Vlag van Soedan
 |
|
| Gebruik | Nasionale vlag en Burgerlike- en Staatsvaandel  |
|---|---|
| Verhouding | 1:2 |
| Goedgekeur | 20 Mei 1970 |
| Ontwerp | ’n Groen driehoek aan die vlagpaalkant met drie horisontale bane in rooi, wit en swart aan die wapperkant. |
 |
|
| Gebruik | Vlootvaandel  |
| Verhouding | 1:2 |
| Ontwerp | ’n Wit vlag met die nasionale vlag in die skildhoek. |
 |
|
| Bynaam | Lugmagvaandel |
| Verhouding | 1:2 |
| Ontwerp | ’n Blou vlag met die nasionale vlag in die skildhoek en die lugmagrondeau op die wapperkant. |
Die nasionale vlag van Soedan is op 20 Mei 1970 amptelik in gebruik geneem. Die vlag vertoon ’n groen driehoek aan die vlagpaalkant met drie ewe wye horisontale bane in (van bo na onder) rooi, wit en swart aan die wapperkant.
Simboliek
Die kleure is dieselfde as die Pan-Arabiese kleure en elkeen het ’n eie betekenis. Groen stel vooruitgang en landbou voor, rooi stel die stryd, die martelare vir Soedan en die Groot Arabiese Land voor, wit stel Islam, vrede, optimisme, lig en liefde voor en swart stel Soedan en die Madhi-revolusie voor.[1][2]
Ontwerp
Die vlag van Soedan is soortgelyk aan die vlag van die Arabiese Opstand, die verskille is dat die kleure op ’n ander manier gerangskik is.
Geskiedenis
Mahdiste-opstand
In 1881, aan die begin van die Mahdiste-opstand, het die Mahdi Muhammad Ahmad vir Abdallahi ibn Muhammad as een van sy vier kaliefs aangestel en aan hom ’n swart vlag gegee.[3] Abdallahi het hierdie swart vlag gebruik om die Baggara-Arabiere en ander stamme van die weste te werf. Die ander kaliefs het ander kleur vlae gebruik.[4] Die swart horisontale baan in die huidige Soedannese vlag is ’n verwysing na die swart vlag van die Mahdiste-era.[5]
Anglo-Egiptiese Soedan
Tussen 1899 en 1956 is Anglo-Egiptiese Soedan gesamentlik as ’n kondominium geadministreer deur Egipte en die Verenigde Koninkryk. Die kondominium het nie sy eie vlag gehad nie en het gebruik gemaak van die vlag van Egipte en die vlag van die Verenigde Koninkryk wat altyd gelyktydig vertoon is met die Britse vlag wat voorkeur geniet het.[6]
’n Rangvlag vir die Britse goewerneur-generaal van Soedan het wel bestaan. Dit was soortgelyk aan die goeweneur-generaalsvlae en kommissarisse van ander Britse oorsese gebiede en het bestaan uit ’n Unievlag met ’n wit skyf in die middel waarin die gebied se wapenskild was, met die skyf wat omring was deur ’n lourierkrans. Aangesien geen wapenskild vir Anglo-Egiptiese Soedan bestaan het nie, het die woorde “Goewerneur-generaal van Soedan” in die wit skyf gestaan.
1956–1970 vlag
Met onafhanklikheid van Egipte en die Verenigde Koninkryk op 1 Januarie 1956 het Soedan ’n blou-geel-groen driekleur as nasionale vlag aangeneem. Hierdie vlag was tot 1970 in gebruik toe die huidige vlag aanvaar is.[7]
-
Vlae van Anglo-Egiptiese Soedan -
Vlag van Soedan, 1956 tot 1970 -
Vlootvaandel van Soedan, 1956 tot 1970 -
Vlag van die Goewerneur-generaal van die Anglo-Egiptiese Soedan -
Vaandel van die Soedannese Doeanediens, 1956 tot 1970 -
Standaard van die President van die Demokratiese Republiek van Soedan, 1970 tot 1985 -
Variant van die standaard van die President van die Demokratiese Republiek van Soedan
.svg)
.svg)
.svg)
.svg)
Ander vlae
-
Standaard van die President van Soedan -
Standaard van die President van Soedan -
Vaandel van die Soedannese Doeanediens -
Vlag van Darfoer -
Vlag van Suid-Soedan (sedert 9 Julie 2011 onafhanklik)
.svg)
Soortgelyke vlae
-
-
-
-
-
-
-
-
Vlag van Sirië (regering) -
-
-
.svg)
Verwysings
- ↑ (en) Greig, Charlotte. The Dictionary of Flags. Grange Books. ISBN 1-84013-758-4
- ↑ (en) Soedan by Flags of the World. URL besoek op 15 Mei 2019.
- ↑ (en) Hill, Richard Leslie (1967) [Aanvanklik uitgegee 1951]. ’n Biografiese Woordeboek van Soedan (2de uitg.). Routledge. p. 6. ISBN 978-0-7146-1037-5.
- ↑ (en) Featherstone, Donald F. (1993). Khartoum 1885: General Gordon se Laaste Verset. Osprey military campaign series, v. 23. Osprey Publishing. p. 18. ISBN 978-1-85532-301-8.[dooie skakel]
- ↑ (en) Fadlalla, Mohamed Hassan (2005). Die Probleem van Dar Fur. iUniverse. p. 33. ISBN 978-0-595-36502-9.
- ↑ (en) Anglo-Egiptiese Kondominium (1899–1956) by Flags of the World. URL besoek op 15 Mei 2019.
- ↑ (en) Soedan – Historiese vlae by Flags of the World. URL besoek op 15 Mei 2019.
Eksterne skakels
 |
Wikimedia Commons bevat media in verband met Vlae van Soedan. |
- (en) Soedan by Flags of the World.
- (en) "Flag of the Sudan". Encyclopædia Britannica. Besoek op 15 Mei 2019.
| Soewereine state | Algerië · Angola · Benin · Botswana · Burkina Faso · Burundi · Comore-eilande · Djiboeti · Egipte1 · Ekwatoriaal-Guinee · Eritrea · Eswatini · Ethiopië · Gaboen · Gambië · Ghana · Guinee · Guinee-Bissau · Ivoorkus · Kaap Verde · Kameroen · Kenia · DR Kongo · R Kongo · Lesotho · Liberië · Libië · Madagaskar · Malawi · Mali · Marokko · Mauritanië · Mauritius · Mosambiek · Namibië · Niger · Nigerië · Rwanda · São Tomé en Príncipe · Senegal · Sentraal-Afrikaanse Republiek · Seychelle-eilande · Sierra Leone · Soedan · Somalië · Suid-Afrika · Suid-Soedan · Tanzanië · Togo · Tsjad · Tunisië · Uganda · Zambië · Zimbabwe |  |
|---|---|---|
| Omstrede gebiede | ||
| Afhanklike-, Outonome-, en ander gebiede | Kanariese Eilande / Ceuta / Melilla (Spanje) · Madeiraeilande (Portugal) · Mayotte / Réunion (Frankryk) · Ascencioneiland / Sint Helena / Tristan da Cunha (Verenigde Koninkryk) · Zanzibar (Tanzanië) | |
| Hierdie artikel is in sy geheel of gedeeltelik vanuit die Nederlandse Wikipedia vertaal. |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
