Seker
| Seker | |||||
| |||||
| Seker-Osiris. | |||||
| Soort god | Egipties | ||||
| Naam in hiërogliewe |
| ||||
| Kultussentrum | Memphis | ||||
| |||||
Seker of Sokar was in die Egiptiese mitologie ’n valk-god van Memphis se dodeakker. Hoewel die betekenis van sy naam onseker is, verbind sekere Piramidetekste sy naam met die hartseer roep van Osiris in die onderwêreld na Isis: Sy-k-ri ("haas jou na my").[1] Hy word verbind met twee ander gode: Ptah, die hoofgod van Memphis, en Osiris, die god van die doderyk. In latere tydperke is hy soms Ptah-Seker-Osiris genoem.
Mitologie
[wysig | wysig bron]Hy is gewoonlik uitgebeeld as ’n gemummifiseerde valk en soms as ’n heuwel waaruit die kop van die valk verskyn. Dan word hy genoem "hy wat op sy sand is". Nog ’n titel was "hy van restaoe" (die ingang van grafkelders).
Seker word ook verbind met ambagslui, waarskynlik vanweë sy verbintenis met Ptah. In die Boek van die Dooies word vertel hy maak silwerbakke,[1] en ’n silwerkis van farao Sjesjonq II is in Tanis ontdek wat versier is met die ekonografie van Seker.[2]
Sy kultus was in Memphis gesentreer waar feeste ter ere van hom in die vierde maand van die achet (lente) gehou is. Hy is uitgebeeld waar hy met verskeie take help, soos die grawe van slote en kanale. Vanaf die tyd van die Nuwe Ryk is soortgelyke feeste in Thebe gehou.[2]
Verwysings
[wysig | wysig bron]- ↑ 1,0 1,1 The Routledge Dictionary of Egyptian Gods and Goddesses, George Hart ISBN 0-415-34495-6
- ↑ 2,0 2,1 The Complete Gods and Goddesses of Ancient Egypt, Wilkinson ISBN 0-500-05120-8
Eksterne skakels
[wysig | wysig bron]
Hierdie artikel is vertaal uit die Engelse Wikipedia
| Gode | Amoen • Anoebis • Anoeket • Apep • Apis • Aten • Atoem • Bastet • Bes • Chepri • Chnoem • Chonsoe • Geb • Hapi • Hathor • Heqet • Horus • Isis • Maahes • Mafdet • Meschenet • Min • Moet • Montoe • Nechbet • Nefertem • Neith • Nephthys • Noe • Noet • Osiris • Ptah • Ra • Raet-Tawy • Satet • Sechmet • Seker • Serket • Sesjat • Set • Sjoe • Sobek • Taweret • Tefnoet • Thoth • Vier seuns van Horus • Wadjet • Wepwawet |  |
|---|---|---|
| Geskrifte | ||
| Ander | Doeat • Egiptiese mitologie • Egiptiese siel • Ennead • Maät • Mondopeningseremonie • Nege boë • Oerheuwel • Oog van Horus • Oog van Ra | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
