Кракаўскі політэхнічны ўніверсітэт імя Тадэвуша Касцюшкі
польск.: Politechnika Krakowska im. Tadeusza Kościuszki
Арыгінальная назва	польск.: Politechnika Krakowska im. Tadeusza Kościuszki
Міжнародная назва	Cracow University of Technology
Заснаваны	1945
Тып	політэхніка
Рэктар	Анджэй Бялкевіч
Рэктар	Andrzej Białkiewicz[d][1]
Студэнты	14 000
Краіна	Польшча
Размяшчэнне	Кракаў
Юрыдычны адрас	вул. Варшаўская 24, 31-155 г. Кракаў, Польшча
Сайт	pk.edu.pl
Медыяфайлы на Вікісховішчы

Кракаўскі політэхнічны ўніверсітэт імя Тадэвуша Касцюшкі (польск.: Politechnika Krakowska im. Tadeusza Kościuszki) — польская дзяржаўная вышэйшая навучальная ўстанова політэхнічнага профілю са статусам універсітэта, якая знаходзіцца ў Кракаве.

Стварэнне вучэльні звязана з сацыяльна-палітычнымі наступствамі Другой сусветнай вайны. Разбуранай краіне патрэбныя былі інжынеры, здольныя хутка яе аднавіць. Акрамя таго, у выніку тэрытарыяльных зменаў Львоўскі політэхнічны ўніверсітэт апынуўся ў межах СССР. У сувязі з гэтай сітуацыяй прафесар Ісідор Стэла-Савіцкі, які да вайны ўзначальваў кафедру будаўніцтва і інжынерыі ў Горнай акадэміі, прапанаваў стварыць вышэйшую тэхнічную навучальную ўстанову ў Кракаве. Канцэпцыя была добра сустрэтая кіраўніцтвам акадэміі, а таксама падтрымана міністрам адукацыі ПНР. У 1945 годзе міністр адукацыі дазволіў арганізацыю пры Горнай акадэміі шэрага політэхнічных факультэтаў: архітэктуры, а таксама лясной, будаўнічай, воднай і вымяральнай інжынерыі. Яны мелі адміністрацыйную і бюджэтную адасобленасць, а таксама ўласны Сенат.

19 лістапада 1946 года ўлады ПНР выдалі указ аб стварэнні ў акадэміі факультэтаў архітэктуры, інжынерыі і камунікацый, названых політэхнічнымі факультэтамі. Акт меў зваротную сілу, якая дзейнічала з 1 красавіка 1945 года, і гэты дзень лічыўся датай заснавання вучэльні. У 1947 годзе сядзібу факультэтаў перанеслі ў адаптаваныя для навучальных мэтаў будынкі на вул. Варшаўскай - да былых аўстрыйскіх казармаў імя эрцгерцага Рудольфа, якія ў міжваенны перыяд насілі імя караля Яна III Сабескага. Поўная незалежнасць універсітэтам была атрымана 7 ліпеня 1954 года, калі была прынята пастанова Савета Міністраў ПНР аб стварэнні Кракаўскага політэхнічнага ўніверсітэта. 30 верасня 1976 года яму было прысвоена імя Тадэвуша Касцюшкі.

Амаль з самага пачатку свайго існавання Кракаўскі політэхнічны ўніверсітэт рэалізоўваў шырокую праграму даследчай дзейнасці і супрацоўніцтва з прамысловасцю. У выніку да пачатку 1970-х гадоў тры з чатырох яго факультэтаў атрымалі поўныя акадэмічныя паўнамоцтвы для прысваення доктарскіх ступеняў і хабілітацыі. У 1966 годзе быў створаны пяты па ліку хімічны факультэт. Праз 9 гадоў быў створаны факультэт транспарту. У 1999 годзе быў створаны сёмы факультэт -сёння гэта факультэт інфарматыкі і тэлекамунікацый.

• Архітэктуры
• Інфарматыкі і тэлекамунікацый
• Электратэхнічнай і камп'ютарнай інжынерыі
• Грамадзянскага будаўніцтва
• Матэрыялазнаўчай інжынерыі і фізікі
• Інжынерыі навакольнага асяроддзя і энергетыкі
• Хімічнай інжынерыі і тэхналогіі
• Механічны

• На Вікісховішчы ёсць медыяфайлы па тэме Кракаўскі політэхнічны ўніверсітэт імя Тадэвуша Касцюшкі
• Афіцыйная інтэрнэт-старонка ўніверсітэта

Універсітэты Польшчы
«Класічныя» універсітэты	Адама Міцкевіча (Познань) Апольскі Беластоцкі Бельска-Бяльскі Вармінска-Мазурскі (Ольштын) Варшаўскі Гданьскі Жэшоўскі Зялёнагурскі Казіміра Вялікага (Быдгашч) Казіміра Пуласкага (Радам) Кардынала Стэфана Вышынскага (Варшава) Лодзьскі Мікалая Каперніка (Торунь) Марыі Складоўскай-Кюры (Люблін) Сацыяльна-гуманітарны (Варшава) Сілезскі (Катавіцы) Сядлецкі Уроцлаўскі Шчэцінскі Ягелонскі (Кракаў) Яна Длугаша (Чэнстахова) Яна Каханоўскага (Кельцы)
Політэхнічныя ўніверсітэты	Апольскі Беластоцкі Быдгашчскі Варшаўскі Гданьскі Жэшоўскі Заходнепаморскі (Шчэцін) Кашалінскі Кракаўскі Лодзьскі Люблінскі Познаньскі Свентакшыскі (Кельцы) Сілезскі (Глівіцы) Уроцлаўскі Чэнстахоўскі
Галіновыя ўніверсітэты	Горна-металургічная акадэмія імя Станіслава Сташыца (Кракаў) Марскі (Гдыня) Мастацтваў імя Магдалены Абакановіч (Познань) Медыцынскі (Беласток) Медыцынскі (Варшава) Медыцынскі (Гданьск) Медыцынскі (Лодзь) Медыцынскі (Люблін) Медыцынскі імя Сілезскіх Пястаў (Уроцлаў) Медыцынскі імя Караля Марцінкоўскага (Познань) Музычны Фрыдэрыка Шапена (Варшава) Паморскі медыцынскі (Шчэцін) Педагагічны імя Адукацыйнай камісіі (Кракаў) Прыродазнаўчы (Люблін) Прыродазнаўчы (Познань) Прыродазнаўчы (Уроцлаў) Сельскагаспадарчы імя Гуга Калантая (Кракаў) Сілезскі медыцынскі (Катавіцы) Эканамічны (Катавіцы) Эканамічны (Кракаў) Эканамічны (Познань) Эканамічны (Уроцлаў)
Рэлігійныя ўніверсітэты	Каталіцкі Яна Паўла II (Люблін) Папскі Яна Паўла II (Кракаў)

1. ↑ https://radon.nauka.gov.pl/dane/profil/7a7e1b21-0684-43f6-a0d6-5404df34ac74 Праверана 17 верасня 2022.