TVBuddy^[1]係電視廣播有限公司（無綫電視）嘅吉祥物。無綫官方話，tvbuddy嘅「任務」有四個：「帶啲歡喜畀大家」、「宣傳無綫電視啲節目」、「講高清電視嘅發展」、「宣揚2008年北京奧運」。

TVBuddy第一次見到係喺2007年1月29號無綫電視嘅新年宣傳片《盛世連年》；獨立宣傳片就喺2007年3月9號正式推出，並且由TVbeople張景淳唱出主題曲。除咗宣傳片以外，無綫電視亦都係咁為tvbuddy推出公仔、T恤、手袋嘅相關產品。

2008年3月23號，為咗宣傳2008年北京奧運，無綫電視同商場EMAX合作，喺佢頂層設立全香港唯一嘅巨型TVBuddy充氣模型。該模型高逾60呎，製作費超過100萬港紙，用特製物料整嘅，而大型網架同埋繩索就負責鞏固同穩定模型，以符合安全規則。tvbuddy模型亦都會加入旅遊事務署嘅幻彩詠香江，EMax會喺模型兩旁加裝射燈照明，令市民喺夜晚欣賞幻彩詠香江時亦都可以清楚咁睇到巨型TVBuddy。^[2]

2008年11月，配合無綫41周年台慶，喺畫面右下角顯示用來表示節目係用高清技術製作的「hd」標誌加入tvbuddy動畫，一直沿用到2012年12月。2013年9月，TVBS20周年台慶，總部前擺咗「2013 邁向20」字樣嘅雕塑，左右各一隻tvbuddy模型，呢個係tvbuddy第一次出現喺TVBS台慶宣傳物。

• 
  tvbuddy專車
• 
  TVBS總部前嘅20周年台慶雕塑
• 
  同商場合作項目

tvbuddy冇歲數同性別^[3]，線條簡單，面部係電視廣播有限公司嘅公司標誌，頭上仲有兩條觸鬚。呢個角色成為電視廣播有限公司宣傳動畫人物。tvbuddy嘅設計師話剩係用咗15分鐘就搞掂。佢認為TVB係香港人熟悉嘅品牌，由TVB標誌嘅概念出發，構成而家嘅tvbuddy，希望畀到人親切的感覺。根據設定，tvbuddy係由2107年搭飛船來到而家嘅香港，幫TVB宣傳。第一輯長篇宣傳片入面，製作人特別印咗一本520期嘅未來《TVB周刊》做道具，而tvbuddy就係呢一本書嘅封面人物。^[4]喺08奧運倒數嘅宣傳片入面，tvbuddy面上面嘅藍綠紅橫間可以變成倒數計，顯示嗰日距離2008年夏季奧林匹克運動會開幕嘅日數。

• 
  tvbuddy扭蛋機

• 大明猩
• 機頂俠
• tbBi
• Sound Bear
• tvb

• tvbuddy 官方網頁