Əhməd Əhmədov
SSRİ Elmlər Akademiyasının Azərbaycan filialının Tarix, Dil və Ədəbiyyat İnstitutunun direktoru
1 iyun 1937 – 11 iyul 1937
Əvvəlki	Artur Zifeld-Simumyaqi
Sonrakı	İdris Həsənov
Azərbaycan Kommunist Partiyası Maştağa Rayon Komitəsinin birinci katibi
1935 – 1 iyun 1937
Şəxsi məlumatlar
Doğum tarixi	1903
Doğum yeri	Ordubad, Naxçıvan qəzası, İrəvan quberniyası, Rusiya imperiyası
Vəfat tarixi	13 oktyabr 1937(1937-10-13)
Vəfat səbəbi	güllə yarası[d]
Partiya	Sovet İttifaqı Kommunist Partiyası, Əkinçi Partiyası

Əhməd Əli oğlu Əhmədov (1903, Ordubad, Naxçıvan qəzası – 13 oktyabr 1937) — Dövlət xadimi, Tarix, Dil və Ədəbiyyat İnstitutunun direktoru. Azərbaycan K(b)P-nin Qala-Maştağa rayon komitəsinin birinci katibi.^[1]

Əhməd Əli oğlu Əhmədov 1903-cü ildə Naxçıvanın Ordubad şəhərində zəhmətkeş ailəsində anadan olub. 1918-ci ilə qədər Ali Hərbi məktəbdə təhsil alıb.

1919-cu ildən Culfada (Şahtaxtıda) əvvəlcə telefonçu, daha sonra dəmir yolunda fəhlə işləmişdir. 1921-ci ildə XI Qırmızı Orduda könülülərə yazılaraq telefonçu kimi xidmət etmişdir.

1930-cu ildə Qırmızı Professorlar İnstitutunda təhsil almağa başlayır.

1937-ci il iyul ayının 11-də Azərbaycan SSR Xalq Daxili İşlər Komissarlığı tərəfindən həbs edilib və oktyabrın 13-də güllələnib. 1955-ci ildə ölümündən sonra bəraət alıb.^[1]

1921–1923-cü illərdə Azərbaycan hərbi peşə məktəbində kursant olub. 1923–1924-cü illərdə bu peşə məktəbini bitirdikdən sonra orada saxlanılaraq rota komandiri kimi xidmət etmişdir.

1925–1926-cı illərdə Hərbi-Siyasi məktəbin rəis köməkçisi təyin olunub. 1926–1927-ci illərdə Tiflis hərbi peşə məktəbində müəllim işləyib, daha sonra yenidən Bakıya qayıdaraq 1927–1928-ci illərdə siyasi maarifləndirmə fəaliyyəti ilə məşğul olur.

Beləliklə, 1921-ci ildən 1928-ci ilə qədər Ə.Əhmədov hərbi xidmətdə olub. Bu müddət ərzində o, 1921 və 1930-cu illərdə Ermənistanda daşnak qiyamının yatırılmasında, 1922–1923-cü illərdə Azərbaycanda "banditizmə", 1924-cü ildə Çiatura şəhərində (Gürcüstanda) "menşevik üsyanı"na qarşı mübarizədə iştirak edib.

1921-ci ilin martında Naxçıvanda komsomol təşkilatının bani və rəhbərlərindən biri olub. 1921-ci ilin sonunda Naxçıvandan nümayəndə kimi Bakıda komsomol qurultayına göndərilib.

1928–1929-cu illərdə İrəvanda Xalq Maarif Komissarlığının üzvü və Milli Azlıqlar Şurasının sədri olub.

1929–1930-cu illərdə Azərbaycan Xalq Maarif Komissarlığında bölmə müdiri və İdarə heyətinin üzvü işləyib.

1933–1935-ci illərdə Azərbaycan Kommunist (bolşevik) Partiyası Mərkəzi Komitəsinin qərarı ilə Zəngilan Rayon Komitəsinin Siyasi bölməsinin müdiri təyin edilir.

M.Bağırovun məsləhəti ilə 1935-ci ildə Azərbaycan K(b)P-nin Qala-Maştağa rayon komitəsinin birinci katibi təyin edilir. O, eyni zamanda Bakı Sovetinin nümayəndəsi seçilir.

