汶萊達魯薩蘭國 نڬارا بروني دارالسلام‎ Negara Brunei Darussalam
旗 紋章
格言：الدائمون المحسنون بالهدى‎ Sentiasa membuat kebajikan dengan petunjuk Allah 「永遠服侍於真主的指引」
國歌：الله فليهاراكن سلطن‎ Allah Peliharakan Sultan 《真主保佑蘇丹》
汶萊嘅位置（綠） 東盟（深灰）  —  [圖例放大]
首都 同最大城市	斯里巴加灣市 4°53.417′N 114°56.533′E / 4.890283°N 114.942217°E / 4.890283; 114.942217
官方語言	馬來語[a]
認可語言	英語[b]
國家語言	馬來語
族裔 （2004[1]）	66.3% 馬來人 11.2% 華裔 3.4% 原住民 2.3% 印度裔 16.8% 其他
宗教 （2011）	國教： 67% 伊斯蘭教遜尼派 其他宗教： 13% 佛教 10% 基督教 10% 印度教同其他宗教
政府	伊斯蘭國家 單一制 君主專制
• 蘇丹兼國家元首	哈桑納爾·博爾基亞陛下
• 王儲	穆赫塔迪·比拉殿下
• 首相	哈桑納爾·博爾基亞陛下
• 穆夫提	阿卜杜勒·阿齊兹（英文：Abdul Aziz Juned）
• 首席法官	張惠安[2]
• 立法會議長	阿都拉曼達益
立法機關	汶萊立法會
歷史
• 汶萊王朝成立	1368年
• 成為英國殖民地	1888年
• 日本佔領	1941年－1945年
• 成為英國保護國	1946年
• 取得內部自治權	1971年
• 脱離大英帝國獨立	1984年1月1號
• 東盟宣言	1984年1月7號
面積
• 總計	5,765 km2（2,226 sq mi）（164）
• 水域（%）	8.6
人口
• 2015[3]估計	417,200[3]（175）
• 密度	72.11/km2（186.8/sq mi）（134）
GDP（PPP）	2016年估算
• 總計	$33.376 billion[4]（116）
• 人均	$80,000[4]（5）
GDP（國際匯率）	2015年估算
• 總計	$13.002 billion[4]（111）
• 人均	$30,932[4]（25）
HDI（2018年）	▼ 0.845[5] 極高 · 43
貨幣	汶萊元（B$）（BND）
時區	UTC+08:00 （汶萊時間（英文：Time in Brunei））
日期格式	dd/mm/yyyy
行車方向	左側
電話區號	+673 080（亦有用東馬來西亞電話區號）
ISO 3166代碼	BN
互聯網頂級域	.bn[6]
^ Under Article 82: "Official language" of the Constitution of Brunei, Malay is the official language. ^ Under Article 82: "Official language" of the Constitution of Brunei, English is used in official documents (official documents are bilingual; Malay and English).[7]
∗由於唔同嘅排名表計法未必一樣，上面嘅排名（第幾名/位）同個一覽表入面個排名未必一樣。 ∗IMF網站嘅人均GDP數字，同用GDP除以上面人口數得出嚟嘅數有可能唔一樣。

汶萊達魯薩蘭國（爪夷文：بروني دارالسلام；馬來文：Negara Brunei Darussalam；英文State of Brunei, the Abode of Peace或者Nation of Brunei, the Abode of Peace），簡稱汶萊（Brunei），以前叫婆羅乃^[8]，係婆羅洲北岸一個東南亞國家，成個國土畀馬來西亞沙撈越州所分割、環繞。汶萊係東南亞聯盟成員之一，主要宗教同國敎係回教，係一個產油國，石油同埋天然氣嘅生產同出口大約佔國內生產總值大約67%。1984年1月1號汶萊脫離英國獨立，1月7號加入東盟。汶萊係一個唔使交稅嘅國家之一。

汶萊有4個縣（daerah）：

• 摩拉縣係汶萊最細嘅縣，首府斯里巴加灣市（Bandar Seri Begawan）屬於呢個縣，面積571平方公里，人口230,030。
• 馬來奕縣係汶萊最大縣，面積2,724平方公里，人口55,602。
• 淡布隆縣，面積1,304平方公里，人口8,563。
• 都東縣，面積1,166平方公里，人口38,649。

據《新唐書》、《舊唐書》，唐宋時同中國各國，都有來往。明朝張燮（1574年—1640年）本《東西洋考》亦有關於汶萊嘅記載。

文萊總人口大約41萬，馬來人佔大約2/3，土著佔6％，人口最多嘅少數民族係華人，大約佔總人口15%，大多數華人信佛教，華人以閩南人佔大多數，其餘12％人口係其他民族（包括印度人）。

由2011中央情報局世界概況估算 ^[9]

  回教 (79%)

  基督教 (9%)

  佛教 (8%)

  其他宗教 (4%)

汶萊2016年人口宗教分佈^[10]

  回教 (80.9%)

  基督教 (7.1%)

  佛教 (7%)

  其他 (5%)

汶萊坐落喺全年濕熱嘅婆羅洲熱帶雨林，成片國土畀馬來西亞沙撈越分為東、西兩部分。以往穿梭兩者之間需要經過沙撈越林夢，直至淡武隆大橋喺2020年通車之後，先將兩者直接連起嚟。

汶萊總面積有5,765平方公里（2,226 sq mi），海岸線長達161公里（100 mi），喺南中國海隔離，同馬來西亞有381公里（237 mi）長嘅邊界、500平方公里（193 sq mi）水域同埋一個 200海哩（370公里; 230 mi）嘅專屬經濟區。

