《東張西望》係香港無綫電視一個標榜娛樂同時事資訊，同時為無綫電視唔同業務做宣傳嘅節目，不過，佢哋有別於一般專業時事新聞節目，《東張西望》團隊入面好多人，都並未經歷過正規專業採訪或者新聞學嘅訓練，主持人往往會加入自己個人意見或者立場，甚至會有一啲情緒化嘅表現。另外，佢哋討論一啲議題嘅時候，有時亦會帶有相關嘅商業宣傳。內容一直有唔少人批評同爭議，其他批評就包括未經同意盜用他人短片、硬銷政府政策同決定、對社會問題抱有偏頗預設立場嘅爭議、發佈假新聞等，有啲網民甚至形容佢哋每日每夜都侮辱緊全香港記者^[1]。不過，佢哋掛住「資訊娛樂節目」嘅牌頭，結果廣管局無例可依，並唔可以好似監管新聞節目咁處理對《東張西望》嘅投訴^[2]。

2010年9月10號，廣管局審議兩宗投訴《東張西望》喺2010年1月同2月將節目混合廣告材料，節目過分突出商業產品同服務；決定向無綫電視施加罰款港幣4萬港元^[3]。

2022年1月8號，《東張西望》被指就口罩議題，借訪問化學學者鄺士山為名，推銷無綫旗下網絡商店士多Ztore嘅KF94口罩為實，引起批評。當時鄺喺訪問聲稱香港無工廠生產到KF94口罩，之後東張西望嘅主持就宣傳士多Ztore，示範點樣喺嗰度買口罩。之後，鄺士山開Facebook澄清，話嗰陣唔知道香港製造廠SAVEWO 救世已經攞到認證可以生產KF94口罩，而無綫其後亦引述呢篇聲明澄清^[4][5]。

2022年7月13號，《東張西望》用咗超過兩分鐘幫美心西餅賣廣告，主持人黃嘉慧首先假扮訪問途人，但之後就牽強咁轉移話題，然後大量內容都係介紹同評價美心西餅產品，又用上大量形容詞讚揚美心嘅產品，仲擺埋QR Code喺度畀人嘟。關於無綫電視劇Facebook專頁就引述通訊局《有關間接宣傳及植入式廣告的常見問題》，指《東張西望》得寸進尺，越賣越離譜^[6]。

東張西望嘅主持同製作團隊，好多都並未經歷過正規專業採訪或者新聞學嘅訓練，手法唔止一次被質疑。

2016年4月，亞洲電視因為政府拒絕續牌，需要終止免費廣播同解僱大量員工。喺4月2號，游莨維對留守到最後嘅亞視新聞部主播追問佢係咪失業，但未得到回應。游莨維當時立即擺出囂張表情藐嘴，又做出爆粗鬧有關新聞主播嘅人，結果被網民批評佢幸災樂禍^[7]。

2016年4月16號，因應日本熊本縣發生7.3級地震，《東張西望》派出攝製隊前往災區拍攝，並且喺4月18號以「熊本連環大地震」為題作報道。李旻芳話本來打算去超級市場買嘢食，但因為地震關係，食物早已被當地災民搶購，附近嘅商戶亦無外賣；一名日本女士得知佢哋想食嘢嗰陣，就為佢哋送上飯團。網民紛紛批評攝製隊出發前準備不足，並加重當地災民嘅負擔，令香港蒙羞。李旻芳回應話，之後已經歸還食物^[8]。

2022年5月，《東張西望》主持利穎怡就美孚新邨老鼠屋事件採訪業主，利穎怡嘅窮追猛打手段，令業主感到不耐煩並對利穎怡施襲，事後《東張西望》報警處理，節目亦大篇幅討論事件，利穎怡就表明會追究到底，又反問如果記者們問多幾句就要被人打，那仲有邊個想去報道一啲難處理嘅民生問題^[9]。

不過有啲網民就認為無綫為咗博鏡頭吸收視，唔理會主持人嘅安全，亦唔應該話用『幫人』美化自己死纏爛打咁追住人嘅行為。另外，記者林彥邦亦喺媒體平台 ReNews 撰文，質疑《東張西望》嘅追訪方式近乎纏擾，質疑同屋主帶來嘅「惡」係咪對等，又話就算真係要跟進呢單新聞，都可以從屋主本身嘅遭遇、精神狀態，有無折射到社會某啲人的遭遇困境，或者問食環、區議員、食衛局、社署等等，而唔係一味追住一個情緒同埋行為本身有異嘅阿姐唔放，質疑《東張西望》團隊繼續拍攝帶來反效果^[9][10][11]。

