ଅନନ୍ତ ପଟ୍ଟନାୟକ
ଅନନ୍ତ ପଟ୍ଟନାୟକ | |
|---|---|
| ଜନ୍ମ ଓ ଜନ୍ମସ୍ଥାନ | ୧୧ ଜୁନ ୧୯୧୨ ଚଣାହାଟ, ପୁରୀ ଜିଲ୍ଲା |
| ମୃତ୍ୟୁ | ୧୯୮୭ |
| ବୃତ୍ତି | ଲେଖକ |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ନାଗରିକତା | ଭାରତୀୟ |
| ସାହିତ୍ୟ କୃତି | ଅବାନ୍ତର (କବିତା ସଂକଳନ) |
| ଜୀବନସାଥୀ | ନୀରଦପ୍ରଭା ପଟ୍ଟନାୟକ |
| ସମ୍ପର୍କୀୟ | ବ୍ରହ୍ମୋତ୍ରୀ ମହାନ୍ତି (ଭଉଣୀ)[୧] ଅମରେଶ ପଟ୍ଟନାୟକ (ପୁଅ) |
ଅନନ୍ତ ପଟ୍ଟନାୟକ (୧୧ ଜୁନ ୧୯୧୨-୧୯୮୭)[୨] ଓଡ଼ିଶାରେ ଜନ୍ମିତ ଜଣେ ଓଡ଼ିଆ ଲେଖକ ଓ ଅନୁବାଦକ ଥିଲେ । ୧୯୫୦ ମସିହାରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର ସପ୍ତଶଯ୍ୟାର ସେ କାହାଣୀ, ଚିତ୍ରନାଟ୍ୟ, ଗୀତ ଓ ସଂଳାପ ରଚନା କରିଥିଲେ ।[୩]
ଜୀବନୀ
[ସମ୍ପାଦନା]ଅନନ୍ତ ୧୯୧୨ ମସିହା ଜୁନମାସ ୧୧ତାରିଖ ଦିନ ପୁରୀ ଜିଲ୍ଲାର ଚଣାହାଟଠାରେ ଜନ୍ମଗ୍ରହଣ କରିଥିଲେ ।[୪] ପିଲାଦିନରୁ ସେ ନିଜ ମାତାପିତାଙ୍କୁ ହରାଇଥିଲେ । ରେଭେନ୍ସା କଲିଜିଏଟ ସ୍କୁଲରେ ନବମ ଶ୍ରେଣୀରେ ପଢୁଥିବା ସମୟରୁ ସେ କବିତା ଲେଖିବା ଆରମ୍ଭ କରିଥିଲେ । ସ୍କୁଲର କୌଣସି ପତ୍ରିକା ପ୍ରକାଶ ପାଉନଥିଲା । ଶିକ୍ଷକମାନଙ୍କୁ କହି, ସେ "ଛାତ୍ରବନ୍ଧୁ" ନାମକ ପତ୍ରିକା ପ୍ରକାଶନା ଆରମ୍ଭ କରିଥିଲେ । ପତ୍ରିକାର ସମ୍ପାଦକ ମଧ୍ୟ ସେ ନିଜେ ଥିଲେ । ୧୯୩୦ରେ ସେ ମାଟ୍ରିକ ପରୀକ୍ଷା ଦେଇ କୃତକାର୍ଯ୍ୟ ହୋଇଥିଲେ । ବୈପ୍ଲବିକ କବିତା ଲେଖୁଥିବାରୁ ରେଭେନ୍ସା ମହାବିଦ୍ୟାଳୟରେ ତାଙ୍କୁ ପଢ଼ିବାରୁ ବଞ୍ଚିତ କରାଗଲା । ଏହି ସମୟରେ ସେ ଲବଣ ସତ୍ୟାଗ୍ରହରେ ଯୋଗ ଦେଇଥିଲେ ଓ ବୈପ୍ଲବିକ ଗୀତ ଗାଇ ସଂଗ୍ରାମୀମାନଙ୍କର ଉତ୍ସାହ ବର୍ଦ୍ଧନ କରୁଥିଲେ । ୧୯୩୧ରେ ତାଙ୍କୁ ରେଭେନ୍ସା ମହାବିଦ୍ୟାଳୟରେ ଦାଖଲା ମିଳିଥିଲା । ଏଠାରେ ସେ ବାମପନ୍ଥୀ ଚିନ୍ତାଧାର ପ୍ରତି ଆକର୍ଷିତ ହୋଇଥିଲେ । ଓଡ଼ିଶାରେ କଂଗ୍ରେସ ସମାଜବାଦୀ ଦଳ ପ୍ରତିଷ୍ଠାରେ ସେ ମୁଖ୍ୟ ଭୂମିକା ନିର୍ବାହ କରିଥିଲେ । "ନବଯୁଗ ସାହିତ୍ୟ ସଂସଦ" ଏହି ଦଳର ଏକ ଅନୁଷ୍ଠାନ ଥିଲା ଓ ଏହି ଅନୁଷ୍ଠାନ ପତ୍ରିକାର ପରିଚାଳନା ସମ୍ପାଦକ ଦାୟିତ୍ୱ ଅନନ୍ତ ନିର୍ବାହ କରୁଥିଲେ । ଛଅ ମାସ ପ୍ରକାଶ ପାଇବା ପରେ, ଏହି ପତ୍ରିକା ବନ୍ଦ ହୋଇ ଯାଇଥିଲା । 'ଅତନୁ', 'ବୋଧିସତ୍ତ୍ୱ', 'କୁମାରୀ ଯଶୋଧାରା', 'ପ୍ରାୟଦର୍ଶୀ' ଆଦି ଛଦ୍ମନାମରେ ସେ ଏହି ପତ୍ରିକାରେ ଲେଖୁଥିଲେ ।
ରଚନାବଳୀ
[ସମ୍ପାଦନା]- ଅବାନ୍ତର ୧୯୭୯
- ରକ୍ତଶିଖା ୧୯୩୬, ଯୁଗ୍ମ: ସଚ୍ଚି ରାଉତରାୟ
- ଛାଇର ଛିଟା ୧୯୬୬
- ଅଲୋଡ଼ା ଲୋଡ଼ା ୧୯୬୪
- ଶାନ୍ତି ଶିଖା ୧୯୪୫, ୧୯୫୩, ୧୯୮୫
- ଅଋତୁ ଋତୁ ୧୯୮୬
- ତର୍ପଣ କରେ ଆଜି ୧୯୪୧
- କିଞ୍ଚିତ ୧୯୫୯, ୧୯୬୬
- ଉଠ ଜାଗ ଭୋକି ବନ୍ଦୀ
- ସୂତ୍ରଟିଏ ସୁକୃତିର ୧୯୮୬
ଶିଶୁ ସାହିତ୍ୟ
- ଛବିଟିଏକୁ ଗପଟିଏ
- କସରା ଘୋଡ଼ା (ଗପ)
- କୁନୁମୁନୁ
- ଗପୁଡ଼ି ମାଇଁକି ଧପୁଡ଼ି ଧାଇଁ
- ପାଠ ଶୋଭା ୧୯୬୦
- ଲାଲ ଟୁକୁ ଟୁକୁ ସୁରୁଜଟିଏ
- ଅଗଡ଼ମ୍ ବଗଡ଼ମ୍
- ଭଲ ପଣ ଲଢ଼େଇ କର ନା ପୁସି
- ମୋ ପଢ଼ା ବହି
- ତୁମେ ଜାଣ କି ? (ଅନୁବାଦ)
- ଚାଲ ଚାଲ ଯିବା ମେଳଣ ଦେଖି (କବିତା) ୧୯୯୧
ନାଟକ
- ରାବଣ ୧୯୯୧
- ଚିର ଅନ୍ଧାର ରାତି ୧୯୯୦
ଅନ୍ୟାନ୍ୟ
- ଚଢ଼ା ଉତ୍ତରା (ଗଳ୍ପ) ୧୯୬୭
- ଅନନ୍ତ ବିଚିତ୍ରା ୧୯୯୧
- ଅନନ୍ତ ପଟ୍ଟନାୟକ
- ଅନନ୍ତ ପଟ୍ଟନାୟକ ରଚନା ସମଗ୍ର, ଭାଗ ୧ ୧୯୯୬
- ଅନନ୍ତ ପଟ୍ଟନାୟକ ରଚନା ସମଗ୍ର, ଭାଗ ୨ ୧୯୯୯
- ଅନନ୍ତ ପଟ୍ଟନାୟକ ରଚନା ସମଗ୍ର, ଭାଗ ୩ ୨୦୦୦
- ଅନନ୍ତ ପଟ୍ଟନାୟକ ରଚନା ସମଗ୍ର, ଭାଗ ୪ ୨୦୦୨
- ଅନନ୍ତ ପଟ୍ଟନାୟକ ରଚନା ସମଗ୍ର, ଭାଗ ୫ ୨୦୦୬
ଅନୁବାଦ
[ସମ୍ପାଦନା]- ଭାଗ୍ୟରୁ ଖିଏ ୧୯୫୮, ୧୯୬୬ (ମୂଳ: ସୋଲକୋଭଙ୍କ 'Fate of a Man'
- ମା: ୧୯୬୮ "ଗର୍କି"ଙ୍କ ଲିଖିତ ରୁଷୀୟ କ୍ଲାସିକ ବହି "The Mother"ର ଓଡ଼ିଆରେ ରୂପାନ୍ତର କରିଥିଲେ ।[୫]
