ஜந்தர் மந்தர்

யுனெசுக்கோ உலகப் பாரம்பரியக் களம்
அமைவிடம்	செய்ப்பூர், இந்தியா
கட்டளை விதி	பண்பாட்டுக் களம்: (iii), (iv)
உசாத்துணை	1338
பதிவு	2010 (34-ஆம் அமர்வு)
பரப்பளவு	1.8652 ha (4.609 ஏக்கர்கள்)
Buffer zone	14.6664 ha (36.241 ஏக்கர்கள்)
ஆள்கூறுகள்	26°55′29″N 75°49′28″E / 26.92472°N 75.82444°E / 26.92472; 75.82444
Location of ஜந்தர் மந்தர் in செய்ப்பூர். Show map of செய்ப்பூர் ஜந்தர் மந்தர் (ஜெய்ப்பூர்) (இராசத்தான்) Show map of இராசத்தான் ஜந்தர் மந்தர் (ஜெய்ப்பூர்) (இந்தியா) Show map of இந்தியா

ஜந்தர் மந்தர் (Jantar Mantar), 19 வானியல் கருவிகளின் தொகுப்புகளைக் கொண்டு ஜெய்ப்பூரில் அமைந்துள்ள ஓர் நினைவிடமாகும். ஜெய்ப்பூரைக் கட்டமைத்த இராஜபுத்திர அரசன் சவாய் இரண்டாம் ஜெய் சிங்கினால் இந்த வானியில் கருவிகள் கட்டமைக்கப்பட்டன. இந்த நினைவிடம் 1734 இல் கட்டிமுடிக்கப்பட்டது.^[1][2] இங்கு உலகின் மிகப்பெரிய கல்லாலான சூரிய மணிகாட்டி உள்ளது. யுனெஸ்கோவினால் அங்கீகரிக்கப்பட்ட உலகப் பாரம்பரியக்களங்களில் ஒன்றாக விளங்குகிறது.^[1][3] ஜெய்ப்பூர் நகர அரண்மனை, ஹவா மஹால் ஆகிய இரு முக்கியமான இடங்களுக்கு அருகில் அமைந்துள்ளது.^[4] இங்குள்ள கருவிகளைக் கொண்டு வானியல் நிலைகளைச் சாதாரணக் கண்களைக் கொண்டே காணலாம்.^[1] பண்டைய நாகரிகங்கள் பலவற்றிலும் காணப்பட்ட தொலமியின் வானியியலுக்கு இந்த வான் ஆய்வுக்கூடம் ஒரு எடுத்துக்காட்டாகும்.^[1][2]

இப்பெயரானது 'ஜந்தர்'- "கருவி" என்ற பொருள்படும் சமசுகிருத சொல்லான 'யந்திரா' "மந்தர்" - 'கணிப்பு' எனப் பொருள்படும் 'மந்தரானா' ஆகியவற்றிலிருந்து பெறப்படுகிறது. இவ்வாறாக, ஜந்தர் மந்தர் என்பது 'கணிப்புக் கருவி' எனப் பொருள்படுகிறது.^[3]

இசுலாமிய வானியல் நூலான 'சிஜ்' அட்டவணையில் தரப்பட்டிருந்த வான்பொருட்களின் இருப்பிடத் தரவுகள் கண்டறியப்பட்டத் தரவுகளோடு பொருந்தவில்லை என்பதை இரண்டாம் ஜெய்சிங் கண்டுபிடித்தார். ஐந்து வெவ்வேறு நகரங்களிலிருந்து வான் பொருட்களை ஆய்வு செய்து அவற்றின் அமைவுத் தரவுகளைக் கொண்டு சிஜ்ஜின் தரவுகளை மேலும் துல்லியமாக்கினார். அவர் உருவாக்கிய 'சிஜ்-ஐ முகமது ஷாகி' என்றழைக்கப்பட்ட அட்டவணை இந்தியாவில் ஒரு நூற்றாண்டாகப் பயன்படுத்தப்பட்டது (எனினும் இந்தியாவிற்கு வெளியே இவ்வட்டவணை முக்கியத்துவம் பெறவில்லை). மேலும் இந்த அட்டவணை நேரத்தைக் கணக்கிடவும் பயன்படுத்தப்பட்டது.^[5]

