KV36
| KV36 | ||
| Grafkelder van Maiherpri | ||
| ||
| Maiherpri se Dodeboek. | ||
| Ligging | Vallei van die Konings | |
| Land |  Egipte
| |
| Ontdek | Maart 1899 | |
| Uitgrawings deur | Victor Loret | |
← Vorige KV35 Volgende →
KV37 | ||
KV36 in die Vallei van die Konings by Thebe, naby die moderne stad Luxor in Egipte, was die grafkelder van farao Maiherpri van die 18de Dinastie.
Victor Loret het dit in sy tweede seisoen in die vallei herontdek, op 30 Maart 1899. Dit was in 'n groot mate onversteurd, maar omdat daar lank voorheen die laaste keer daaroor geskryf is, was dit nie so bekend soos die ander grafkelders in die vallei nie.[1] Al die voorwerpe wat daarin gevind is, is na die Egiptiese Museum in Kaïro geneem en in die algemene katalogus (Catalogue General; CG) aangeteken. [2]
Onlangs is 'n gedetailleerde lys van die voowerpe en hulle plek in die grafkelder egter ontdek.[3]
Die klein grafkelder bestaan uit 'n skag en 'n kamer aan die onderkant van die westekant.[4] Die grafkamer was onversier, nes dié van niekoninklikes in die vallei. Dit is 3,9 meter lank en 4,1 meter breed.[5] Nie veel is oor Maiherpri bekend nie, want hy verskyn nie in ander bronne nie. 'n Ondersoek van die mummie het aan die lig gebring dat hy 'n jong man was toe hy gesterf het.
Maiherpri is in 'n stel van drie kiste geplaas.[6] 'n Vierde kis[7], met die deksel langsaan, is ook gevind. Dit het aanvanklik tot groot verwarring onder Egiptoloë gelei; dit lyk egter of die ekstra kis binne-in die ander drie moes pas, maar te groot was. Die mummie het 'n begrafnismasker[8] opgehad. Drie flesse met sy organe is ook in 'n kissie[9] in die kamer gevind, asook Maiherpri se Dodeboek[10] en verskeie bokse met stukke gemummifiseerde vleis.[11]
Verwysings
[wysig | wysig bron]- ↑ Reeves,Wilkinson: The Complete Valley of the Kings, p. 179
- ↑ G. Schweinfurth: Neue Thebanische Gräberfunde, in: Sphinx III (1900), pp. 103–107
- ↑ Christian Orsenigo: La tomba di Maiherperi (KV 36). In: La Valle dei Re Riscoperta, I giornali di scavo Vitor Loret (1898–1899) e altri inediti. Mailand 2004, pp. 214–221, 271–281 (met 'n Engelse vertaling deur Stephen Quirke)
- ↑ Reeves,Wilkinson: The Complete Valley of the Kings, p. 180 (plan of tomb)
- ↑ Orsenigo, In: La Valle dei Re Riscoperta, p. 220
- ↑ CG 24001, 24002 en 24004
- ↑ CG 24003
- ↑ Cairo GC 24097
- ↑ CG 24008
- ↑ CG 24095
- ↑ CG 24053-24055
Skakels
[wysig | wysig bron]- Theban Mapping Project: KV36; sluit gedetailleerde kaarte van die grootste deel van die grafkelder in.
Hierdie artikel is in sy geheel of gedeeltelik uit die Engelse Wikipedia vertaal.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
