宋又叫大宋或者宋朝（粵拼：daai6 sung3）係中國史上一個朝代，皇室係涿郡趙氏，國史中一段重要時期。按南渡避金人做時間點，分北宋、南宋，分別京都係汴京同埋臨安，基於呢兩個時期，而叫兩宋（loeng5 sung3），共享國長達319年，（因漢朝曾經中斷過）宋朝係中國建立皇帝制度後最長嘅一個中國朝代。皇室姓趙，所以又叫趙宋（ziu6 sung3），按五行始終說，宋朝五行屬火，所以叫炎宋（jim4 sung3）、火宋（fo2 sung3）。

趙宋之前係處於分裂局面嘅五代十國。宋朝立國皇帝趙匡胤本來係五代後周一個禁軍將領。一次邊報遼國入侵，佢出兵打仗，中途發生陳橋兵變，趙匡胤黃袍加身做咗皇帝，自此宋朝立國。宋朝經過趙匡胤同佢細佬宋太宗趙光義嘅努力，終於統一咗全中國；但由於未能收復燕雲十六州，所以成個趙宋時代深受外患影響，國土亦唔能夠同唐、漢相比。

宋朝係一位作風比較進取嘅朝代^[1]，因為宋朝要面對嘅係兩個強國──遼國同西夏。遼國同西夏經常都蝦宋朝，宋朝需要喺財政上落多啲工夫。其中最出名嘅係「熙寧變法」。

之但係遼國滅亡之後，取而代之嘅係金國。金國佔領咗宋朝大半土地，宋朝被迫南下，最後建立咗南宋。南宋一直都只能夠守住江南，再都攻唔番，最後重響1279年俾蒙古人消滅。

南宋末年，宋端宗同宋帝昺兩兄弟，走難過香港一帶，九龍城留有宋王臺古蹟，以作紀念。

宋朝一路同北方一啲國家對立，好似遼國、金國、西夏等等，打仗打唔贏，俾人迫到簽和約，向呢三個國家進貢。一路到蒙古人消滅為止，都係咁樣。

宋初，南唐違命侯李煜雖然係亡國君，但佢憑《虞美人》得到「詞聖」美譽。後來宋朝文人輩出，主要代表有大文豪蘇東坡、女詞人李清照、寺廟苦讀嘅政治人物范仲淹、畫荻教子嘅文章大家歐陽修、書法家黃山谷，生擒叛徒嘅領軍文人辛棄疾都係以詞著名，有中國文學黃金時期之稱。

宋朝嘅主流宗教係道教，宋真宗同宋徽宗都信道教。宋徽宗甚至自稱「道君皇帝」。其他宗教有祆教、摩尼教、回教、猶太教同景教。

哲學方面，宋朝興理學，主要代表有程顥、程頤、朱熹。

科學方面，有沈括，畢昇。

宋朝係一個比較注重經濟嘅朝代。宋朝嘅皇帝對外都係以銀兩或者布匹同外族講和，相當於而家嘅「金錢外交」。北宋嗰陣嘅首都汴京（家下嘅開封），另有北京大名府、西京河南府(府治洛陽)、南京應天府，汴京係宋朝喺北方嘅經濟重心，主要都係對外貿易為主。而喺江南沿岸重有多個通商口岸，買賣貨品到東洋、南洋等地。

明朝施耐庵嘅《水滸傳》以宋朝宋江起義做背景。金庸嘅《天龍八部》、《射鵰英雄傳》，《神雕俠侶》都係以宋朝做背景。

維基同享有多媒體嘅嘢：
Song Dynasty

  呢篇趙宋係一篇關於歷史嘅楔位文章。你可以編輯呢一版嚟充實內容。