2022年6月，中環蘇豪區雲咸街爆出槍擊案，游莨維代表《東張西望》喺現場拍攝，期間疑似同在場正規港聞記者發生衝突，佢事後喺社交媒體出post，質疑在場嘅港聞記者，反問佢哋喺自己2010年採訪馬尼拉人質事件嘅時候畢業未。呢個Post引起公憤，有人不滿佢以「老行尊」態度用年資壓人，亦有人批評《東張西望》本來就唔係非式新聞節目，唔應該妨礙港聞記者採訪工作^[7]。佢之後再出文，話自己當時係聽到有人話「東張西望都嚟採訪，阻住晒～」，又話自己2008年已經開始採訪生涯，「當中受過的冷眼和冷言冷語已經不計其數，結果今次谷住啖氣」^[12]。

有啲網民仍然批評游莨維，另外之後多個傳媒發現，有大批名字並唔係華人，疑似網軍嘅帳戶留言，統一寫住『支持Monster Joe不用理會別人 做一個良心好記者』，將游莨維嘅別名『Master Joe』寫成『Monster Joe』^[13][14][15]。

2022年6月，利穎怡被《東張西望》委派去採訪自武漢肺炎疫情以來，由香港飛到日本嘅第一個旅行團，其中包括到日本嘅譚仔米線做採訪。不過事後有網民質疑《東張西望》用旅遊簽證非法從事採訪工作，而且未經授權強行拍攝，當中嘅受訪者事後亦喺網上投訴話自己唔知道接受緊無綫採訪，成間鋪亦無人知道無綫嚟拍嘢，感到不滿。唔少網民都留言批評《東張》做法不當，唔尊重店方同店員，拍攝前應得到對方同意係基本嘅尊重。有網民指出喺日本有肖像權，咁樣未得對方同意拍攝，仲攞嚟喺電視節目公開播放，有違法之嫌^[16][17]。

《東張西望》亦曾經唔止一次喺節目入面，發布未經證實嘅假新聞：

• 喺2016年9月26號，《東張西望》有兩名主持引述網上虛假消息發佈蛇夫座謠言，話美國太空總署已經新增星座「蛇夫座」，並將十二星座重新劃分為十三星座。但有關消息已經被其他媒體廣泛報道係假^[2]。
• 喺2020年4月12號，《東張西望》播出咗一段由觀眾提供，內容主要係街頭歌手表演同市民圍觀嘅情況。喺未經求證嘅情況下，主持人聲稱有市民喺「上星期六」喺中環碼頭唔理政府因應武漢肺炎疫情持續而喺3月29號起實施嘅限聚令，四人以上喺公眾地方聚集。^[18]街頭歌手龍婷喺當晚11點喺Facebook發表聲明，批評《東張西望內容失實》，澄清片段拍攝嘅係佢喺3月14號嘅演出，並無違令聚眾街演。^[19]亦有網民指出，影片片段可能係源自YouTube頻道「mk 61」喺3月14號上載嘅一條影片嘅片段。2020年4月13號，《東張西望》喺節目尾段作出道歉同澄清，但又讚揚提供片段嘅人係熱心觀眾。^[20]
• 2022年2月初，政府就控制武漢肺炎香港疫情，宣布24號起，香港市民要用安心出行先可以進入商場。不過，東張西望就多次發表虛假資訊，話2月10號已經要咁做，結果被部分網民批評^[21]。
• 喺2023年鑽石山荷里活廣場斬人案入面，多個親中派媒體以及《東張西望》都先後發放受害人同兇手有關嘅假新聞，結果受到批評^[22]。

喺2021年10月，前無綫、商台主持人陳慧儀喺社交媒體開直播節目，同趙汝威討論「浸稀釋漂白水改善濕疹」嘅問題^[23]。同年11月，陳慧儀就喺社交媒體入面，指控《東張西望》未經同意同諮詢，就剪咗佢嘅直播節目片段入自己嘅節目入面，仲要串連埋其他植入式廣告。陳慧儀批評，無線嘅做法令人感到混亂同埋有所誤會。佢又強調，無綫喺節目入面宣傳嘅產品（卡倫萬用膏），同佢哋無關係^[24]。

