Варшаўскі ўніверсітэт
польск.: Uniwersytet Warszawski
Арыгінальная назва	польск.: Uniwersytet Warszawski
Заснаваны	1816
Рэктар	Alojzy Nowak[d]
Студэнты	42 700[1]
Дактары	2148
Размяшчэнне	Польшча, Варшава
Сайт	uw.edu.pl
Медыяфайлы на Вікісховішчы

Варшаўскі ўніверсітэт (польск.: Uniwersytet Warszawski) — адзін з найстарэйшых і найбуйнейшых універсітэтаў у Польшчы, знаходзіцца ў Варшаве.

У 1908—1914 гг. дзейнічала Беларускае студэнцкае зямляцтва.

Створаны Цэнтр беларускіх даследаванняў. У 2016 годзе выдадзены першы нумар «Гадавіка Цэнтра беларускіх студыяў».

Прафесары і выкладчыкі

• Іван Іванавіч Замоцін (з 1908)
• Яўхім Фёдаравіч Карскі — філолаг-славіст, заснавальнік беларускага навуковага мовазнаўства і літаратуразнаўства
• Казімеж Міхалоўскі (1901—1981) — польскі археолаг, егіптолаг, гісторык мастацтваў
• Фларыян Няўважны — польскі славіст, спецыяліст па ўсходнеславянскіх літаратурах
• Ян Станкевіч (1928—1932) — беларускі мовазнавец, гісторык, палітычны дзеяч
• Мікалай Васілевіч Бірыла (1956—1958) — беларускі мовазнавец
• Аляксандр Баршчэўскі — беларускі паэт, літаратуразнавец, публіцыст, перакладчык, фалькларыст, педагог, грамадска-культурны дзеяч

Вядомыя выпускнікі і студэнты

• Аркадзь Арэхва — беларускі грамадскі дзеяч, юрыст
• Анатоль Васілевіч Багдановіч — беларускі і рускі мовазнавец, педагог
• Зміцер Бандарэнка — беларускі палітычны актывіст
• Ніна Баршчэўская — беларускі мовазнавец, грамадскі і культурны дзеяч
• М. Бегін — прэм’ер-міністр Ізраіля, Нобелеўскі лаўрэат
• Павел Вечаркевіч — польскі гісторык
• Генрык Віснер — польскі гісторык
• Франак Вячорка — беларускі грамадскі дзеяч, журналіст, палітык
• Ода Буйвід — польскі бактэрыёлаг
• Вацлаў Яўгенавіч Гебельт — беларускі шахматыст
• Браніслаў Герэмек — польскі палітык
• Леанід Гурвіч — амерыканскі эканаміст, лаўрэат Нобелеўскай прэміі па эканоміцы
• Януш Леанардавіч Івашкевіч — польскі і беларускі гісторык, архівіст, даследчык палітычнай гісторыі Беларусі, Польшчы і Літвы
• Віталь Луба — польскі беларускі літаратар, журналіст
• Ян Максімюк — беларускі журналіст, перакладчык, крытык, літаратар
• Янка Жамойцін — беларускі пісьменнік-публіцыст, літаратурны крытык, грамадскі дзеяч
• Павел Якаўлевіч Жаўрыд — беларускі грамадска-палітычны дзеяч, журналіст. Адзін з кіраўнікоў Слуцкага збройнага чыну
• Міхась Шаховіч — беларускі паэт
• Іван Іванавіч Цвікевіч — беларускі медык, грамадскі і навуковы дзеяч, публіцыст
• Сакрат Яновіч — польскі беларускі пісьменнік
• Anton Snt — беларускі мастак у галіне contemporary art
• Анхела Эспіноса Руіс — беларуская паэтэса іспанскага паходжання

Кафедра беларусістыкі Варшаўскага ўніверсітэта

Пачала дзейнічаць з 1 кастрычніка 1956 года як Кафедра беларускай філалогіі. Ініцыятаркай яе стварэння, арганізатаркай і шматгадовай (да 1971 года) загадчыцай была прафесар Антаніна Абрэмбска-Яблоньска (1901—1994), — вядомая славістка, аўтарка шматлікіх прац у галіне славянскага мовазнаўства. У стварэнні і фарміраванні пачаткаў кафедры дапамогу аказаў Беларускі дзяржаўны ўніверсітэт, які перадаў новаму падраздзяленню вялікую колькасць кніг па беларускай філалогіі, а таксама (пры патрэбе) накіроўваў сваіх супрацоўнікаў для выкладчыцкай дзейнасці.

З 2005 года працуе на факультэце прыкладной лінгвістыкі Варшаўскага ўніверсітэта як Кафедра беларусістыкі.

Супрацоўнікі кафедры актыўна ўдзельнічаюць у айчынным і міжнародным навуковым жыцці, удзельнічаюць у канферэнцыях і кангрэсах (славянскіх і беларускіх), публікуюць свае працы ў часопісах і калектыўных выданнях у Польшчы і за мяжой. Па ініцыятыве Кафедры беларусістыкі з 1993 года арганізуецца Міжнародная навуковая канферэнцыя «Шлях да ўзаемнасці». Кафедра распрацоўвае вучэбныя і прадметныя праграмы, вучэбныя і школьныя падручнікі (для школ усіх узроўняў), вядзе лексікаграфічную і выдавецкую працу. На кафедры абаронена мноства доктарскіх дысертацый у галіне мовазнаўства і літаратуры.

З 2007 года кафедра беларусістыкі з’яўляецца выдаўцом навуковага часопіса «Acta Albaruthenica». Гэты штогоднік рэдагуецца супрацоўнікамі кафедры і рэгулярна выходзіць у Варшаве.

Зноскі

Спасылкі

• На Вікісховішчы ёсць медыяфайлы па тэме Варшаўскі ўніверсітэт
• Афіцыйны сайт (польск.)