Справы па абвінавачванню ў тэрарызме ў Беларусі ў 2020—2021 гадах
Падчас пратэстаў ў Беларусі ў 2020—2021 гадах у адказ на выпадкі вандалізму супраць міліцэйскіх будынкаў і аўтамабіляў былі ўзбуджаны крымінальныя справы, у якіх гэтыя дзеянні кваліфікаваліся як тэрарыстычныя акты. У выніку такіх спраў былі затрыманыя 2 групы людзей і яшчэ адзін чалавек, абвінавачаны ў падрыхтоўцы 2 тэрактаў.
Справа групы Аліневіча
[правіць | правіць зыходнік]28 кастрычніка ў будынку ДАІ Мазыра невядомы разбіў акно і кінуў ў памяшканне «кактэйль Молатава», у выніку чаго адзін з пакояў быў пашкоджаны агнём. У гэты ж дзень каля граніцы з Украінай былі затрыманыя 4 чалавекі, якіх абвінівацілі ў падпале машын каля пракуратуры ў Салігорску 22 кастрычніка і будынка ДАІ ў Мазыры 28 кастрычніка 2020 г.; у СМІ гэта група стала вядома як група Аліневіча[1]". На партале TUT.BY іх погляды ахарактарызаваны як анархісцкія.
Спіс групы Аліневіча
[правіць | правіць зыходнік]- Ігар Аліневіч
- Дзмітрый Дубоўскі
- Сяргей Раманаў
- Дзмітрый Разановіч
Справа групы Аўтуховіча
[правіць | правіць зыходнік]8 снежня па тэлеканала АНТ перадалі аб затрыманні 8 чалавек, якіх назвалі групай Мікалая Аўтуховіча; іх абвінівацілі знішчэнні машын ў Ваўкавыску 2 кастрычніка і 20 лістапада ў Гродне[2]. Мікалая Аўтуховіча раней прыцягвалі да крымінальнай адказнасці за маёмасныя зланчынствы і падрыхтоўку тэрактаў, але абвінавачванні не былі даказаны і праваабронцы прызналі яго турэмнае зняволенне палітычна матываваным[3]. Пазней былі затрыманыя і ўнесеныя ў спіс тэрарыстаў 11 чалавек па справе «групы Аўтуховіча[4]».
Спіс групы Аўтуховіча
[правіць | правіць зыходнік]- Мікалай Аўтуховіч
- Павел Сава
- Артур Папок
- Ірына Гарачкін
- Сяргей Разановіч
- Павел Разановіч
- Любоў Разановіч
- Ірына Мельхер
- Антон Мельхер
- Галіна Дзербыш
- Віктар Снегур
- Уладзімір Гундар
- Вольга Маёрава
Справа аб падрыхтоўцы тэрактаў у Мінску і Барысаве
[правіць | правіць зыходнік]У ноч на 26 сакавіка 2021 г. ў Пячах быў затрыманы жыхар Пінскага раёна Вячаслаў Малейчык, які, паводле версіі следства, заклаў выбуховае рэчыва ў сметніцу ў Мінску на вул. Убарэвіча і планаваў зрабіць тое ж самае на тэрыторыі АВЦ-72, таксама прадстаўнікі сілавых ведамстваў заявілі аб тым, што за дзеяннямі затрыманага стаяла ініцыятыва BYPOL[5].
Матэрыялы крымінальных спраў на цяперашні час недаступныя шырокай грамадскасці, таму інфармацыя аб датычнасці асоб, супраць якіх вядуцца гэтыя справы да вышэй азначаных злачынстваў і магчымасць іх дзеяння менавіта як арганізаваныя групы грунтуецца выключна на тым, што праваахоўныя органы перадалі СМІ.
Зноскі
- ↑ КГБ внес 17 белорусов в перечень физлиц, причастных к террористической деятельности Архівавана 12 красавіка 2021. // TUT.BY
- ↑ Деятельность террористической группы раскрыта в Беларуси // БелТА, 8/12/2020, 21:49
- ↑ Экс-политзаключенного Николая Автуховича назвали организатором «террористической группы»: его обвиняют во взрывах и поджоге Архівавана 24 красавіка 2021. // TUT.BY
- ↑ КГБ внес 17 белорусов в перечень физлиц, причастных к террористической деятельности Архівавана 12 красавіка 2021. // TUT.BY
- ↑ МВД: в Минске и Печах предотвращены теракты — след ведет в BYPOL // БелТА, 26/03/2021, 16:01
Text is available under the CC BY-SA 4.0 license; additional terms may apply.
Images, videos and audio are available under their respective licenses.