有部份人抨擊《東張西望》不時猶如政府上身，為政府政策推銷^[2][25]。例如：

• 喺2013年碼頭罷工風潮，《東張西望》嘅「記者」極度偏頗嘅選擇性報導，引起廣泛不滿^[2]。
• 喺電視牌照發牌風波入面，香港電視網絡攞唔到牌照，而政府亦冇解釋原因。但《東張西望》就大花章節為政府解釋保駕護航^[2]。
• 喺2017年，喺高鐵實施一地兩檢嘅問題上，《東張西望》有兩名主持就喺度一面倒唱好一地兩檢同高鐵嘅好處，完全忽略網絡世界對一地兩檢嘅批評同埋涉及嘅法律問題^[2]。

除咗為政府進行政策硬銷之外，《東張西望》不時喺討論一啲社會問題嘅時候都有偏頗預設立場，甚至用上帶有批評攻擊性嘅字眼形容部分喺呢啲議題入面牽涉嘅人。例如：

• 喺2015年3月，佢哋曾經有一個關於露宿者嘅專題節目預告，但預告入面形容露宿者為「香港橋霸」，結果被部分網民指責，話佢哋冇諗過呢啲露宿者都唔想，而係走投無路，而節目預告聲稱露宿者霸佔嘅天橋，本來使用率本身已經低，幾個月前更被鐵絲網封閉，形同棄用^[26]。
• 喺2017年3月8號，佢哋播出以探討餵哺母乳為主題，但內容被香港母乳育嬰協會同一啲媽媽批評。例如，香港母乳育嬰協會批評《東張西望》抹黑母乳餵哺，話佢哋係「追潮流」，只聚焦餵哺母乳嘅困難，又斷章取義話奶粉嘅營養價值同母乳相若，又只係訪問由香港奶粉生產商所成立嘅香港嬰幼兒營養聯會，甚至喺選擇母乳定係奶粉嘅問題上，將唔同媽媽分為對立兩派。當香港母乳育嬰協會要求接受訪問，無綫更加以希望「避免跟奶粉商對立」而拒絕，明顯係有商業考慮。香港母乳育嬰協會之後表明，會去信通訊事務管理局投訴^[27]。截至3月10號，通訊局已接獲141宗相關投訴^[28]。

喺2022年7月尾，有網民喺網上爆料，指控負責攝影嘅外判公司老闆係吸血鬼，而節目組亦處事不公，知情包庇。呢啲指控主要包括員工無保障無合約無勞保無假期，老屈員工係自僱人士可以隨時被炒，而且要倒貼返工，仲要連糧單都無。控訴者又話，如果東張西望咁鍾意搵陸大狀為民請命，不如問下陸大狀到底呢間外判公司違反咗幾多罪^[29]。

喺2017年4月，《東張西望》介紹人去位於軍事禁地青山靶場嘅菠蘿山遊覽，結果引來一啲市民誤闖禁區。當時時事評論員黃世澤批評，《東張西望》嘅做法罔顧市民安危^[30]。

對於《東張西望》入面討論社會問題嘅做法，香港中文大學專業進修學院媒體研究客席講師陳龍超喺2014年接受明光社刊物《燭光網絡》嘅時候話，《東張西望》呢類型資訊娛樂節目內容嘅真確性同公眾利益息息相關，就算做嘅唔係新聞報導，採訪嘅唔係專業記者，亦應該要有專業態度^[31]。

另外，喺2022年，游莨維喺雲咸街槍擊案記者會同正規記者衝突後，前新聞主播李鴻彥喺社交媒體炮轟無綫將港聞娛樂化，搵完全無經驗嘅藝員做記者，事前唔做功課唔熟書只求畫面好惡。反之，港聞政治新聞都需要非常專業嘅處理，如果唔係香港各大學就唔會有新聞系。佢又以2013年香港電視網絡攞唔到牌照為例，指喺未有雨傘運動等政治事件嘅時候《東張西望》已經被大量投訴，同黃絲仇視無關，而係無綫作為既得利益者用咗成集《東張西望》為政府護航。佢亦批評，本身定位都唔係專業新聞嘅節目，就唔好講到自己捍衛緊新聞自由或者第四權^[32]。

