尊敬的 林冠英 國會議員、州議員
馬來西亞財政部長
任期 2018年5月21號－2020年2月24號
副職	阿米魯丁韓沙
最高元首	端姑莫哈末五世 蘇丹阿都拉
首相	馬哈迪
前任	納吉阿都拉薩
繼任	東姑賽夫魯
馬來西亞國會下議院 峇眼議員
現任
就任日期 2008年4月28號 (2008-04-28)
前任	林峰成（行動黨）
多數票	22,070（2008） 34,159（2013） 43,902（2018）
馬來西亞國會下議院 馬六甲市區議員
任期 1986年10月6號 (1986-10-06)－1999年11月11號 (1999-11-11)
前任	林吉祥（行動黨）
繼任	郭金福（替陣行動黨）
多數票	17,606（1986） 14,468（1990） 4,639（1995）
第四任檳城首席部長
任期 2008年3月11號－2018年5月11號
州元首	阿都拉曼阿巴斯
前任	許子根（國陣民政黨）
繼任	曹觀友（希盟行動黨）
檳城州立法議會 阿逸布爹議員
現任
就任日期 2008年4月28號 (2008-04-28)
前任	黎兆榮（國陣馬華）
多數票	4,061（2008） 7,744（2013） 7,958（2018）
民主行動黨秘書長
現任
就任日期 2004年9月5日
前任	郭金福
個人資料
性別	男性
別名	Lim Guan Eng（身份證名）
出世	(1960-12-08) 1960年12月8號（63歲） 馬來西亞  柔佛 峇株巴轄縣
國籍	馬來西亞
政黨	希望聯盟 民主行動黨
配偶	周玉清
仔女	三子一女 囡囡：林芷帆 仔仔：林煒超、林煒凱、林煒程
親屬	爹地：林吉祥 媽咪：梁玉治 細佬：林冠駿 妹妹：林慧英、林慧敏 岳母：陳瑞徹
學歷	經濟學學士
母校	澳洲莫納什大學
職業	政治人
簽名

林冠英（1960年12月8號—）係馬來西亞政治人，檳城第四任首席部長、前馬來西亞財政部長。現任民主行動黨秘書長，身兼峇眼國會議員、檳城州議會阿逸布爹州議員。

林冠英祖籍係中國福建省漳州府詔安縣東山島（今日叫東山縣），1960年12月8號喺馬來西亞柔佛峇株巴轄縣出世。佢爹地林吉祥係柔佛振林山國會議員兼行動黨國會領袖，媽咪係梁玉治。

林冠英曾經就讀八打靈再也嘅拉莎英文小學 (La Salle Primary English School)，之後轉校到峇株巴轄嘅蒙特堡英文小學（Montfort Primary English School）。中學就讀峇株巴轄中學，之後轉校到馬六甲高等中學完成中學學業。

其後赴澳洲留學，就讀莫納什大學，曾經係莫納什大學國際學生協會會長。1983年，佢喺莫納什大學畢業。其後喺關丹一間銀行任職高級行政人員^[1]。

林冠英早喺1982年就學期間就加入民主行動黨。1989年12月，擔任民主行動黨社會主義青年團團長。1992年當選連任呢個職位。1995年，受委為行動黨副秘書長。2004年當選秘書長，並連任至依家。

1986年，首度喺馬六甲代替佢老豆林吉祥出征競選，以1萬7606張多數票擊敗蘇進安，首次當選馬六甲市區國會議員。喺1990年同1995年嘅大選中，即使多數票減少，佢仲可以以1萬4468張同4639張勝選連任，成為第一位連任三屆馬六甲市區國會議員嘅馬六甲中學校友。

2008年，首度率領行動黨大軍參加全國選舉，喺同人民公正黨同伊斯蘭黨合作下攞到壓倒性勝利，喺檳城州40個州議席中贏下29席（行動黨19席，公正黨9席，伊斯蘭黨1席）組織民聯政權，結束國陣民政黨喺檳城執政39年歷史，被提名出任首席部長，取代許子根。

2013年第13屆馬來西亞下議院選舉，林冠英再度帶領民聯以更多嘅得票贏得檳城州執政權，取得州議會超過三分之二議席（40席中有30席），同時佢亦成功續任檳城首席部長。

