قەزای ھەولێر
قەزای ھەولێر
قضاء أربيل | |
---|---|
قەزا | |
وڵات | ![]() |
ھەرێم | ![]() |
پارێزگا | پارێزگای ھەولێر |
ژمارەی دانیشتووان (٢٠١٠) | |
• سەرجەم | ٨٥٢٬٣٢٩ |
ناوچەی کاتی | UTC+٣ (AST) |
قەزای ناوەندی ھەولێر یەکێک لە قەزاکانی پارێزگای ھەولێرە کە لە ٣ ناحیەی عەنکاوە، بەحرکە، شەمامک و ٣٧٩ گوند پێکدێت. قەزاکە دەکەوێتە ناوچەیەکی دەشتایی کە لە بەشی ڕۆژھەڵاتیدا زنجیرە گردێک ھەیە. لە لای ڕۆژھەڵاتی قەزاکەش ڕووباری زێی سەروو ھەیە و بەھۆی ئەو ڕووبارەوە پارێزگای ھەولێر و دھۆک لە یەکتری جیادەکرێتەوە. لە وەرزی ھاویندا کەشوھەوای قەزاکە وشک و گەرمە و لە وەرزی زستانیشدا باراناویی و ساردە. بەڵام وەرزی بەھار و پایزی جوان و مامناوەندییە. لە ساڵی ٢٠١٠دا، ژمارەی دانیشتووانی ئەم قەزایە ٨٥٢٬٣٢٩ کەس بووە.
ناحیەکان
[دەستکاری]- عەنکاوە: ناحیەی عەنکاوە سەر بە قەزای ناوەندی ھەولێرە و کەوتووەتە باکووری شاری ھەولێر بەدووری ٤کم. ھیچ گوندێکی نییە و لە وەرزی زستاندا ساردە و لە ھاویندا گەرمە. ڕووبەر: ٤٤.٤٦ کم دووجا. ھێلی پانی و درێژی ناوەندی ناحیە: باشوور ٣٦.٢٢٥٧ پلە. باکوور ٤٣.٩٩٢٨ پلە.
ژمارەی دانیشتووان: ٢٥ ھەزار کەس.
- بەحرکە: ناحیەی بەحرکە کەوتووەتە ناوچەیەکی تەخت بە دووری ١٠ کم لە باکووری شاری ھەولێر. ئاو و ھەوای ئەو ناحیەیە لە وەرزی زستان ساردە و لە ھاویندا گەرمە. ڕووبەر: ٣٨٤.٦ (کم) دووجا.
دووری ناوەندی ناحیە لە ناوەندی قەزا: ١٠ کم. مێژووی بوونی بە ناحیە: ٢٦-١٢-٢٠٠٧ ھێلێ پانی و درێژی ناوەندی ناحیە: باشوور ٣٦.٣١٦١ پلە و باکوور ٤٤.٠٣٢٥ پلە. شوێنە ناسراوەکانی: کارێزی گرد ئارەق، ژمارەی گوند:٣٠، کۆمەڵگە: ٦
- شەمامک: ناحیەی شەمامک سەر بەقەزای ناوەندی ھەولێرە و ناوچەیەکی تەختی دەشتاییە. ئەو ناحیەیە کەوتووەتە باشووری شاری ھەولێر بە دووری ٢٥ کم. ناحیەی شەمامک ناوچەیەکی کشتوکاڵییە و ئاو و ھەوای ناحیەکە لە وەرزی زستاندا ساردە و لە وەرزی ھاویندا گەرمە. ڕووبەر: ٥٥٨.٩ کم دووجا.
ژمارەی گوند: ٦٢ ھێلی پانی و درێژی ناوەندی ناحیە: باشوور ٣٦.٠٢٣٤ پلە. باکوور ٤٣.٩٢٧٤ پلە. باری ڕووی زەوی: دەشت:٩١%. گرد:٩%
سەرچاوەکان
[دەستکاری]- قەزای ناوەندی هەولێر-سایتی پارێزگای ھەولێر
- ژمارەی دانیشتوانی پارێزگای ھەولێر بۆ سالی ٢٠١٠[بەستەری مردوو][بەستەری مردووی ھەمیشەیی][بەستەری مردووی ھەمیشەیی][بەستەری مردووی ھەمیشەیی]، دەستەی ئاماری ھەرێمی کوردستان
قەزاکان و شارەکان | ||
---|---|---|
وتاری پەیوەندیدار |
| |
بابەتی گەشتیاری |
دابەشکارییە کارگێڕییەکانی حکوومەتی ھەرێمی کوردستان | |||||
---|---|---|---|---|---|
پارێزگای دھۆک | |||||
پارێزگای سلێمانی | |||||
پارێزگای ھەولێر | |||||
پارێزگای ھەڵەبجە |
Text is available under the CC BY-SA 4.0 license; additional terms may apply.
Images, videos and audio are available under their respective licenses.