1891)  • Վարդագույն քվարցե ձու (1899)  • Գարնանային ծաղիկներ (1899)  • Սկանդինավյան (1899—1903)  • Մալբորո դքսուհու ժամացույց-ձու (1902)  • Ռոտշիլդյան (1902)  • Ժամացույց (1903)  • Յուսուպովի ձու (1907)  • Նոբելի սառցե ձու (1914)  • Գիշերային (1917)  • Ձու-կնիք (1895)