身為首長嘅林冠英同時亦兼任十一間官聯公司同法定機構主席。

喺2018年馬來西亞大選後，候任首相馬哈迪宣佈委任行動黨秘書長林冠英為新任財政部長，亦係馬來西亞政治時隔40年之後，第三位華人擔任財政部長，所以林冠英嘅受委備受矚目。馬來西亞首位財政部長係敦李孝式爵士，佢喺1957年就擔任馬來西亞首任財政部長。而第二位華人財政部長係喺1959年上任嘅馬華公會前總會長敦陳修信^[2]。

2020年2月24號，執政黨希望聯盟爆發政治危機，首相馬哈迪突然宣佈辭去土著團結黨主席同首相職位，土著團結黨亦喺同日退出希望聯盟，引發政壇大地震。第七次馬哈迪內閣隨住解散，以等待新首相人選。3月1號，最終由土著團結黨總裁慕尤丁領導嘅國民聯盟執政中央，希盟政權宣告垮台。林冠英同父親林吉祥領導嘅民主行動黨再次淪為反對黨，繼續同希盟剩下嘅三個政黨組成政治聯盟，試圖板倒國盟政權。

國盟上台執政後，即刻重新審視希盟執政時期推出嘅政策，其中林冠英擔任財政部長時推出嘅2020年馬來西亞聯邦政府財政預算案亦畀國盟重新分配。國盟政府亦隨住對在野黨展開政治打壓，包括舉報敵對政黨人物嘅言行舉止同翻查涉及嘅案件。而林冠英係涉及案件嘅主要爭議人物，包括洋房採購案同檳城海底隧道弊案。馬來西亞反貪污委員會亦喺同年5月翻查上述案件，並陸續傳召林冠英任檳城首席部長時嘅相關人物助查，包括現任檳城首席部長曹觀友、拉瑪沙米、阿都馬烈、佳日星、林峰成、彭文寶、章瑛、羅興強同王國慧。8月6日夜晚，林冠英因檳城海底隧道弊案畀馬來西亞反貪污委員會突然宣佈逮捕^[3]，佢老婆亦因洋房採購案喺8月7號畀反貪污委員會傳召助查，之後喺8月11號被正式提控，兩人被控收賄同洗黑錢罪名。但係兩人都唔認罪，案件進入司法審訊階段^[4]。前首相馬哈迪形容，林冠英畀馬來西亞反貪污委員會提控，係帶有政治動機^[5][6][7]。

2017年12月3號，林冠英嘲諷馬華公會所創辦嘅拉曼大學學院，要喺民主行動黨亞沙區國會議員張聒翔「爭取」下，先可以獲得撥款，重話佢哋會不斷爭取至恢復6000萬令吉^[8]。

林冠英擔任財政部長後，同馬華總會長魏家祥就拉曼大學學院撥款銳減課題展開激烈爭論。喺2019年財政預算案中，拉曼大學學院由3000萬令吉嘅撥款，大幅度削減至剩返550萬嘅發展撥款^[9]。財政部長林冠英基於拉曼大學學院係由馬華公會控制，政府先會減少呢間學校嘅撥款，並以「政教分離」為由，要求馬華放棄對拉曼大學學院嘅控制權^[10]。

2019年10月11號，林冠英再次削減拉曼嘅發展撥款為100萬令吉，比起上年嘅550萬仲少咗450萬令吉。魏家祥炮轟林冠英對土著學生撥巨款，但係對貧窮華裔學生無同理心^[11]。林冠英喺隔日表示，若果馬華同意撤出拉曼，將會獲得6000萬令吉撥款。林冠英之後將3000萬令吉畀只有7年歷史嘅拉曼大學學院校友會總會設立嘅基金會（TAA-ETF），再次引起魏家祥強烈批評，質疑林冠英企圖分裂拉曼^[12]。

