Міністэрства транспарту і камунікацый Рэспублікі Беларусь
Агульная інфармацыя
Краіна	Беларусь
Юрысдыкцыя	Беларусь
Дата стварэння	25 жніўня 1991
Папярэдняе ведамства	Міністэрства транспарту БССР
Сайт	mintrans.gov.by

Міністэ́рства тра́нспарту і камуніка́цый Рэспу́блікі Белару́сь (Мінтранс Беларусі) — ведамства ўраду Беларусі, упаўнаважанае кіраваць шляхамі зносін. Міністр транспарту і камунікацый прызначаецца і здымаецца з пасады прэзідэнтам. З 28 ліпеня 2023 года пасаду міністра займае Аляксей Аляксеевіч Ляхновіч.

5 ліпеня 1993 года Вярхоўны Савет перайменаваў Міністэрства транспарту ў Міністэрства транспарту і камунікацый^[1]. 22 ліпеня 1993 года Пастановаю № 491 урад уключыў у яго склад упраўленне грамадзянскай авіяцыі і Беларускую чыгунку. Прэзідэнт вылучыў іх са складу міністэрства ўказамі ад 4 красавіка 1995 г № 126 і ад 17 красавіка 1996 года № 150 адпаведна, аднак указам ад 5 мая 2006 года № 289 зноў вярнуў іх да складу міністэрства^[2].

• А. Е. Андрееў (1963—1984; міністр аўтамабільнага транспарта)
• Уладзімір Бародзіч (1984—1993; міністр аўтамабільнага транспарта да 1988, міністр транспарта ў 1988—1993)
• Сцяпан Шкапіч (1993—1994);
• Аляксандр Лукашоў (1994—2001)
• Міхаіл Баравы (2001—2005)
• Уладзімір Сасноўскі (2005—2009)
• Іван Шчэрба (2009—2012)
• Анатоль Сівак (2012—2018)
• Аляксей Аўраменка (2019—2023)
• Аляксей Ляхновіч (з 2023)

1. Цэнтральны апарат — 2 дэпартаменты, 8 упраўленняў і 6 аддзелаў^[3], а таксама 2 інспекцыі;
2. Прадпрыемствы «Віцебскаблаўтатранс», «Гомельаблаўтатранс», «Гроднааблаўтатранс», «Мінскаблаўтатранс», «Белтрансснаб», «Транстэхніка», «Белтэхагляд», «Гомельскі аўтарамонтны завод», «Мазырскі аўтарамонтны завод», «Беларускае рачное параходства» (Гомель), «Белводшлях» (Гомель), «Днепра-Бугскі водны шлях» (Пінск), «Ніжняпрыпяцкае» (Мазыр), «Гомельскі суднабудаўніча-суднарамонтны завод», «Пінскі суднабудаўніча-суднарамонтны завод», «Рэчыцкі суднабудаўніча-суднарамонтны завод», «Беларуская інспекцыя рачнога рэгістру» (Гомель), «Белсуднапраект» (Гомель) і Днепра-Бярэзінскае прадпрыемства водных шляхоў (Бабруйск);
3. Аўтамабільныя вучылішча — Брэсцкае, Віцебскае, Гродзенскае, Гомельскае, Магілёўскае і Маладзечанскае.
4. Беларуская чыгунка,
5. Газета «Транспартны веснік» (руск.: Транспортный вестник).

1. стварэнне ўмоў для задаволення патрэб спажыўцоў транспартных паслуг;
2. спрыянне сумесна з іншымі дзяржаўнымі ўстановамі развіццю перавозак;
3. правядзенне нарадаў аб перавозках з зацікаўленымі дзяржаўнымі ўстановамі;
4. спрыянне непасрэдным сувязям айчынных перавозчыкам з замежнымі;
5. упарадкаванне перавозак;
6. павышэнне выніковасці кіравання ўрадавай транспартнай уласнасцю;
7. павышэнне канкурэнтаздольнасці вывазу транспартных паслуг;
8. развіццё тавараправоднай сеткі за мяжой;
9. прыцягненне ў галіну перавозак вонкавых пазык.