நேரத்தைக் கணக்கிடுவது, கிரகணங்களை முன்னறிவிப்பது, கதிரவனைச் சுற்றும் புவியின் பாதையில் விண்மீன்களின் இடத்தைத் தடமறிவது, கோள்களின் சாய்மானங்களை அறிவது மற்றும் கோள்களின் கோணவேற்றங்களை அறிவது மற்றும் அவை தொடர்பான இட அட்டவணைகள் போன்றவற்றிற்காக மாபெரும் 19 வடிவவியற் கருவிகளை இந்த வான் ஆய்வுக்கூடம் கொண்டுள்ளது. ஒவ்வொன்றும் நிலத்தில் பதிக்கப்பட்ட மற்றும் 'குவிமையப்படுத்தும் கருவி'யாகும். மிகப்பெரும் கருவியான சாம்ராட் இயந்திரம் 90 அடிகள் (27 m) உயரம் கொண்டு, அதன் நிழல் ஒரு நாளின் நேரத்தை மிகத் துல்லியமாக அறிவிக்கும் முறையில் அமைந்துள்ளது. அதன் முகப்புறம் ஜெய்ப்பூர் நகரின் அட்சக்கோடான 27 அலகுக் கோணமாக அமைந்துள்ளது. அதன் உச்சியில் உள்ள இந்து சத்திரி (சிறிய விதானம்) கிரகணங்கள் மற்றும் பருவகாலங்களை அறிவிக்கப் பயன்படுகிறது. உள்ளூர்ப் பகுதியில் கிடைக்கும் கல் மற்றும் பளிங்கைக் கொண்டு கட்டமைக்கப்பட்டுள்ள ஒவ்வொரு கருவியும், பொதுவாகப் பளிங்கின் உட்புறம் குறித்துள்ள, வான் ஆய்வு வரையறை அளவைக் கொண்டுள்ளது. மிகத் துல்லியமாக அமைந்த வெண்கல வில்லைகளும் பயன்படுத்தப்பட்டன. 1901ஆம் ஆண்டு முழுவதுமாக மறு சீரமைக்கப்பட்ட ஜந்தர் மந்தர் 1948ஆம் ஆண்டு ஒரு தேசியச் நினைவுச் சின்னமாக அறிவிக்கப்பட்டது. ஜெய் சிங்கின் ஜந்தர் மந்தரின் ஊடாகச் செல்லும் ஒரு சுற்றுலா, திண்மையான வடிவவியற் கருவிகளின் ஊடாக நடந்து சென்று, வானுலகை ஆய்வதற்கான வடிவமைக்கப்பட்ட ஒரு வான் ஆய்வுத் தொகுப்பை அறியும் தனித்துவமான ஒரு அனுபவமாகும்.

இந்தக் கருவிகள் பெரும்பாலும் மிகப் பெரும் கட்டமைப்புகளாக உள்ளன.

இந்த ஆய்வகத்தில் அமைந்துள்ள கருவிகள்:

1. சக்கர இயந்திரம்: சக்கர இயந்திரத்தில் நான்கு அரைவட்ட விற்களின் மீதமைந்த நிழற்கடிகாரக் குச்சியின் நிழல் ஒரு நாளின் நான்கு வெவ்வேறு பகுதிகளின் நேரத்தைக் காட்டும் வகையில் சூரியனின் சாய்வைக் காட்டுகிறது. இத்தரவுகள் உலகில் நான்கு வெவ்வேறு இடங்களின் நண்பகல் பொழுதிற்கு ஒத்துள்ளன (ஐக்கிய இராச்சியத்தின் கிரீன்விச், சுவிட்சர்லாந்தின் சூரிட்ச், ஜப்பானின் நோட்கி, பசிபிக்கின் செய்ச்சென்). இது உலகின் வெவ்வேறிடங்களில் உள்ளூர் நேரங்களைக் காட்டும் சுவர்க் கடிகராங்களைப் போன்றது.^[6]
2. தட்சிண பிட்டி இயந்திரம்: வான் பொருட்களின் நெடுவரை வான் உச்சி தூரம், ஏற்றக்கோணம் ஆகியவற்றை அளவிடுகிறது^[6]
3. திகம்ச இயந்திரம்: இரு பொதுமைய வெளிவட்டங்களின் நடுவில் அமைக்கப்பட்டத் தூண் சூரியனின் திசைக்கோணத்தை அளக்கவும் சூரிய உதயத்தையும் மறைவையும் கணக்கிடவும் செய்கிறது.^[7]
4. திசை இயந்திரம்: திசையைக் கண்டுபிடிக்கப் பயன்படுகிறது.
5. துருவ தர்சக் பதிகை: பிற வான்பொருட்களிலிருந்து துருவ விண்மீனின் இருப்பிடத்தை ஆய்வு செய்கிறது^[7]
6. ஜெய் பிரகாஷ் இயந்திரம்: இரண்டு அரைக்கோளக் கிண்ண அடிகொண்ட சூரியக்கடிகாரங்களைக் கொண்டுள்ளது. இந்த சூரியக் கடிகாரங்களில் அளவுகள் குறிக்கப்பட்ட பளிங்குப்பட்டைகள் உள்ளன. ஆய்வாளர்கள் இக்கருவியின் உட்புறம் சென்று ஏற்றக்கோணங்கள் திசைக்க்கோணங்கள் மணிக் கோணங்கள், இறங்கு கோணங்கள் ஆகியவற்றைக் கணக்கிடலாம்.^[2][6]
7. கபாலி இயந்திரம்: வான்பொருட்களின் ஆயதொலைகளை திசைக்கோண மற்றும் நடுவரை முறைமையில் கணக்கிட உதவுகிறது.^[8]
8. கனாலி இயந்திரம்
9. கிராந்தி விரித இயந்திரம்: வான்பொருட்களின் (அகலாங்கு, நெட்டாங்குகளை அளவிடுகிறது.
10. இலகு சாம்ராட் இயந்திரம்: சிறிய சூரியக் கடிகாரம்^[7]
11. மிஸ்ரா இயந்திரம்: ஐந்து வெவ்வேறு இயந்திரங்களின் கலவையாக அமைந்துள்ளது.
12. நாடி வலய இயந்திரம்^[7]
13. பால்ப இயந்திரம்
14. இராம இயந்திரம்
15. இராசி வலய இயந்திரம்
16. சசுட்டான்சு இயந்திரம்^[9]
17. உன்னதம்ச இயந்திரம்^[7]
18. விரிகத் சாம்ராட் இயந்திரம்
19. இயந்திர ராஜ் இயந்திரம்^[10]

2006ஆம் ஆண்டு இங்கு எடுத்த தி ஃபால் என்னும் திரைப்படத்தில் இது சிக்கல் மிகுந்த சுற்று வழியாக சித்தரிக்கப்பட்டது.

2008ஆம் ஆண்டின் வட்ட இல்ல நேரடி (Live at the Roundhouse 2008) என்னும் சுஃபாங்கிள் (Shpongle) ஒளிப்பேழையின் அட்டைக்காக ஸ்டார்ம் தோர்ஜெர்சன் சூரியக் கடியாரத்தைப் படமெடுத்தார்.^[11]

• சந்தர் மந்தர், புதுதில்லி
• ஜெய்ப்பூர் நகர அரண்மனை
• ஹவா மஹால்
• ஜல் மகால்
• ஆம்பர் கோட்டை
• ஜெய்கர் கோட்டை
• இரண்டாம் ஜெய் சிங்

• Jantar Mantar (Jaipur) பரணிடப்பட்டது 2015-12-10 at the வந்தவழி இயந்திரம்
• Website for Jantar Mantar in Jaipur பரணிடப்பட்டது 2008-10-25 at the வந்தவழி இயந்திரம் - Biggest Stone Observatory in the World (Info)
• Architecture in the Service of Science பரணிடப்பட்டது 2009-02-05 at the வந்தவழி இயந்திரம்
• Eye See: Astronomical Architecture Of The Jantar Mantar
• Jantar Mantar instruments with description