• 文匯大公傳媒發佈假新聞爭議

1. ↑ 〈東張西望｜一蚊Joe寸港聞記者捱轟 網民反擊翻出更多「乞人憎」舊史 | 最新娛聞〉. 《東方新地》 (美國英文). 2022-06-11. 喺2022-06-11搵到.
2. ↑ ^{2.0 2.1 2.2 2.3 2.4 2.5} 葉天佑 (2017-07-27). 〈【TVB】硬銷一地兩檢《東張西望》無王管，猶如政府上身｜葉天佑｜01博評〉. 《香港01》 (香港中文). 喺2021-11-16搵到.
3. ↑ [1]^{[失咗效嘅鏈]}
4. ↑ 〈有關在2022年1月18日的《東張西望》節目中，K Kwong談及全港都沒有真正的KF94的言論，現作出以下澄清：〉. Facebook (英文). 喺2022-01-21搵到.((cite web)): CS1 maint: url-status (link)
5. ↑ 〈《投訴1月18日東張西望發佈不實內容》20 Jan〉. Facebook (英文). 喺2022-01-21搵到.((cite web)): CS1 maint: url-status (link)
6. ↑ 〈尋晚(13/7)集《#東張西望》(AKA #廣告雜誌)，用咗超過兩分鐘幫 #美心西餅 賣廣告（時間約為19:39-19:42），仲擺埋QR Code喺度畀人嘟，所謂嘅植入式廣告似乎越嚟越直接。〉. Facebook (英文). 喺2022-07-14搵到.((cite web)): CS1 maint: url-status (link)
7. ↑ ^{7.0 7.1} 〈東張西望｜一蚊Joe寸港聞記者捱轟 網民反擊翻出更多「乞人憎」舊史 | 最新娛聞〉. 《東方新地》 (美國英文). 2022-06-11. 喺2022-06-11搵到.
8. ↑ 回應收地震災民飯團事件 東張西望李旻芳澄清即時歸還食物，熱血時報，2016-4-19
9. ↑ ^{9.0 9.1} 〈東張西望丨利穎怡採訪老鼠屋業主被打傷 被質疑博收視：生氣就可以動手？ - 晴報 - 娛樂 - 中港台〉. skypost.ulifestyle.com.hk (中文). 喺2022-05-16搵到.((cite web)): CS1 maint: url-status (link)
10. ↑ 林彥邦. 〈《東張》主持追訪被打，令人扼腕的，是再次的兩極化輿論。〉. Facebook (英文). 喺2022-05-16搵到.((cite web)): CS1 maint: url-status (link)
11. ↑ 〈《東張西望》採訪手法爭議 節目聲稱「出發點係想幫個女人」〉. Facebook (英文). 喺2022-05-16搵到.((cite web)): CS1 maint: url-status (link)
12. ↑ HK, Channel C. (2022-06-11). 〈《東張》一蚊Joe為轟「港聞記者畢業未」解畫致歉 稱採訪被狂被單打嫌阻住晒 | Channel C〉. channelchk.com (繁體中文). 喺2022-06-11搵到.
13. ↑ 〈Master Joe 專業與否不予置評 買啲留言好唔專業就毫無疑問 要支持monster Joe 應該去錯地方〉. www.facebook.com (英文). 喺2022-06-14搵到.((cite web)): CS1 maint: url-status (link)
14. ↑ 〈游莨維fb假acc洗版支持做良心記者 Master Joe串錯「Monster Joe」 被翻舊賬態度涼薄 亞視最後一夜問員工：係咪失業？〉. www.facebook.com (英文). 喺2022-06-14搵到.((cite web)): CS1 maint: url-status (link)
15. ↑ 〈Master Joe 中東粉絲全力應援 無奈串錯偶像名〉. www.facebook.com (英文). 喺2022-06-14搵到.((cite web)): CS1 maint: url-status (link)