12月4號，林冠英動用財長權力，宣佈加碼4000萬令吉撥款^[13]，惟呢筆撥款並唔係畀拉曼大學學院，而係畀拉曼大學校友總會基金會，魏家祥再次炮轟林冠英同拉曼基金會嘅群帶關係同企圖混淆民眾^[14]。林冠英對此表示，政府已預留拉曼大學學院嘅撥款，惟唔可以將公帑撥給政黨控制嘅機構，以符合民主國家保障新聞自由同尊重法治嘅做法。佢再次呼籲馬華放棄對拉曼大學嘅控制權，惟馬華總會長魏家祥強調，打從創校開始，馬華就同拉曼有唔能夠擺脫嘅關係。林冠英又稱，只要馬華放棄控制權，政府將每年為呢間大專院校撥款至少3000萬令吉，同時強調行動黨或者政府無意接管拉曼大學學院。林冠英以財長官位重申，只要將拉曼大學學院交畀無政治背景嘅拉大校友會同華社管理，就立即兌現承諾發放撥款^[15]。佢同魏家祥嘅爭論係希望聯盟喺同年11月柔佛州丹絨比艾補選中大敗嘅原因之一。

2020年8月6號夜晚，林冠英因檳城海底隧道弊案畀國盟政府翻查而畀馬來西亞反貪污委員會突然宣佈逮捕^[16]，8月7號喺吉隆坡法院被控索賄罪。之後8月10號喺北海法院被控濫權索賄罪。9月11號，林冠英喺北海法院被控兩項不誠實挪用政府土地相關的失信罪^[17]。

2015年，林冠英以低於市價嘅280萬令吉購買一幢10165平方尺嘅房屋，每平方尺價大約275零吉，(檳城政府批準嘅可負擔組屋，每平方尺價大約300-420零吉)，呢間房屋喺2015年政府估價為427萬令吉，市價會更高。國陣喺國會公開呢件事嘅議員影射呢件事或者同檳城州政府將山竹園嘅廉價屋發展地脫售以興建醫院有關，稱其可能同林冠英的原屋主彭麗君有過利益輸送^[18][19][20]。

2016年6月，林冠英畀馬來西亞反貪污委員會官員逮捕同被控貪污。檢控嘅兩條罪名一項係批準女屋主彭小姐所擁有嘅發展地段進行發展，(轉換農業地去商業地)。另一項係佢所購買嘅房子過低^[21]。林冠英聲稱係政敵對佢嘅政治逼害，試圖透過閃電州選舉還擊以保住檳城州政權^[22][23][24]。不過，喺盟友公正黨反對下，呢項計劃最終不了了之^[25]。

2016年10月1號，由國陣巫統嘅種族性黨外組織人物「拳擊阿里」號召大約千人紅衫軍新關仔角交通圈展開『抗議檳州首長林冠英涉嫌貪污及淨選盟』集會，導致嗰度交通癱瘓；同年10月26號，國陣巫統青年團號召逾三千人身穿黑衣到檳城州政府行政大樓外示威，要求被控貪污嘅州首長林冠英落台^[26][27]。

2018年9月，希盟執政後，檳城高庭遂宣佈林冠英同原屋主彭麗君被告案件撤銷^[28]。呢件事喺朝野同社交媒體引起千層浪，引起社會對新政府機構獨立性嘅質疑^[29][30]。

馬華檳州聯委會署理主席陳德欽抨擊林冠英同各行政議員到國外拜訪、招商同出席研討會，一共出國20次，最終換得來嘅卻是外資大幅度下跌。佢指出檳城州外資由2010年到2013年整整下跌82%，即係由2010年嘅104億5千110萬令吉劇降至2013年嘅17億9千439萬令吉^[31]。

林冠英反駁公款出國所謂嘅爭議係以國陣馬華民政嘅文告或者係記者招待會喺某個時刻對投資數額斷章取義扭曲事實目的之在爭對自己，稱2013年投資減少嘅爭議皆可以得到解釋：

檳城州喺2013同2014年出現大差距嘅投資額，其中一個原因係跨國企業都喺年杪做出投資決定，喺2013年杪定下嘅合作項目中，部份投資額被納入2014年嘅投資預算。如要精準掌握投資表現，一般會以6年嘅總投資額為分析基礎，檳城州喺2008至2013年嘅投資總額為410億令吉，較前朝政府2002年至2007年嘅210億令吉，增長近乎200億令吉或95% ^[32]。