大約97%總人口住喺汶萊西部 (馬來奕縣、都東縣同摩拉縣)，只有大約10,000人住喺東部高山地帶（淡武隆縣）。喺2010年7月，汶萊總人口大約408,000，其中大約150,000人住喺首都斯里巴加灣市。其他主要城鎮包括港口城市 Muara，石油製造城市 Seria ，同埋隔離城鎮馬來奕 (Kuala Belait)。 喺 Belait District, Panaga 地區有好多歐洲人住喺度，因為嗰區有 Royal Dutch Shell 同 British Army housing 以及充足休憩設施。

大部分汶萊土地都喺婆羅洲熱帶雨林生態區低地；高山熱帶雨林地區喺內陸。

汶萊全境接近赤道，屬熱帶雨林氣候，無颱風、地震等天災。

原油同天然氣係國家嘅主要支柱，佔國內生產總值（GDP）90%。喺東南亞，石油儲量同產量僅次於印尼，居第2位。汶萊係世界上最有錢國家之一，同新加坡一樣喺東南亞一樣咁有錢，但係汶萊依家仍被視為發展中國家。

2005年汶萊人均國內生產總值係15,964美元，國民唔使交個人所得稅。

2010年汶萊人均國內生產總值為51,600美元。

汶萊文化同馬來西亞以及印尼相似。另外，伊斯蘭文化亦帶嚟好大影響。

汶萊主要官方語言係馬來語，但係英文都係一個主要語言之一，亦係學校必修科目之一。

作為一個伊斯蘭教法國家，汶萊禁止喺公眾地方買賣同享用酒精飲品。只允許非穆斯林入境時攜帶少量酒精飲品作私人享用。

由於汶萊油價相對平，大多數人會選擇自己揸車，所以巴士數量唔多。另外，汶萊國土相對較細，交通配套尚算齊全，有高速公路連接國內重要地方，東至斯里巴加灣市西至馬來西亞邊境，汶萊國際機場係汶萊唯一一個機場，航點主要係東南亞、東亞同大洋洲一帶。

• 
  汶萊國際機場入境大廳同上層餐廳區
• 
  汶萊國際機場入境字樣
• 
  汶萊國際機場外嘅清真寺

足球係汶萊一種好流行嘅運動^[11]。

汶萊運動員亦參與過國際比賽，包括 奧林匹克運動會、英聯邦運動會同埋東南亞運動會^[12][13]。喺1996年、2000年同2004年奧運會，汶萊派咗一位運動員參賽，而喺2012年倫敦奧運會入面，汶萊派咗兩位運動員，其中包括第一位女奧運會運動員代表^[12]。由1990年以嚟，即使汶萊有派運動員參加英聯邦運動會，但係汶萊運動員仲未喺任何運動入面贏得任何獎牌^[14]。汶萊舉辦過1999年東南亞運動會^[15]。

維基同享有多媒體嘅嘢：

Brunei（類）

維基遊埠有呢篇旅遊嘅資源：Brunei

• Home - GOV.BN Portal 汶萊政府官方入門網站 （馬來文） （英文）
• Brunei Tourism | Unravel Brunei
• 〈国家概况 — 中华人民共和国外交部〉 (簡體中文). 中華人民共和國外交部.
• 〈汶萊和平之國 Brunei Darussalam - 亞太地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文). 中華民國外交部.
• "Brunei - United States Department of State" (英文). 美國國務院.
• 汶萊喺中央情報局《世界概況》嘅資料 （英文）
• 〈ブルネイ・ダルサラーム国 ｜ 外務省〉 (日文). 日本外務省（日文：外務省）.
• "Brunei Darussalam - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.

睇 傾 改 東南亞國家聯盟成員國
成員國	汶萊 ·  柬埔寨 ·  印尼 · 老撾 ·  馬來西亞 · 緬甸 ·  菲律賓 · 星加坡 · 泰國 · 越南
候選國	東帝汶
觀察員國	巴布亞新畿內亞

睇 傾 改 伊斯蘭合作組織成員國
成員國	阿富汗 · 阿爾巴尼亞 · 阿爾及利亞 · 阿塞拜疆 · 巴林 · 孟加拉 · 貝寧 · 布基納法索 · 汶萊 · 喀麥隆 · 乍得 · 科摩羅 · 科特迪瓦 · 吉布提 · 埃及 · 加蓬 · 岡比亞 · 畿內亞 · 畿內亞比紹 · 圭亞那 · 印尼 · 伊朗 · 伊拉克 · 約旦 · 科威特 · 哈薩克 · 吉爾吉斯 · 黎巴嫩 · 利比亞 · 馬爾代夫 · 馬來西亞 · 馬里 · 毛里塔尼亞 · 摩洛哥 · 莫三鼻給 · 尼日爾 · 尼日利亞 · 阿曼 · 巴基斯坦 · 巴勒斯坦國 · 卡塔爾 · 沙特阿拉伯 · 塞內加爾 · 塞拉利昂 · 索馬里 · 蘇丹 · 蘇里南 · 敘利亞 · 塔吉克 · 土耳其 · 突尼西亞 · 多哥 · 土庫曼 · 烏干達 · 烏茲別克 · 阿拉伯聯合酋長國 · 也門
觀察員	國 波斯尼亞 · 中非共和國 · 泰國 · 俄羅斯 · 北塞浦路斯 穆斯林社區 同組織 摩洛國家解放陣線 伊斯蘭機構 PUOICM（英文：Parliamentary Union of the OIC Member States） 國際組織 聯合國(UN) · 不結盟運動(NAM) · 阿拉伯國家聯盟(LAS) · 非洲統一組織(AU) · 經濟合作組織(ECO)