16. ↑ 〈東張西望｜利穎怡到訪日本採訪譚仔原來未經授權？ 被投訴：唔講自己係TVB！ | 流行娛樂〉. 《新Monday》 (美國英文). 2022-06-29. 喺2022-06-30搵到.
17. ↑ 張嘉敏 (2022-06-29). 〈東張西望｜利穎怡被指鬼祟訪日本米線店 受訪者鬧爆不知情被出鏡〉. 《香港01》 (香港中文). 喺2022-06-30搵到.
18. ↑ 《4月12日 東張西望 之 失實報導、、、無奈》 (中國中文), 喺2020-04-15搵到
19. ↑ 〈香港旺角小龙女龙婷〉. www.facebook.com (簡體中文). 喺2020-04-15搵到.
20. ↑ 《4月13日 東張西望...終於發聲明澄清 及 道歉🙏 (還一個清白~香港旺角小龍女龍婷)》 (中國中文), 喺2020-04-15搵到
21. ↑ 〈娛壹 - 《東張西望》接連錯報2月10日起入商場要嘟安心出行 肺炎疫情蔓延，日前特首林鄭月娥宣佈，於2月24日起落實擴大疫苗氣泡，包括進入商場要用安心出行和已打針；昨（12日)網傳警方在葵涌廣場和石籬商場，票控冇使用「#安心出行」進入商場嘅市民，警方已澄清絕無此事，指相關條例將於本月24日生效，敬請市民留意，「警方呼籲市民不要誤信失實信息，更不應借機造謠生事，打擊全港同心抗疫的努力。」 然而，TVB《#東張西望》節目接連報道錯誤消息，TVBUSA專頁於本月10日上載「東張西望丨出入商場要用安心出行 德福花園居民表示不便」(2月9日節目）片段，主持 #吳幸美：「聽日開始進入商場要用安心出行，下一步仲要出示打針紀錄，但香港有唔少屋苑都要經商場出入，點算呢...」網民留言指正：「聽日開始咩唔係24號咩」、「成日報錯新聞🤣」「24/2開始啊 係鬼10/2」 繼上周四(10日)出錯之後，估唔到噚晚（12日)嘅《東張》又重複犯錯，主持 #阮嘉敏 講述網傳票控冇用「安心出行」進入商場人士事件，說：「警方已經澄清番，對佢哋作出票控，係因為佢哋冇戴口罩，而入商場要嘟安心出行呢個措施，其實喺2月10日已經開始實行緊。」吳幸美：「係呀，大家記得留意番。」 唔知TVB高層係咪忙緊權力鬥爭、研究山頭文化、睇炎明熹MV增加點擊...而冇時間留意警方呼籲呢？ 重要事要講三次，請大家留意： 警方呼籲市民不要誤信失實訊息。 警方呼籲市民不要誤信失實訊息。 警方呼籲市民不要誤信失實訊息。 #TVB #娛壹 ------------------------------------- 即刻跟住Follow 晒我哋Channel： FB：http://fb.me/as1hk.entertainment IG：https://www.instagram.com/as1.entertainment/ YT：https://www.youtube.com/channel/UCgaIJfwFLXQsasrffZt4cEw ---------------------------------------- ⚠️專訪重溫⚠️ ▶️【凌文龍錄音專訪︱簡君晋看中演IT狗阿信全因夠「毒」 當被生活擊倒了 不要躺下來】 請CLS《娛壹》YouTube睇訪問片︰https://youtu.be/BE1uP4KhaGc ▶️ 【陶大宇專訪丨拒在餐廳陪老闆食飯唱《倒轉地球》做人要有底線：最幸福係有得選擇】 請CLS《娛壹》YouTube睇訪問片︰https://youtu.be/1hXdJBljmIQ ▶️ 【葛民輝專訪｜潮牌生意失血蝕兩層樓 良心老闆：唔可以搵佢哋墊屍底！有風浪嘅時候，應該攞賺嘅出嚟】 請CLS《娛壹》YouTube睇訪問片︰https://youtu.be/HtN-e_6IjZQ ▶️【蓋世寶專訪｜《放學ICU》原意被扭曲 激嬲LuLu 勸無綫放低光環：你叫人愛TVB，你有冇愛過人先？】 請CLS《娛壹》YouTube睇訪問片︰https://youtu.be/9IMsDJ6SP24 ▶️【田啟文專訪︱派錢幫3000同業 失戰友廖啟智 田啟文心痛香港影業衰落同行唔團結：個別人係有私心，明知唔好仲鬧有咩用】 請CLS《娛壹》YouTube睇訪問片︰https://youtu.be/jWFdKp13XL8 ▶️【黃文慧專訪丨「梅超風」磨劍半生未獲獎 人到晚年只追尋：我想好死！