- ସତ ହେଲା ମଣିଷର ସ୍ୱପ୍ନ ୧୯୭୮
- ଶିକ୍ଷା ନବୀସ
- ଦୁବପତ୍ର (ୱାଲଟ ହ୍ୱିଟମାନଙ୍କ 'Leaves of Grass' ୧୯୯୧
- ବ୍ୟକ୍ତି ଓ କମ୍ୟୁନିଜମ୍ ୧୯୬୭
ସମ୍ମାନ ଓ ପୁରସ୍କାର
[ସମ୍ପାଦନା]- କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ୧୯୮୦[୬] 'ଅବାନ୍ତର' କବିତା ଗ୍ରନ୍ଥ ପାଇଁ
- ସୋଭିଏତ ଲ୍ୟାଣ୍ଡ ନେହେରୁ ପୁରସ୍କାର, ୧୯୬୫
ଆଧାର
[ସମ୍ପାଦନା]- ↑ Chakra, Shyamhari. "A Poet who defied the conventional". The New Indian Express. Retrieved 1 September 2016.[permanent dead link]
- ↑ "ANANTA PATNAIK". OrissaDiary. Retrieved 28 February 2015.[permanent dead link]
- ↑ K. Moti Gokulsing; Wimal Dissanayake (17 April 2013). Routledge Handbook of Indian Cinemas. Routledge. pp. 64–. ISBN 978-1-136-77284-9.
- ↑ "ଆଜି ଜନ୍ମଦିନ". No. ସମ୍ବାଦ ଭୁବନେଶ୍ୱର ସଂସ୍କରଣ. ସମ୍ବାଦ. ୧୧ ଜୁନ ୨୦୨୦. pp. ୨. Archived from the original on 13 June 2021. Retrieved 11 June 2020.
((cite news)): Check date values in:|date=(help) - ↑ Changing the Terms, Translating in the Postcolonial Era Archived 2011-08-27 at the Wayback Machine.. Sherry Simon and Paul St-Pierre. 272 pages . 6 x 9 ISBN 978-0-7766-0524-1 (November 2000). pp. 78
- ↑ "AKADEMI AWARDS (1955-2020)". କେନ୍ଦ୍ର ସାହିତ୍ୟ ଏକାଡେମୀ. Retrieved 13June 2021.
((cite web)): Check date values in:|accessdate=(help)
| International | |
|---|---|
| National | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
