Пітэр Эбдан
Пітэр Эбдан англ.: Peter Ebdon | |
_2014-01-29_04.jpg) | |
| Дата нараджэння: | 27 жніўня 1970[1][2] (54 гады) |
|---|---|
| Месца нараджэння: |
|
| Грамадзянства: |  Англія
|
| Вядучая рука: | правая |
| Прафесійная кар’ера: | 1991 — ... |
| Найвышэйшы рэйтынг: | 3 (07.05.1996–05.05.1997 07.05.2002–05.05.2003) |
| Цяперашні рэйтынг: | 32 (4 красавіка 2016) |
| Прызавыя грошы: | > £3,400,000 |
| Найвышэйшая серыя: | 147 (2 разы: Strachan Open 1992, Чэмпіянат Вялікабрытаніі 1992) |
| Колькасць соценных серый: | 351 |
| Перамогі на турнірах | |
| Рэйтынгавыя турніры: | 9 |
| Іншыя прафесійныя турніры: | 4 |
| Чэмпіён свету: | 2002 |
Пітэр Эбдан (англ.: Peter Ebdon; нар. 27 жніўня 1970, Лондан, Англія) — англійскі прафесійны гулец у снукер. Чэмпіён свету 2002 года і пераможца яшчэ васьмі рэйтынгавых турніраў (уваходзіць у топ-10 снукерыстаў у гісторыі па колькасці рэйтынгавых перамог). Былы трэці нумар сусветнага рэйтынгу (1996—1997, 2002—2003), з сезона 1994/1995 да сезона 2009/2010 нязменна ўваходзіў у топ-16. Адзін з дванаццаці снукерыстаў у гісторыі, якія выйгравалі чэмпіянат Вялікабрытаніі (2006) і чэмпіянат свету (2002) — два з трох спаборніцтваў трайной снукернай кароны (акрамя турніру Мастэрс). За сваю кар’еру выканаў дзве максімальныя серыі.
Стаў прафесіяналам у 1991 годзе ва ўзросце 21 года, перамогшы на моладзевым чэмпіянаце свету ў 1990 годзе, і ўжо ў дэбютным сезоне дайшоў да чвэрцьфіналу чэмпіянату свету. У 1994 годзе здабыў першы рэйтынгавы тытул, стаўшы пераможцам Гран-пры, а таксама атрымаў уайлдкард на турнір Мастэрс у пачатку наступнага года, здзейсніўшы дэбют на найбуйнейшым запрашальным спаборніцтве, пасля чаго ўвайшоў у топ-16 у наступным сезоне. У сезоне 1995/1996 дайшоў да фіналаў двух найбуйнейшых спаборніцтваў — чэмпіянату Вялікабрытаніі і чэмпіянату свету — дзе саступіў Стывену Хендры (12:18), а ў наступным сезоне падняўся на трэці радок у рэйтынгу. У 2002 годзе ў другі выйшаў у фінал сусветнага першынства на Стывена Хендры і перамог у вырашальным фрэйме (18:17), зноў падняўшыся на трэці радок у рэйтынгу ў наступным сезоне. У 2006 годзе гуляў у фінале чэмпіянату свету ў трэці раз, саступіўшы Грэму Доту (14:18), і ўпершыню перамог на чэмпіянаце Вялікабрытаніі, які стаў яго другім тытулам Трайной кароны і сёмым рэйтынгавым тытулам у кар’еры. Пасля гэтага яшчэ два разы перамог на адкрытых чэмпіянатах Кітая ў 2009 і 2012 гадах, пры чым, здабыўшы тытул 2012 года ў 41-гадовым узросце, стаў самым узроставым пераможцам рэйтынгавага турніру з 2004 года. На турніры Мастэрс, адзіным спаборніцтве Трайной кароны, якое не выйграваў Эбдан, два разы даходзіў да паўфіналаў у 1995 і 2005 годзе.
У агульнай колькасці займаў трэці радок у сусветным рэйтынгу два сезоны. Апроч дзевяці рэйтынгавых спаборніцтваў, выйграў яшчэ чатыры нярэйтынгавыя турніры. За сваю прафесійную кар’еру зрабіў больш за 350 соценных брэйкаў і ўваходзіць у топ-15 гульцоў з найбольшай колькасцю соценных серый у гісторыі снукера, а таксама зарабіў больш за тры мільёны фунтаў стэрлінгаў прызавых грошай, уваходзячы у топ-10 снукерыстаў у гісторыі па іх колькасці.
Зноскі
Спасылкі
[правіць | правіць зыходнік]
|
Пітэр Эбдан на Вікісховішчы |
|---|
- Профіль на World Snooker (англ.)
- Статыстыка Пітэра Эбдана на CueTracker.net (англ.)
.svg){kind=small}
.svg){kind=small}
.svg){kind=small}
 Снукерысты, якія зрабілі больш за 100 соценных брэйкаў | |
|---|---|
| Больш за 900 | |
| 700—800 | |
| 500—600 | |
| 400—500 | |
| 300—400 | |
| 200—300 | |
| 150—200 | |
| 100—150 |
|
Снукерысты, якія зарабілі больш за £1,000,000 за кар'еру | |
|---|---|
| Больш за £9,000,000 | |
| £8,000,000—£9,000,000 | |
| £7,000,000—£8,000,000 | |
| £5,000,000—£6,000,000 | |
| £4,000,000—£5,000,000 | |
| £3,000,000—£4,000,000 | |
| £2,000,000—£3,000,000 | |
| £1,500,000—£2,000,000 | |
| £1,000,000—£1,500,000 | |
Снукерысты, якія выконвалі максімальныя брэйкі | |
|---|---|
| 14 | |
| 11 | |
| 8 | |
| 6 | |
| 5 | |
| 4 | |
| 3 | |
| 2 | |
| 1 |
|
| Тэматычныя сайты |
|---|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