唔好受痛受苦！】 請CLS《娛壹》YouTube睇訪問片︰https://youtu.be/Wl7QM2O4qGs ▶️【張偉文專訪｜68歲「靚聲王」腦退化冇礙演唱 生活靠社署及好友資助︰遇到咁幫忙嘅朋友係我一生最值得記住嘅日子】 請CLS《娛壹》YouTube睇訪問片︰https://youtu.be/dQQu4ijgick ▶️ 【渣哥渣嫂專訪｜憶患病心痛家人受苦 狠戒幾十年煙 譚小環：老公係我最強後盾！】 請CLS《娛壹》YouTube睇訪問片︰https://youtu.be/J9OGrMejuAk ▶️【Tyson Yoshi 專訪｜曾被噓爆認記仇 為啖氣唔衰得：令唔鍾意我嘅人好痛苦 咁我就覺得好爽】 請CLS《娛壹》YouTube睇訪問片：https://youtu.be/jX-oAmWsjcE ▶️【曾江專訪｜播近40年染髮廣告原來再無錢收 87歲九龍城東邪：鍾意講真說話 ｜壹人訪 X 林蕾】 請CLS《娛壹》YouTube睇訪問片：https://youtu.be/KHC2gCUsQxM ▶️【趙頌茹專訪｜阿Yu轉行做凍肉公司賺錢 心痛細女有讀寫障礙 女人要自強：為兩個女咕哩都做】 請CLS《娛壹》YouTube睇訪問片：https://youtu.be/wb7iOsvNMJo ▶️【余子明專訪︱仆心仆命換來一年只包薪$6800 余子明︰對無綫心淡得好緊要】 請CLS《娛壹》YouTube睇訪問片：https://youtu.be/gU-hcUwz_OQ ▶️【張明偉專訪丨唱銀河修理員遭TVB雪藏 捱十年底薪僅數千 彈TVB未醒覺：離棄咗香港觀眾】 請CLS《娛壹》YouTube睇訪問片：https://youtu.be/G1BjJiSWc7g ▶️【林家謙專訪丨親解《難道喜歡處女座》 MV冇戴眼鏡撞樣姜濤 剖白靈魂：敏感的我假裝冷靜】 請CLS《娛壹》YouTube睇訪問片：https://youtu.be/wph9FeEM7-M | Facebook〉. www.facebook.com (英文). 喺2022-02-14搵到.
22. ↑ 《文匯大公、TVB帶頭亂寫荷里活廣場刀案受害人同凶手有關 中聯辦宣傳部門為掩飾政府責任乜都講得出 亂作新聞中共先係專家 黃世澤幾分鐘評論 20230603》 (英文), 喺2023-06-03搵到
23. ↑ 《問問Dr. Chiu: 嚴重濕疹有咩天然療法？》 (英國英文), 喺2021-11-16搵到
24. ↑ 〈澄清消息，真係好無奈〉. Facebook (英文). 喺2021-11-16搵到.((cite web)): CS1 maint: url-status (link)
25. ↑ 〈當 Spin 變成屎片 | 輔仁文誌〉. www.vjmedia.com.hk. 原著喺2021-11-16歸檔. 喺2021-11-16搵到.
26. ↑ 露宿者是香港橋霸？大婆台與政府齊齊打壓弱勢 T-rexx 2015-03-09
27. ↑ 〈蘋果日報：餵人奶只為追潮流？真●奶媽鬧爆《東張西望》 2017-03-11〉. 原著喺2017-09-07歸檔. 喺2021-11-16搵到.
28. ↑ 〈《東張西望》疑幫奶粉廣告商貶低母乳 逾百港媽投訴TVB〉. 蘋果日報. 2017-03-13. 原著喺2017-03-13歸檔. 喺2017-03-13搵到.
29. ↑ 假期日常, HolidaySmart. 〈疑似《東張西望》員工爆20宗罪 開工無合約無保障 最過分係返工要倒貼?〉. 《HolidaySmart 假期日常》 (中文). 喺2022-07-29搵到.
30. ↑ 黃世澤, Martinoei (2017-04-21). 〈解放軍應還香港人 青山靶場〉. 《MO's notebook 4G 黃世澤 的筆記簿》 (臺灣中文). 喺2022-01-21搵到.
31. ↑ 〈娛樂資訊節目 專業持平不可少〉. 《明光社》 (繁體中文). 2014-07-14. 喺2021-11-16搵到.
32. ↑ 〈李鴻彥〉. www.facebook.com (英文). 喺2022-06-11搵到.