1937-ci il iyun ayının 1-də EA-nın Azərbaycan filialının Tarix, Dil və Ədəbiyyat İnstitutunun direktoru təyin edilir. Ona qədər direktor işləmiş Zifeld-Simumyaqi Artur Rudolfoviç böyük elmi işçi vəzifəsinə təyin edilib. Ə.Əhmədov bu vəzifədə 1 ay 10 gün işlədi.

• Ə.Tahirzadə. Əhməd Əli oğlu Əhmədov // 525-ci qəzet, 2005, 8, 11 yanvar.
• ГАППОДАР, ф.1, оп.8, д.884; ф.1., оп.122, д.87;
• Архив МНБ АР, следственно-архивное дело № ПР 23397.

Bakı şəhərinin ləğv olunmuş rayonlarının rəhbərləri
Caparidze rayonu	Rayon Partiya Komitəsi birinci katibləri Rayon Zəhmətkeş Deputatları Soveti İcraiyyə Komitəsi sədrləri Məzahir Abasov (1946–1948)
Duvannı rayonu	Rayon Partiya Komitəsi birinci katibləri
Dzerjinski rayonu	Rayon Partiya Komitəsi birinci katibləri Stepan Yemelyanov (1938–1939) Cəmaləddin Rzayev (1956–1959)
Ələt rayonu	Rayon Partiya Komitəsi birinci katibləri
Kaqanoviç rayonu	Rayon Partiya Komitəsi birinci katibləri Ənvər Əlixanov (1948–)
Korgöz rayonu	Rayon Partiya Komitəsi birinci katibləri
Maştağa rayonu	Rayon Partiya Komitəsi birinci katibləri Əhməd Əhmədov (1935–1937) Qəhrəman Süleymanzadə (1942–1948) Xosrov Ağayev Rayon Zəhmətkeş Deputatları Soveti İcraiyyə Komitəsi sədrləri İbrahim Mehdiyev (1949–1951)
Sumqayıt rayonu	Rayon Partiya Komitəsi birinci katibləri Yəhya Məmmədov (1944–1948)
Şəhər rayonu	Rayon Partiya Komitəsi birinci katibləri Ağaverdi Rəhimov Rayon Zəhmətkeş Deputatları Soveti İcraiyyə Komitəsi sədrləri Məzahir Abasov
Voroşilov rayonu	Rayon Partiya Komitəsi birinci katibləri Nataliya Abramova Bahadur Zeynalov (1954–1955) Şıxəli Qurbanov (1957–)
Qeyd 1: Dzerjinski, Ələt, Kaqanoviç, Qala-Maştağa, Şəhər və Voroşilov rayonları 24 noyabr 1931-ci il tarixində təşkil olunmuşdur. 10 dekabr 1932-ci il tarixində Qala-Maştağa rayonunun adı Maştağa rayonu olaraq dəyişdirilmişdir. Caparidze rayonu 24 yanvar 1939-cu il, Korgöz rayonu 11 fevral 1940-cı il, Duvannı rayonu isə 5 aprel 1951-ci il tarixində təşkil olunmuşdur. Qeyd 2: 11 fevral 1940-cı il tarixində Ələt rayonu, 26 aprel 1945-ci il tarixində Korgöz rayonu ləğv edilərək Mikoyan rayonuna birləşdirilmişdir. 26 sentyabr 1955-ci il tarixində Kaqanoviç rayonu ləğv edilərək Orconokidze rayonuna birləşdirilmişdir. 4 dekabr 1956-cı il tarixində Caparidze rayonu ləğv edilərək Oktyabr rayonuna, Duvannı rayonu ləğv edilərək Qaradağ rayonuna, Şəhər rayonu isə ləğv edilərək Nizami rayonuna birləşdirilmişdir. 3 dekabr 1959-cu il tarixində Dzerjinski rayonu ləğv edilərək Nərimanov rayonuna, Qala rayonu ləğv edilərək Əzizbəyov rayonuna, Voroşilov rayonu ləğv edilərək Stalin rayonuna birləşdirilmişdir. Qeyd 3: Sumqayıt təşkil edilərkən Bakı şəhərinin rayonu kimi təşkil edilmişdir. 22 noyabr 1949-cu il tarixində isə respublika tabeli şəhərə çevrilmişdir.