Mangaandioksied
|
Algemeen | |
|---|---|
| Naam | Mangaandioksied |
| Ander name | Bruinsteen |
 |
 |
| Chemiese formule | MnO2 |
| Molêre massa | 86,94 [g/mol] |
| CAS-nommer | 1313-13-9[1] |
| Reuk | Reukloos |
| Fasegedrag | |
| Selkonstantes | a = b = 440,1 pm; c = 287,2 pm (β-MnO2) [2] |
| Ruimtegroep | P42/mnm; (β-MnO2) [2] |
| Nommer | 132 |
| Strukturbericht | C4 |
| Smeltpunt | 535 °C[1] |
| Kookpunt | (ontbind) |
| Digtheid | 5,026 (rel)[1] |
| Oplosbaarheid | Onoplosbaar (water)[1] |
|
Suur-basis eienskappe | |
| pKa | |
|
Veiligheid | |
| Flitspunt | Onbrandbaar |
| LD50 | >3478 mg/kg (oraal in rotte)[1] |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Mangaandioksied of Mangaan(IV)oksied is 'n bruin of swart vastestof met formule MnO2.
Die stof kom as die mineraal pirolusiet voor en word ook bruinsteen genoem.
Mangaanertse
Mangaanertse bevat mangaankarbonaat of mangaandioksied en is taamlik algemeen in die aardkors. Ertse wat suiwer genoeg is om te myn word in Australië, China, Gaboen en Ghana gevind.[3] Die dioksiederts word as 'n poeier in oonde gereduseer tot mangaanoksied MnO wat in swaelsuur oplosbaar is. Dié oplossing word gesuiwer deur koper, nikkel, kobalt, molibdeen, antimoon en arseen te verwyder. Die gesuiwerde oplossing word dan deur elektrolise op titaanelektrodes as elektrolitiese mangaandioksied (EMD) neergeslaan. EMD word veral in droë alkaliese batterye gebruik. Naas EMD bestaan daar ook natuurlike mangaandioksied en chemiese mangaandioksied.
'n Belangrike vervaardiger van EMD in Suid Afrika was Delta EMD wat egter sy werksaamhede in 2014 beëindig het.[4]
Kristalstrukture
Mangaandioksied kristalliseer in verskeie strukture: α-MnO2, β-MnO2, γ-MnO2, δ-MnO2, ε-MnO2, en λ-MnO2, wat se [MnO6]-oktaëders effens anders verbind is.
β-MnO2 het die tetragonale rutiel-struktuur (C4 in die strukturbericht-klassifikasie). Pitrolitiese β-MnO2 is effens nie-stoigiometries en 'n ontaarde halfgeleier met 'n bandgaping van 2eV en 'n taamlik hoë geleidbaarheid van ~1 Ω-1cm-1 en 'n aktiweringsenergie van ~0,1eV. Teen ~80K ondergaan dit 'n halfgeleier-na-metaal-oorgang wat dalk saamhang met 'n magnetiese oorgang na 'n antiferromagnetiese spinstruktuur.[2]
Eienskappe
Dit vorm groen kaliummanganaat onder verhitting met kaliumkarbonaat en suurstof:[5]
Mangaandioksied is 'n goeie katalis wat byvoorbeeld die ontbinding van waterstofperoksied bevorder.
Die Neanderdallers het dit gebruik om vuur te maak. Mangaandioksied verlaag die ontstekingstemperatuur van hout van 350 grade na 250 grade Celsius.[6]
Mangaandioksiedbatterye
Die oudste toepassing van die stof in 'n battery is die sink / mangaandioksied-battery van Lelanchl'e (1866). Die katode bestaan uit 'n koolstofstaaf in 'n mengsel van koolswart en mangaandioksied in 'n poreuse pot. Die anode is van sink en die (nat) elektroliet is 'n oplossing van ammoniumchloried. [7]
- |C|C,MnO2||NH4Cl, ZnCl2, (aq)|Zn|
Die battery lewer aanvanklik 1,55V tot 1,70V, wat tot omtrent 0,8V afneem.
Later is die ontwerp gewysig om dit 'n droë sel te maak. Die elektroliet is nou 'n pap van ammonium- en sinkchloried, geïmpregneer in 'n veselvlies.
Verwysings
- ↑ 1,0 1,1 1,2 1,3 1,4 "Science Lab MSDS" (in Engels). Geargiveer vanaf die oorspronklike op 9 Desember 2018. Besoek op 3 Maart 2016.
- ↑ 2,0 2,1 2,2 Malinenko, V.P. & Aleshina, Lioudmila & Pergament, Alex & Germak, G.V (2013). "Switching Effects and Metal-Insulator Transition in Manganese Oxide". Journal on Selected Topics in Nano Electronics and Computing. 1: 44–50. doi:10.15393/j8.art.2013.3005.
((cite journal)): AS1-onderhoud: gebruik authors-parameter (link) - ↑ Electrolytic Manganese Dioxide from Australia, China, Greece, Ireland, Japan, and South Africa, DIANE Publishing, 2003, ISBN 1-4289-5489-9, ISBN 978-1-4289-5489-2
- ↑ "BusinessDay live 3 Maart 2014" (in Engels). Geargiveer vanaf die oorspronklike op 8 Desember 2018.
- ↑ G.D. Considine (Ed.). (2006). Potassium. In Van Nostrand's Scientific Encyclopedia. doi:10.1002/0471743984.vse5719.
((cite book)): AS1-onderhoud: gebruik authors-parameter (link) - ↑ "nu.nl" (in Nederlands). Geargiveer vanaf die oorspronklike op 9 Oktober 2019.
- ↑ "electrical4u" (in Engels).
Text is available under the CC BY-SA 4.0 license; additional terms may apply.
Images, videos and audio are available under their respective licenses.
