Славутасць
Дом Абрампольскага
Дом па вуліцы Савецкай, 17
53°53′47″ пн. ш. 27°32′55″ у. д.HGЯO
Краіна	Беларусь
Горад	Мінск
Тып будынка	даходны дом
Архітэктурны стыль	мадэрн
Архітэктар	Станіслаў Гайдукевіч
Дата заснавання	1912
Дата пабудовы	1912 год
Статус	Гісторыка-культурная каштоўнасць Беларусі, шыфр 713Г000231шыфр 713Г000231
Медыяфайлы на Вікісховішчы

Дом Абрампо́льскага — колішні даходны дом у стылі мадэрн у Мінску, размешчаны на пл. Незалежнасці па адрасе вул. Савецкая, 17. Частка гістарычнай забудовы колішняй Захар’еўскай вуліцы. Выкарыстоўваецца пад адміністрацыйныя ўстановы. Гісторыка-культурная каштоўнасць рэгіянальнага значэння^[1].

Дом Эмануіла Абрампольскага, дырэктара аднаго з мінскіх банкаў, пабудаваны ў 1912 годзе паводле праекта беларускага архітэктара Станіслава Гайдукевіча (гэта яго першы праект пасля заканчэння Пецярбургскай акадэміі мастацтваў). Стары адрас — Захар’еўская, 33 (на рагу з Трубнай)^[2] Сем пакояў першага паверха здымала княгіня Марыя Магдалена Радзівіл, вядомая мецэнатка беларускага нацыянальнага руху. Верхнія пакоі займаў сам Абрампольскі з сям’ёй^[3].

У 1917 годзе дом быў канфіскаваны бальшавіцкімі ўладамі. У 1920-я гады ў доме месціліся кватэры супрацоўнікаў беларускага аддзялення АДПУ (Аб’яднанае дзяржаўнае палітычнае ўпраўленне), пазней — НКУС. Таксама тут жылі прадстаўнікі найвышэйшага дзяржаўнага, партыйнага і гаспадарчага кіраўніцтва БССР. У адной з кватэр у 1919—1931 гадах жыў наркам земляробства і сакратар Менскага гаркама КПБ(б) Адам Славінскі. За гэтым часам дом неафіцыйна звалі Першы Дом Саветаў^[3]. У 1930-я гады ў доме жылі і былі арыштаваныя Дзмітрый Прышчэпаў, Аскар Сапрыцкі, Максім Ляўкоў^[4].

У жніўні 1924 года ў адной з кватэр гэтага дома арыштаваны Барыс Савінкаў^[3].

За Другой сусветнай вайной, у 1941—1942 гадах у будынку месціліся канспіратыўная кватэра савецкага падполля. Пасля Другой сусветнай вайны кіраўніцтва БССР пасялілася ў адмыслова пабудаваных для іх дамах, а дом Абрампольскага аддалі прадстаўнікам савецкай інтэлігенцыі^[3]. У 1948—1955 гадах тут жыў навуковец-геадэзіст, акадэмік Васіль Папоў^[5].

Сёння будынак займае УКБ Мінгарвыканкама, месціцца рэстаран.

Даходны дом Абрампольскага і дом Уніхоўскага злучаны паміж сабой тарцамі і ўтвараюць адзіны фронт забудовы.

Дом Абрампольскага мураваны прамавугольны ў плане трохпавярховы будынак з трапецападобнай мансардай пад вальмавым дахам^[6]. Сіметрычную кампазіцыю галоўнага фасада парушае зрэзаны заходні вугал, завершаны невысокім атыкам з лацінскімі літарамі (дата пабудовы). Пластыку галоўнага фасада ўзбагачаюць ляпныя віньеткі, гірлянды, балконы з металічнай агароджай. Уваходы з боку галоўнага і дваровага фасадаў. Галоўны ўваход вылучаны казырком на дзвюх калонках і высокім паўцыркульным аконным праёмам над ім^[6]. Дваровы фасад зроблены мінімалістычна, без усялякіх дэталяў^[6].

Архітэктура дома сфарміравалася пад безумоўным уплывам стылю арт-нуво, што адбілася ў пластычнасці яго фасада (скошаны вугал, трапецападобная мансарда), у строгім рытме разнастайных аконных праёмаў з балконамі, у стрыманым дэкаратыўным аздабленні^[6].

Планіроўка будынка змененая. Планіровачным ядром ёсць лесвічны вузел, вакол якога раней месціліся кватэры.

• Памятная дошка Адаму Славінскаму, які жыў у доме ў 1919—1931 гадах.
• Памятная дошка пра канспіратыўную кватэру мінскіх падпольшчыкаў у 1941—1942 гадах, якую ўтрымліваў Рыгор Фалевіч.
• Памятная дошка геадэзісту Васілю Васілевічу Папову, які жыў у доме ў 1948—1955 гадах.
• 23 чэрвеня 2017 года на доме была размешчана памятная дошка, якая сведчыць пра знаходжанне ў 1922 годзе ў будынку Аддзела аховы рэвалюцыйнай законнасці Народнага камісарыята юстыцыі БССР.

• 
  Памятная дошка пра канспіратыўную кватэру мінскіх падпольшчыкаў, якую ўтрымліваў Рыгор Фалевіч.
• 
  Памятная дошка ў памяць пра Народны камісарыят юстыцыі БССР.