பா உ தொ இந்தியாவில் உள்ள உலக பாரம்பரியக் களங்கள்
வடக்கு	ஆக்ரா கோட்டை தலைநகரம் சண்டிகர் கட்டிட வளாகம் பத்தேப்பூர் சிக்ரி வாரணாசியிலுள்ள படித்துறைகள் பெரிய இமாலய தேசியப் பூங்கா உமாயூனின் சமாதி கேவலாதேவ் தேசியப் பூங்கா கஜுராஹோ கால்கா-சிம்லா தொடர்வண்டிப்பாதை நந்தா தேவி தேசியப் பூங்கா, மலர்ப் பள்ளத்தாக்கு தேசியப் பூங்கா குதுப் மினார் செங்கோட்டை தாஜ் மகால் நாளந்தா பல்கலைக்கழகம்
கிழக்கு	டார்ஜீலிங் இமாலயன் இரயில்வே காசிரங்கா தேசியப் பூங்கா மகாபோதி கோயில், புத்த காயா மானசு வனவிலங்கு காப்பகம் கொனார்க் சூரியக் கோயில் சுந்தரவனம் உயிர்க்கோளக் காப்பகம்
தெற்கு	அழியாத சோழர் பெருங்கோயில்கள் மாமல்லபுர மரபுச்சின்னங்கள் காஞ்சிபுரம் கோயில்கள் நீலகிரி மலை தொடர்வண்டிப் போக்குவரத்து மேற்குத் தொடர்ச்சி மலைத்தொடர் ஹம்பி ராமப்பா கோயில் ருத்திரேஷ்வர் கோயில் பட்டடக்கல்
மேற்கு	அஜந்தா குகைகள் பீம்பேட்கா பாறை வாழிடங்கள் சம்பானேர்-பாவாகேத் தொல்லியல் பூங்கா சத்திரபதி சிவாசி தொடருந்து நிலையம் பழைய கோவா எலிபண்டா குகைகள் எல்லோரா ரந்தம்பூர் கோட்டை இராஜஸ்தானின் மலைக் கோட்டைகள் ஜந்தர் மந்தர் (ஜெய்ப்பூர்) ஜெய்சல்மேர் கோட்டை இராணியின் கிணறு மேற்குத் தொடர்ச்சி மலைத்தொடர் தலைநகரம் சண்டிகர் கட்டிட வளாகம்
மையம்	சாஞ்சி சாஞ்சி தூபி எண் 2 உதயகிரி குகைகள் கஜுராஹோ கந்தாரிய மகாதேவர் கோயில் இலக்குமணன் கோயில் கஜூரஹோ சித்திரகுப்தர் கோயில் கஜூரஹோ நந்திக்கோவில் பீம்பேட்கா சாத்புரா தேசியப் பூங்கா பேதாகாட்

