Centro (xeometría)
![](https://upload.wikimedia.org/wikipedia/commons/thumb/0/03/Circle-withsegments.svg/220px-Circle-withsegments.svg.png)
En xeometría, o centro dun obxecto é un punto en certo sentido no medio do obxecto. Se a xeometría é considerada como o estudo dos grupos isométricos, entón un centro é un punto fixo de todas as isometrías que moven o obxecto sobre si mesmo.
Círculos, esferas e segmentos
[editar | editar a fonte]O centro dun círculo é o punto equidistante dos puntos do bordo. Do mesmo xeito, o centro dunha esfera é o punto equidistante dos puntos da superficie da esfera, e o centro dun segmento de liña é o punto medio dos dous extremos.
Obxectos simétricos
[editar | editar a fonte]Cando temos obxectos con varias simetrías, o centro de simetría é o punto que deixan invariable as accións simétricas. Polo tanto, o centro dun cadrado, un rectángulo, un rombo ou un paralelogramo é onde se cruzan as diagonais, este é (entre outras propiedades) o punto fixo das simetrías de rotación. Do mesmo xeito, o centro dunha elipse ou dunha hipérbole é onde se cruzan os eixes.
Triángulos
[editar | editar a fonte]Defínenese como centros do triángulo varios puntos especiais:
- o circuncentro, que é o centro da circunferencia que pasa polos tres vértices.
- o centroide ou baricentro ou centro de masas, é o punto no que se equilibraría o triángulo se tivese unha densidade uniforme.
- o incentro é o punto onde se intersecan tódalas bisectrices dos seus vértices, polo cal é o centro da circunferencia inscrita.
- o ortocentro, a intersección das tres altitudes do triángulo.
- o centro de nove puntos, o centro da circunferencia que pasa por nove puntos clave do triángulo.
Nun triángulo equilátero, todos eles son o mesmo punto, que se atopa na intersección dos tres eixes de simetría do triángulo, un terzo da distancia desde a súa base ata o seu vértice.
Polígonos tanxenciais e polígonos cíclicos
[editar | editar a fonte]Un polígono tanxencial ten cada un dos seus lados tanxentes a unha determinada circunferencia, chamada circunferencia inscrita. O centro da circunferencia, chamado incentro, pódese considerar un centro do polígono.
Un polígono cíclico ten cada un dos seus vértices nunha círcunferencia particular, chamada circunferencia circunscrita. O centro da circunferencia circunscrita, chamado circuncentro, pódese considerar un centro do polígono.
Cando un polígono é tanxencial e cíclico, chámase bicéntrico. (Todos os triángulos son bicéntricos, por exemplo.) O incentro e o circuncentro dun polígono bicéntrico non son en xeral o mesmo punto.
Polígonos en xeral
[editar | editar a fonte]O centro habitual, chamado centroide (centro de área) vén de considerar a superficie do polígono como de densidade constante.
Notas
[editar | editar a fonte]Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Centro ![]() |
Outros artigos
[editar | editar a fonte]- Centro de Chebyshev.
Xeometría de rectas | |||||
---|---|---|---|---|---|
Xeometría de curvas | |||||
Xeometría de polígonos |
| ||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.