1. упарадкаванне капіталаўкладанняў у галіну перавозак;
2. спрыянне ўтварэнню канкурэнтнага асяроддзя ў галіне перавозак;
3. упарадкаванне знешнегандлёвых грузаперавозак;
4. выдаткоўванне на развіццё вывазу транспартных паслуг і міжнародных транспартных шляхоў, што праходзяць праз землі дзяржавы;
5. спрыянне страхаванню перавозак;
6. заключэнне і выкананне міжведамасных міжнародных дамоў аб перавозках;
7. выдача дазволаў на перавозкі і нагляд за выкананнем іх умоў;
8. распрацоўка і нагляд за выкананнем заканадаўства аб перавозках;
9. ухваленне ведамасных загадаў і пастановаў;
10. нагляд за выкарыстаннем і кіраваннем урадавым дарожным фондам;
11. спрыянне найму транспартных сродкаў;
12. вызначэнне коштаў дарожнага будаўніцтва і нагляд за іх ужываннем;
13. вядзенне ведамаснай статыстыкі;
14. улік цэнаў на транспартныя паслугі і нагляд за іх ужываннем;
15. распрацоўка развіцця і нагляд за гаспадарчаю дзейнасцю ведамасных прадпрыемстваў;
16. упарадкаванне рахункаводства і справаздачнасці ў галіне перавозак;
17. валоданне, выкарыстанне і распараджэнне ведамаснай уласнасцю;
18. заключэнне з прафесійнымі саюзамі пагадненняў аб аплаце працы;
19. удзел сумесна з зацікаўленымі ведамствамі ўраду ў міжнародных транспартных арганізацыях;
20. узгадненне міжнародных пасажырскіх перавозак з адпаведнымі ведамствамі іншых дзяржаў;
21. удзел у распрацоўцы правілаў бяспечнага карыстання транспартнымі сродкамі;
22. нагляд за станам і будаўніцтвам шляхоў зносін;
23. падрыхтоўка пераводу галіны перавозак на ваеннае становішча;
24. кіраванне распрацоўкаю і будаўніцтвам аўтамабільных дарог і грамадзянскіх аэрапортаў;
25. наладжванне прафесійных спаборніцтваў у галіне перавозак;
26. улік суднаў і вызначэнне парадку вядзення суднавай кнігі;
27. нагляд за выкананнем правілаў бяспекі суднаходства ў нутраных водах;
28. выдача беларускіх пасведчанняў асобы марака;
29. спрыянне конкурсам на будоўлю шляхоў зносін;
30. ухваленне ведамасных пастановаў аб парадку перавозак;
31. узгадненне будаўніцтва органамі выканаўчай улады аўтамабільных дарог агульнага карыстання;
32. забарона руху па аўтамабільных дарогах пры здарэннях, стыхійных бедствах і правядзенні іх рамонту;
33. выдача дазволаў на праезд цяжкавагавых і буйнагабарытных транспартных сродкаў па аўтадарогах агульнага карыстання;
34. абмежаванне масы і нагрузак на восі транспартных сродкаў пры надворных умовах, што паніжаюць бяспеку аўтамабільных дарог;
35. паведамленне аб сезонных заканадаўчых абмежаваннях дарожнага руху ў адпаведныя ўстановы іншых дзяржаў, што заключылі з урадам Беларусі дагаворы аб аўтамабільных зносінах;
36. наладжванне збору платы за праезд па аўтадарогах;
37. вядзенне ўліку аўтадарог агульнага карыстання і выдача звестак аб іх;
38. ухваленне найменняў і нумароў агульнадзяржаўных дарог;
39. вызначэнне парадку абследавання аўтадарог;
40. вызначэнне парадку пракладкі інжынерных камунікацый у паласе адводу агульнадзяржаўных аўтадарог;
41. узгадненне размяшчэння прадпрыемстваў прыдарожнага абслугоўвання з іх уласнікамі і органамі выканаўчай улады;
42. нагляд за выкананнем правілаў бяспекі палётаў;
43. улік і допуск да выкарыстання грамадзянскіх паветраных суднаў і аэрапортаў;
44. распрацоўка заканадаўства аб грамадзянскіх палётах;
45. апавяшчэнне аб хібах грамадзянскіх паветраных суднаў;
46. выдача дазволаў на выкананне палётаў і ўжыванне бартавых радыёстанцый грамадзянскіх паветраных суднаў з прысваеннем пазыўнога радыёсігналу;
47. нагляд за выкананнем правілаў міжнародных палётаў у паветранай прасторы дзяржавы;
48. медыцынска-санітарнае абслугоўванне працаўнікоў паветраных суднаў дзяржаўных устаноў;
49. узгадненне будаўніцтва ў ваколіцах грамадзянскіх аэрадромаў;
50. улік паветраных здарэнняў у дзяржаве^[4].

• Сайт Міністэрства транспарту і камунікацый Беларусі Архівавана 31 снежня 2014. (руск.) (англ.)

Выканаўчая ўлада Беларусі
Прэзідэнт Адміністрацыя прэзідэнта
Міністэрствы	абароны адукацыі антыманапольнага рэгулявання і гандлю архітэктуры і будаўніцтва аховы здароўя жыллёва-камунальнай гаспадаркі замежных спраў інфармацыі культуры лясной гаспадаркі па надзвычайных сітуацыях па падатках і зборах прамысловасці працы і сацыяльнай абароны прыродных рэсурсаў і аховы навакольнага асяроддзя сельскай гаспадаркі і харчавання спорту і турызму сувязі і інфарматызацыі транспарту і камунікацый унутраных спраў фінансаў эканомікі энергетыкі юстыцыі
Дзяржаўныя камітэты	ваенна-прамысловы дзяржаўнага кантролю дзяржаўнай бяспекі мытны па маёмасці пагранічны па навуцы і тэхналогіях па стандартызацыі статыстычны следчы