Дроў (англ.: drow) — цёмныя эльфы з сусвету Забытых Каралеўстваў — найбольш папулярнага сусвету ролевай гульні «Dungeons & Dragons». Папулярызаваныя пісьменнікам Робертам Сальваторэ, аўтарам кніжнага серыяла пра цёмнага эльфа Дрызта Да’Урдэна. Сёння дроў — адна з найвядомейшых рас у літаратуры і камп’ютарных гульнях жанру фэнтэзі.

Дроў — адна з самых жорсткіх, небяспечных, бязлітасных і крыважэрных рас за ўсю гісторыю фэнтэзі. Дроў жывуць пад зямлёй, у вялізных гарадах, супольнай дзяржаўнасці не маюць. Улада ў гарадах належыць кланам («дамам»), кожны з якіх узначальвае жанчына-матрыярх, найстарэйшая ў родзе. Яна мае амаль неабмежаваную ўладу над сваімі дзецьмі і мужам. Кіраванне ажыццяўляецца праз дыктат і гвалт, іерархію дроў характарызуе абсалютная пакорлівасць перад вышэйшымі і дэспатычныя паўнамоцтвы над ніжэйшымі. Дроў, здольныя праяўляць хоць бы якія прыкметы дабрыні, чалавечнасці, літасці, папросту не выжываюць. Натуральны адбор (ад войн смяротнасць даволі высокая) пакідае толькі самых беспрынцыповых, бесчалавечных, здольных на ўсякую подласць і здраду. Натуральная працягласць жыцця дроў — каля 700 гадоў, але большасць проста не дажывае да гэтага ўзросту. Хворых і параненых суайчыннікаў дабіваюць. Усякае праяўленне літасці да ворага расцэньваецца як здрада. Дзяцей выхоўваюць з ужываннем фізічнай сілы (у прыватнасці, змяіных бізуноў), без усялякіх уступак: самыя слабыя з іх паміраюць. У многіх гарадах рабы складаюць да паловы насельніцтва. Больш за ўсё дроў ненавідзяць светлых эльфаў, што жывуць на паверхні Зямлі. Амаль усе іншыя расы вадзяцца і не давяраюць дроў, што ўскладняе жыццё нават тых рэдкіх цёмных эльфаў, якія перайшлі на бок дабра.

Выглядам дроў адрознівае абсалютна чорная (абсідыянавая) скура і белыя валасы. Галоўная багіня дроў — Ллос, Павучыная Каралева.

• Дроў, бестыярый (русск)

Фэнтэзі
Паджанры	Эпічнае Квэставае Лірычные Гістарычные Тэхнафэнтэзі Гумарыстычнае Цёмнае New Weird Меч і магія Меч і планета Манапанк Парамагія Гарадское
Сусветы фэнтэзі	Арда Амбер Забытыя каралеўствы Крын Невендаар Плоскі свет Упарадкаванае Хабарыйскі сусвет Нарнія Земнамор’е Торн Алагезія Анкарыя Вестэрас Рапгар Нью-Кробюзан Сармантазара
Расы	Людзі Эльфы Гномы Оркі Хобіты Драконы Феі Дроў Гобліны Свірфнібліны Тытаны Тыфлінгі Генасі Гаргулы Драканіды Дэвы Юань-ці Аазімары Нагі Морлакі Огры Дану Яшчаралюдзі Туатаны Паўэльфы Кедэры Паўоркі Данмеры Альтмеры Дрэнеі Начныя эльфы Эльфы крыві
Кнігі, серыі	Уладар Пярсцёнкаў Хронікі Нарніі Хронікі Мяшанкі Вядзьмар Сага пра Элрыка Хронікі Корума Дачка жалезнага дракона Сага пра кап’ё Вакзал страчаных сноў Гарменгаст Сага аб Дзірце