睇 傾 改 無綫電視（TVB）
香港頻道	免費頻道 平台：香港地面免費電視 · myTV SUPER免費區7 翡翠台2、7 TVB Plus6 無綫新聞台6 明珠台6 鳳凰衛視香港台（轉播）6 收費頻道 平台：myTV SUPER7 TVB經典台2、5、6 韓劇台5、7 華語劇台5、7 娛樂新聞台2、5、6 綜藝旅遊台5、6 為食台5、6 TVB Radio 戲曲台5、6 粵語片台2、5、6 神州新聞台5、6 myTV SUPER 18台5、6 myTV SUPER 1台 網絡 平台： big big channel · See See TVB 已停播 / 已出售 平台：myTV（流動應用程式、網頁）7 · 無綫網絡電視 · GOTV7 Super9985 19台5、6 tvbE 音樂台5、6 電影台5、6 Good Show/生活台/健康台2、5、6 生活2台5 英皇娛樂台2、5、6 兒童台5、6 資訊台5 高清翡翠台 J5 體育台5、6 直播新聞台 旅遊台5、6 精選亞洲劇台5、6 翡翠即日重溫5、6 TVB新聞台2、5、6 日劇台5、7 亞洲劇台5、7 myTV SUPER 1台5、7 J26 財經 體育 資訊台6
海外頻道	TVBI 機構： TVB Australia · TVB USA 平台： TVB Anywhere (連免費區) 7 · encoreTVB7 · 埋堆堆 無綫翡翠台 TVB Live Show5 Asian Action Channel （功夫台）5 TVB星河頻道3、6 TVB生活台 無綫翡翠台 (澳洲) TVB經典台 (馬來西亞) 翡翠台 (東南亞) TVB Việt Nam（TVBV） 88台5、6 翡翠1台（TVB1） 翡翠娛樂台（TVBe） TVB Drama TVB J1 TVB 洛杉磯、三藩市 合作頻道 新時代電視 1台 2高清台 Astro Astro華麗台4、8 Astro AOD4、6 星和視界 HUB娛家戲劇台4、6 HUB戲劇首選4、6 HUB粵語隨選4、6 Indosiar SCTV SCTV4 SCTV9 已停播 / 已出售 平台： 無綫衛星台4 無綫韓劇台 TVB大富6 星級劇集台5、6 TVB Korea（TVBK）4、6 星級生活台5、6 無綫通識台5、6 亞太 TVB82、5、6 普通話翡翠台3 翡翠衛星台（TVBJ）5、6 無綫經典台3 TVBS3 明珠台 翡翠2台（TVB2） TVB普通話 TVB HD
子公司同關連機構	TVBS 正視音樂 星夢娛樂 Big Big Channel big big shop See See TVB
對無綫嘅批評同爭議	反修例運動期間對無綫電視嘅批評 新聞部對香港非建制派嘅唔公平對待 演員待遇爭議 關於《東張西望》嘅爭議 一台獨大爭議（英文：TVBully） 威遠行動（中文：威遠行動） 管理商標版權爭議 網上聲量做假爭議 大台理論
相關文章	電視廣播城 藝員一覽 藝員訓練班 TVBuddy 無綫電視慈善節目
註：所有香港免費數碼地面電視頻道都係高清頻道； 「全球」 唔包括美國、越南、馬來西亞、星加坡、中國大陸同臺灣 2頻道同時喺海外播放、3香港以外地區播放、 4當地機構代播、5由聯營公司經營/代理、6頻道同時擁有高清同標清版本、7OTT平台7頻道同時有標清、高清同4K廣播版本、8隨選視訊