同時候如果單以國陣馬華民政以林冠英嚇跑外資為由招開記者會，並以呢件事扭曲事實可以說不過去的污衊，因為2015年嘅外資，檳城仍然係馬來西亞第一名，高達45億令吉，佔全國外20.5%，而2014年檳城亦有51億令吉嘅外資，排名全國第三，係大馬工業發展局實實在在嘅數據，唔可能誣賴林冠英講咗一啲話造成2013年嚇跑外資，但喺2014、15年嘅外資卻又不被林冠英喺外國論壇對時政嘅批評嚇跑，仍然係全馬來西亞居冠軍同前三^[33][34]。

再睇睇國陣嘅民政黨喺2010年檳城各項投資仲末結算嘅時候就招開記者會曾經，以首兩個月嘅投資僅僅一億元要求林冠英辭掉國會議員專心治理檳城州，結果喺隔年嘅投資數據出爐檳城2010年所獲得嘅投資額創下檳城有史以來最高嘅投資額，亦係2010年全國最高嘅投資額，檳城首度成為獲得全國最高投資額嘅州屬，高達122億令吉，佔2010年全馬投資額嘅26%^[35][36]。

林冠英指喺2007年，亦係國陣執政嘅最後一年，檳城人均GDP總值係全國最低。國陣梁德明同鄧章耀指正林冠英，檳城2007年嘅人均GDP總值係全國第3名，最低係吉蘭丹；而喺希盟執政嘅2008至2014年，平均人均國內生產總值只有4.55%，成長率係馬來西亞全國所有州屬包括直轄區中，排名最低地區 ^[37][38]。

2012年2月19號，同當時嘅馬華總會長蔡細歷展開「王對王」辯論時，林冠英數次喺伊斯蘭國課題方面聲稱盟友伊斯蘭黨無殺過一個華人^[39]。

2015年3月19號，被問及有關吉蘭丹提呈伊刑法一事時林冠英無正面回應，只係以「Let it pass first」畀媒體自行詮釋呢句話意思^[40][41]。

2008年7月24號，林冠英喺記者會上批評登嘉樓政府購買馬賽地官車係奢侈嘅決定^[42][43]。但係，佢其後喺2013年曾經兩個月內更換兩次官車，其中包括馬賽地S300L，呢種做法引起廣大批評^[44][45]。林冠英堅稱買馬賽地S300L當官車，反而為納稅人省了35萬8955令吉^[46]。

2015年，玻璃市喺7月28號已有瘋狗癥疫情，之後疫情一路擴散到檳城州^[47]。

喺發生兩宗人感染瘋狗癥事件後，林冠英無視世界動物衛生組織（OIE）一再強調「集體疫苗」（mass vaccination）為最有效杜絕瘋狗病嘅方法，9月15號命令捕殺檳城州所有喺街頭遊蕩狗隻，涉及犬只約有4萬隻。屠狗令受到廣大市民、愛護動物協會同外國媒體批評^{[48][49][50][51][52]}。

林冠英強調採取如此強硬手段係為咗保護人民性命，唔會因為呢啲「路邊專家」而改變初衷，或者收回屠狗成命^[53][54]。

前首相納吉指出，聯邦法院裁決檳城州政府無賦權成立檳城州志願巡邏隊（PPS）嘅情況，顯示前朝政府指控呢個組織違法嘅立場正確。

佢以Facebook指出，時任檳城州首長林冠英曾因為前朝政府嘅決定，指責當局迫害檳城州政府，並稱當局欺騙同殘忍對待佢哋^[55]。

馬華會計師行向財政部長林冠英，詢問佢註冊會計師資格。而嗰間公司總裁魏家祥表示，佢收到嘅信息有奇怪:

“根據林冠英個人網站上發佈嘅信息，佢喺1983年成為註冊專業會計師，但係根據莫納什大學官方網站，佢喺1984年只獲得經濟學學士學位。

“坦率地講，我話我從來無懷疑過林冠英喺莫納什大學獲得嘅學位。但係，林冠英點樣可能喺1983年（即係從莫納什大學獲得學位前一年）成為一位註冊專業會計師？”佢嘅通過好有問題。

