Сацыяльна-гуманітарны ўніверсітэт (SWPS універсітэт)
польск.: SWPS Uniwersytet Humanistycznospołeczny
Арыгінальная назва	польск.: SWPS Uniwersytet Humanistycznospołeczny
Міжнародная назва	SWPS University
Заснаваны	1996
Тып	універсітэт
Рэктар	Раман Цесляк[d]
Студэнты	17 500
Размяшчэнне	Варшава
Юрыдычны адрас	вул. Хадакоўская 19/31, 03-815 г. Варшава, Польшча
Сайт	swps.pl
Медыяфайлы на Вікісховішчы

Сацыяльна-гуманітарны ўніверсітэт (польск.: SWPS Uniwersytet Humanistycznospołeczny) — польская недзяржаўная вышэйшая навучальная ўстанова са статусам універсітэта і з сядзібай у Варшаве.

Агульная характарыстыка

Навучанне ажыццяўляе па 35 кірунках на першай, другой і трэцяй ступені вышэйшай адукацыі на 8 факультэтах, у тым ліку 4 у іншых гарадах - ва Уроцлаве, Познані, Сопаце і Катавіцах. Універсітэт мае права надання вучоных ступеняў доктара філасофіі у галіне юрыдычных навук, сацыялагічных навук, псіхалогіі, літаратуразнаўства і навук аб культуры і рэлігіі, а таксама вучоных ступеняў доктара хабілітаванага ў галіне юрыдычных навук, псіхалогіі і навук аб культуры і рэлігіі. У 2015 годзе вучэльня атрымала статус універсітэта. Да ліпеня 2019 года ўніверсітэт надаў 300 доктарскіх ступеняў, 74 ступені доктара хабілітаванага і завяршыў 8 спраў аб прысваенні звання прафесара.

Заснавальнікамі універсітэта былі супрацоўнікі Інстытута псіхалогіі Польскай акадэміі навук - прафесар Анджэй Эліяш, прафесар Збігнеў Петрасіньскі і прафесар Януш Рэйкоўскі. Да 2015 года вучэльня мела назву Вышэйшай школы сацыяльнай псіхалогіі (польск.: Szkoła Wyższa Psychologii Społecznej, SWPS), на згадку аб чым гэтая абрэвіятура захавана ў сучаснай назве ўніверсітэта.

Структура

• Факультэт псіхалогіі
• Факультэт гуманітарных і сацыяльных навук
• Факультэт правазнаўства
• Філіял ва Уроцлаве
• Факультэт псіхалогіі і права ў Познані
• Факультэт псіхалогіі ў Катавіцах
• Факультэт псіхалогіі ў Сопаце
• Інстытут гуманітарных навук
• Інстытут сацыяльных навук
• Інстытут праектавання
• Інстытут права
• Інстытут псіхалогіі

Спасылкі

• На Вікісховішчы ёсць медыяфайлы па тэме Сацыяльна-гуманітарны ўніверсітэт (Варшава)
• Афіцыйная інтэрнэт-старонка ўніверсітэта