Wadjet
Wadjet, uitgebeeld met die kop van ’n leeu, met ’n slang op haar kop.
Soort godin	Egipties
Naam in hiërogliewe
Kultussentrum	Deb, Benede-Egipte
Simbool	Slang
Portaal    Antieke Egipte

Wadjet (ook gespel Wadjit, Oeadjet of Oea Zit) was as ’n vroeë godin in die Egiptiese mitologie die beskermgodin van die stad Dep, wat deel geword het van die stad wat die Egiptenare Per-Wadjet genoem het. Sy was later die beskermgodin van Benede-Egipte en ná die vereniging met Bo-Egipte, een van die twee beskermgodinne van die hele Antieke Egipte saam met Nechbet, die beskermgodin van Bo-Egipte. Die beeld van Wadjet met die sonskyf is die oeraeoes genoem, en dit het saam met die ouwêreldse aasvoël, die simbool van Nechbet, op die hooftooisel van farao's verskyn wanneer hulle begrawe is.

Wadjet was ook die beskermer van konings en van vroue tydens geboorte. Sy is met die land verbind en is uitgebeeld as ’n vrou met die kop van ’n slang. Haar orakel was die tempel in Per-Wadjet. Sy is nou verbind met Bast, die godin wat as ’n leeuwyfie uitgebeeld is, as die songodin wie se oog later die Oog van Horus geword het en as die Oog van Ra.

• James Stevens Curl, The Egyptian Revival: Ancient Egypt as the Inspiration for Design Motifs in the West, Routledge 2005
• Adolf Erman, Hermann Grapow, Wörterbuch der ägyptischen Sprache, Berlyn 1963
• Ana Ruiz, The Spirit of Ancient Egypt, Algora Publishing 2001
• Toby A. H. Wilkinson, Early Dynastic Egypt, Routledge 1999

• Wikimedia Commons het meer media in die kategorie Wadjet.
• Hierdie artikel is vertaal uit die Engelse Wikipedia

l b w Egiptiese mitologie
Gode	Amoen • Anoebis • Anoeket • Apep • Apis • Aten • Atoem • Bastet • Bes • Chepri • Chnoem • Chonsoe • Geb • Hapi • Hathor • Heqet • Horus • Isis • Maahes • Mafdet • Meschenet • Min • Moet • Montoe • Nechbet • Nefertem • Neith • Nephthys • Noe • Noet • Osiris • Ptah • Ra • Raet-Tawy • Satet • Sechmet • Seker • Serket • Sesjat • Set • Sjoe • Sobek • Taweret • Tefnoet • Thoth • Vier seuns van Horus • Wadjet • Wepwawet
Geskrifte	Amdoeat • Boeke van Asemhaling • Boek van die Aarde • Boek van die Dooies • Boek van Grotte • Boek van Poorte • Enigmatiese Boek van die Onderwêreld
Ander	Doeat • Egiptiese mitologie • Egiptiese siel • Ennead • Maät • Mondopeningseremonie • Nege boë • Oerheuwel • Oog van Horus • Oog van Ra