另外，佢亦提出一個問題，即係邊個國家會接受一個經濟學學士學位持有人作為一個註冊專業會計師。“如何認證註冊專業會計師？喺馬來西亞定係國外認可？

“我仲想知道邊啲國家願意接受經濟學學士學位人士成為一位註冊專業會計師？

作為一個始終高呼“信譽，問責制同透明度”（CAT）口號嘅政治領導人，林冠英唔應該保持沉默，請回答！”佢話。

喺指控一名內閣大臣擁有偽造學歷證書後，有關內閣大臣嘅教育問題引起咗激烈辯論^[56]。

2011年，林冠英到新加坡招商時批評柔佛並唔係一個安全嘅州屬，因為罪案不斷，而且同檳城比較，好容易被綁架^[57]。喺柔佛州蘇丹依布拉欣殿下怒責檳城首長林冠英對柔佛州治安發表嘅指控係無任何根據後，林冠英為佢喺新加坡嘅言論鄭重向柔佛州蘇丹道歉，但係依然堅持國陣所控制嘅媒體錯誤呈現佢嘅言論^[58][59]。

2013年9月5號，林冠英到香港招商時同移居香港嘅馬來西亞檳城僑民聚餐，喺佢演講當中提及大馬當前嘅罪案同貪污問題，畀國陣人士包括部長同黨要藉住旗下嘅英語報紙媒體攻擊林冠英喺投資者面前貶低國家形象。林冠英隨即喺9月11號發表文章駁斥呢項指控，佢要求國陣部長同國陣控制嘅英文主流媒體應該停止荒謬同惡意嘅謊言，指控佢喺香港招商時，喺投資者面前貶低馬來西亞，林冠英要求國陣部應該去補習英文加強佢哋嘅英文詞匯，因為佢會見嘅係檳城僑民(Penang diaspora)，而唔係投資者，亦諷刺馬來西亞英文退步咗咁多，連國陣聯邦部長同國陣控制嘅英語媒體詞彙造詣亦咁差，連diaspora係指僑民嘅意思亦唔識。林冠英亦喺文告中要求只刊佢遭受攻擊嘅英語媒體，可以依照佢之前已公開寄俾所有媒體嘅講詞，因為相關媒體之前並無刊登，等到國陣展開攻擊就直接刊登攻擊林冠英貶低國家形象嘅新聞^[60][61][62]。

2015年4月國會開會期間，林冠英同劉鎮東國會議員以到澳洲出席活動為由缺席國會對2015年防恐法案（POTA）嘅表決^[63][64]。事後林冠英唔滿意華文報記者追問佢做咩缺席國會表決，堅持唔回答之外，仲怒斥記者欺善怕惡^[65]。

2015年4月，林冠英接受外國BBC中文網訪問時話，自己基本上係為全馬來西亞人民謀福，如果只係為了華裔嘅話，佢早就跳去馬華公會喇^[66]。

2016年1月3號，林冠英為姓周橋橋民拉橫幅抗議州政府將喺天公誕期間喺姓周橋辦文化表演，同橋民辦嘅天公慶典打對台事件大動肝火，教訓姓週橋僑民：「這不是你爸的地」，並喺記者會上對姓周橋名譽顧問周呈慧使用「Lut」字眼（福建話內較為粗俗字眼，可以解讀為多個意思，分別係『幹』、『鳥』、『弄』同『罵』）^[67][68]。

2017年1月19號，林冠英出席由行動黨檳州浮羅山背國會聯委會主辦的行動黨50週年宴，喺演講時將唔認同佢政績嘅檳城市民貶為殭屍：「對那些『殭屍』不必浪費時間，因為我們是人，要講人話。」^[69][70]

2018年5月12號，馬來西亞大選之後，敦馬哈迪再度拜相，並喺當日召開記者會公佈內閣部長人選時，委任林冠英出任財政部長職位。當林冠英喺記者會畀媒體詢問華人已44年無擔任大馬財長一職時，佢以英語說：「抱歉，我並唔會自稱係華人，我係馬來西亞人」（Sorry, I don't consider myself as a Chinese, I'm a Malaysian）強調自己係全馬來西亞人嘅財政部長^[71]。呢句話在當時並無咩大問題，但係之後就成為批擊佢嘅一個說詞，因為佢在任內無法以身作則，讓他飽受詬病^[72][73]。