பா உ தொ இராஜஸ்தான்
தலைநகரம்: ஜெய்ப்பூர்
புவியியல்	தார் பாலைவனம் ஆரவல்லி மலைத்தொடர் மேவார் பிரதேசம் மார்வார் பிரதேசம் செகாவதி பிரதேசம் அபு மலை பனாஸ் ஆறு சம்பல் ஆறு காளி சிந்து ஆறு காகர் நதி
வரலாறு, பண்பாடு & அரசியல்	காளிபங்கான் பரோர் கரண்புரா காவி நிற மட்பாண்டப் பண்பாடு இராஜஸ்தான் வரலாறு இராஜபுதனம் இராஜபுதனம் முகமை மார்வாரி மொழி மார்வாடிகள் மார்வாரிக் குதிரைகள் இராஜஸ்தானி மொழி ஆளுநர்கள் சட்டப் பேரவை முதலமைச்சர்கள் உயர்நீதிமன்றம் சுற்றுலா
நகரங்கள்  ·	ஜெய்ப்பூர் (தலைநகரம்)  · அல்வார்  · அஜ்மீர் · புஷ்கர்  · பிகானேர்  · ஜெய்சால்மர் · ஜோத்பூர் · கோட்டா · உதயப்பூர்  · பரத்பூர்  · பில்வாரா  · அனுமான்காட் · பாரான்  · சாப்ரா  ·
மாவட்டங்கள்	அல்வர் மாவட்டம் அனுமான்காட் மாவட்டம் அஜ்மீர் மாவட்டம் உதய்பூர் மாவட்டம் கரௌலி மாவட்டம் கோட்டா மாவட்டம் சவாய் மாதோபூர் மாவட்டம் சித்தோர்கார் மாவட்டம் சிரோஹி மாவட்டம் சீகர் மாவட்டம் சுன்சுனூ மாவட்டம் சூரூ மாவட்டம் டுங்கர்பூர் மாவட்டம் டோங் மாவட்டம் தோல்பூர் மாவட்டம் தௌசா மாவட்டம் நாகவுர் மாவட்டம் பரத்பூர் மாவட்டம் பார்மேர் மாவட்டம் பாரான் மாவட்டம் பாலி மாவட்டம் பான்ஸ்வாரா மாவட்டம் பிகானேர் மாவட்டம் பிரதாப்காட் மாவட்டம் பில்வாரா மாவட்டம் பூந்தி மாவட்டம் ராஜ்சமந்து மாவட்டம் ஜாலாவார் மாவட்டம் ஜெய்சல்மேர் மாவட்டம் ஜெய்ப்பூர் மாவட்டம் ஜோத்பூர் மாவட்டம் ஸ்ரீ கங்காநகர் மாவட்டம் ஜலோர் மாவட்டம்
அரண்மனை & கோட்டைகள்	ஜெய்ப்பூர் நகர அரண்மனை இராம்பாக் அரண்மனை ஆம்பர் அரண்மனை ஹவா மஹால் ஜல் மகால் ஏரி அரண்மனை உமைத் பவான் அரண்மனை தீக் அரண்மனை பிசௌ அரண்மனை உதய்பூர் அரண்மனை ஜக் மந்திர் ஷிவ் நிவாஸ் பேலஸ் ஆம்பர் கோட்டை காக்ரோன் கோட்டை கும்பல்கர்க் கோட்டை சித்தோர்கார் கோட்டை நாகர்கர் கோட்டை நீம்ரானா ரந்தம்பூர் கோட்டை ஜுனாகாத் கோட்டை ஜெய்கர் கோட்டை ஜெய்சல்மேர் கோட்டை பாங்கர் கோட்டை
சுற்றுலா	அபு மலை சரிஸ்கா தேசியப் பூங்கா சீதா மாதா வனவிலங்கு சரணாலயம் தார்ரா தேசியப் பூங்கா ரண்தம்போர் தேசியப் பூங்கா ஜந்தர் மந்தர் (ஜெய்ப்பூர்) புஷ்கர் ஏரி சாந்த் பௌரி அகர் நினைவுச் சின்னங்கள் குல்தரா பட்லா சூரிய மின் ஆற்றல் பூங்கா
வழிபாட்டுத் தலங்கள்	தில்வாரா கோயில் கர்ணி மாதா கோயில் சகஸ்ரபாகு கோயில்கள் புஷ்கர் பிரம்மன் கோயில் ஹர்சத் மாதா கோயில் கெஜ்ரி அனுமான் கோயில் கைலா தேவி பரோலி கோயில்கள் அஜ்மீர் தர்கா
புகழ் பெற்றவர்கள்	மகாராணா பிரதாப் மீராபாய் ராணி பத்மினி ராணா சங்கா ராணா கும்பா மான் சிங் முதலாம் ஜெய் சிங் இரண்டாம் ஜெய் சிங் வசுந்தரா ராஜே சிந்தியா ஓம் பிர்லா கஜேந்திர சிங் செகாவத் அசோக் கெலட்
இராஜஸ்தான் மாவட்டப் பட்டியல் வலைவாசல்