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
• Ходзін С. Д.Ф. Прышчэпаў: гісторыя асобы як гісторыя краіны / / С.М. Ходзін // Российские и славянские исследования: науч. сб. Вып. 9. / редкол.: А.П. Сальков, О.А. Яновский (отв. редакторы) [и др.].. — Мн.: БДУ, 2014. — С. 131–142. Архівавана 2 мая 2018.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 713Г000231

• Дом Абрампольскага на сайце Глобус Беларусі (руск.)

Ансамбль плошчы Незалежнасці
Праспект Незалежнасці
Будынкі і збудаванні	ГЦ «Сталіца» Дом урада Касцёл Святога Сымона і Святой Алены Дом Абрампольскага Дом Уніхоўскага Гасцініца «Мінск» Галоўны паштамт Будынак Мінгарвыканкама (Мінгарвыканкам) Будынак Кіраўніцтва Мінскага метрапалітэна Галоўны корпус БДУ (БДУ) Галоўны корпус БДПУ імя Максіма Танка (БДПУ імя М. Танка)
Помнікі	У. Л. Леніну Звон Нагасакі Помнік Архангелу Міхаілу Помнік Яну Паўлу II1 Помнік У. С. Амельянюку Дойлід
Іншае	Станцыя метро «Плошча Леніна»
1плануецца

Славутасці Мінска
Раёны і кварталы	Верхні Горад Замчышча Новы Горад Траецкае прадмесце Ракаўскае прадмесце
Вуліцы і плошчы	вул. Валадарскага вул. Інтэрнацыянальная вул. Камсамольская вул. Янкі Купалы вул. Карла Маркса вул. Рэвалюцыйная вул. Няміга пл. Кастрычніцкая пл. Незалежнасці пл. Перамогі пл. Прывакзальная пл. Свабоды пр-т Незалежнасці пр-т Пераможцаў
Сядзібы	Сядзіба Белая дача Дом Ваньковічаў Сядзіба Ваньковічаў Сядзіба Прушынскіх/Любанскіх Сядзіба Пшаздзецкіх (паўднёвы флігель)
Дамы	Вароты Мінска Дом Абрампольскага Дом Воліна Дом Кастравіцкай Дом Козінай Дом Ліўшыца Дом Маліна Дом масонаў Дом Мінскага земляробчага таварыства Дом з мязузай Дом пад шпілем Дом Пераца Дом Полякаў Дом Рапапорта Дом Свянціцкага Дом Уніхоўскага Дом Шахдана Дом Эцінген Дом Яніцкага
Грамадскія будынкі і збудаванні	Аэрапорт Мінск-1 Будынак Міністэрства сельскай гаспадаркі і харчавання Вайсковы шпіталь Гандлёвыя рады Гасцініца Суціна Гасціны двор Дзіцячая чыгунка Дзяржаўны ўніверсальны магазін Дом афіцэраў Дом губернатара Дом урада Дэпо Мінскага добраахвотнага пажарнага таварыства Інстытут фізкультуры Кінатэатр «Перамога» Мінск-Арэна Метрапалітэн Нацыянальная бібліятэка Палац культуры прафсаюзаў Палац Рэспублікі Палац спорту Паштамт Пішчалаўскі замак Прысутныя месцы Ратуша Стадыён «Дынама» Стары будынак Нацыянальнай бібліятэкі Фабрыка-кухня Цырк Чыгуначная бальніца Чыгуначны вакзал Юбілейны дом
Індустрыяльная спадчына	Будынак абутковай фабрыкі Цытвера Піваварны завод «Аліварыя» Воданапорная вежа Дом друку
Помнікі і мемарыялы	Курапаты Востраў слёз Дзяўчынка з парасонам Дзяўчынка з савой «Анёл, які плача» Манумент Перамогі Помнік У. І. Леніну Помнік Адаму Міцкевічу «Яма» Нулявы кіламетр «Звон Нагасакі» Мінск — горад-герой
Храмы	Дзейныя Сабор Сашэсця Святога Духа (Касцёл Дабравешчання Найсвяцейшай Дзевы Марыі) Касцёл Найсвяцейшага Імя Найсвяцейшай Дзевы Марыі Сабор Святых апосталаў Пятра і Паўла Касцёл Святых Сымона і Алены Касцёл Святой Тройцы Царква Святой Марыі Магдаліны Царква Аляксандра Неўскага Касцёл Узвіжання Святога Крыжа Не дзейныя Касцёл Святога Язэпа Царква Святога Духа Архірэйскае падвор’е Кітаеўская сінагога Сінагога Зальцмана Харальная сінагога Свята-Духаўскі манастыр базыльянак Троіцкі манастыр базыльянак Мужчынскі базыльянскі манастыр
Сады і паркі	Аляксандраўскі сквер Батанічны сад Водна-зялёны дыяметр Мінска Заапарк Лошыцкі сядзібна-паркавы комплекс Парк Перамогі Парк імя Янкі Купалы Сэндайскі сквер Цэнтральны дзіцячы парк імя Максіма Горкага
Некропалі	Брацкія вайсковыя могілкі Вайсковыя могілкі Залатагорскія могілкі Кальварыйскія могілкі Старажоўскія могілкі Усходнія могілкі