Касцёл Узвіжання Святога Крыжа (Мінск)
Каталіцкі храм | |
Касцёл Узвіжання Святога Крыжа | |
---|---|
![]() | |
53°54′32″ пн. ш. 27°30′17″ у. д.HGЯO | |
Краіна |
![]() |
Горад | Мінск |
Канфесія | каталіцтва |
Епархія | Мінска-Магілёўская архідыяцэзія |
Архітэктурны стыль | неаготыка |
Будаўніцтва | 1839—1841 гады |
Статус |
![]() |
Стан | дзейнічае |
![]() |
Касцёл Узвіжання Святога Крыжа — рымска-каталіцкі храм у Мінску, які размяшчаецца на Кальварыйскіх могілках, дзякуючы гэтаму таксама мае назву «кальварыйскі касцёл»[1].
Адміністрацыйна адносіцца да кальварыйскага дэканату Мінска-Магілёўскай архіепархіі[2]. Помнік архітэктуры ў неагатычным стылі, уключаны ў Спіс гісторыка-культурных каштоўнасцей Рэспублікі Беларусь[3].
Гісторыя
[правіць | правіць зыходнік]![](https://upload.wikimedia.org/wikipedia/commons/thumb/8/83/Miensk%2C_Kalvaryjski._%D0%9C%D0%B5%D0%BD%D1%81%D0%BA%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D0%B9%D1%81%D0%BA%D1%96_%281914%29_%282%29.jpg/250px-Miensk%2C_Kalvaryjski._%D0%9C%D0%B5%D0%BD%D1%81%D0%BA%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D0%B9%D1%81%D0%BA%D1%96_%281914%29_%282%29.jpg)
![](https://upload.wikimedia.org/wikipedia/commons/thumb/f/f3/Miensk%2C_Kalvaryjski._%D0%9C%D0%B5%D0%BD%D1%81%D0%BA%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D0%B9%D1%81%D0%BA%D1%96_%281914%29.jpg/250px-Miensk%2C_Kalvaryjski._%D0%9C%D0%B5%D0%BD%D1%81%D0%BA%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D0%B9%D1%81%D0%BA%D1%96_%281914%29.jpg)
Першы каталіцкі храм на месцы сучаснага касцёла быў пабудаваны ў сярэдзіне XVIII стагоддзя, калі Кальварыйскія могілкі размяшчаліся далёка за межамі Мінска[4]. Касцёл быў «драўляны, на падмурку», меў дзве высокія трох'ярусныя вежы. На могілках кармелітскага ордэна, чый манастыр знаходзіўся ў Мінску, арганізавалі «кальварыю», гэта значыць Крыжовы шлях з капліцамі ў месцах стаяння.
У 1798 годзе пасля стварэння Мінскай епархіі, Кальварыйскі касцёл перайшоў да мінскіх францысканцаў, а могілкі сталі агульнагарадскімі каталіцкімі могілкамі.
У 1836 годзе струхлелы драўляны будынак раскідалі, а на яго месцы ў 1839—1841 гадах пачалі будоўлю мураванага храма ў неагатычным стылі. У 1842 годзе касцёл быў асвячоны.
У 1930-я гады касцёл застаўся адзіным дзеючым у Мінску, але нават у ім не было плябана. Аднак перад пачаткам Вялікай Айчыннай вайны зачынілі і яго. Набажэнствы аднавіліся у час нацысцкай акупацыі Мінска, але адразу па заканчэнні вайны будынак быў прыстасаваны пад майстэрні. У 1980 годзе касцёл вярнулі вернікам, тады ж адрамантавалі.
Архітэктура
[правіць | правіць зыходнік]![](https://upload.wikimedia.org/wikipedia/commons/thumb/1/1d/Belarus-Minsk-Church_of_Exaltation_of_the_Holy_Cross-24.jpg/250px-Belarus-Minsk-Church_of_Exaltation_of_the_Holy_Cross-24.jpg)
Касцёл Узвіжання Святога Крыжа аднанефны, з прамавугольнай апсідай, перакрыты цыліндрычным, з распалубкамі, скляпеннем, пад двухсхільным дахам[4]. Дзве маленькія капліцы, прыбудаваныя да бакавых фасадаў, утвараюць нешта накшталт невялікага трансэпта. Галоўны ўваход мае выгляд спічастага партала, над ім знаходзіцца вежа-званіца.
У крыпце пад касцёлам пахаваны мастак Ян Дамель і біскуп Матэвуш Ліпскі.
Зноскі
Спасылкі
[правіць | правіць зыходнік]На Вікісховішчы ёсць медыяфайлы па тэме Касцёл Узвіжання Святога Крыжа (Мінск)
- Касцёл Узвіжання Святога Крыжа (Мінск) на сайце Radzima.org
- Касцёл Узвіжання Святога Крыжа (Мінск) на сайце Catholic.by (бел.)
- Касцёл Узвіжання Святога Крыжа (Мінск) на сайце Глобус Беларусі (руск.)
Рымска-каталіцкія сакральныя збудаванні Мінска | |
---|---|
Касцёлы |
|
Кляштары |
|
Капліцы |
|
Славутасці Мінска | |||||
---|---|---|---|---|---|
Раёны і кварталы | |||||
Вуліцы і плошчы | |||||
Сядзібы | |||||
Дамы | |||||
Грамадскія будынкі і збудаванні |
| ||||
Індустрыяльная спадчына | |||||
Помнікі і мемарыялы | |||||
Храмы |
| ||||
Сады і паркі | |||||
Некропалі |
Text is available under the CC BY-SA 4.0 license; additional terms may apply.
Images, videos and audio are available under their respective licenses.