漢（粵拼：hon3；221年-263年），亦叫漢國或者季漢（gwai3 hon3），因爲喺今日四川，卽古蜀之地，又叫蜀漢（suk6 hon3）或者蜀。國係劉備所建，自稱繼承漢統，自立爲漢帝，國土領有今四川等地，因而又叫劉蜀（lau4 suk6）。佢同魏、吳並立，是爲三國。漢有二帝，歷四十三年，爲魏所滅。

呢國史多數係晉陳壽所寫，而晉尊魏爲正統，而魏則自視承繼漢統。所以《三國志》，漢國唔叫漢，而叫蜀。後世人甚至誤以爲蜀係國號。

開國君主劉備，開頭投靠其他勢力，但佢投奔過都滅亡。

後尾佢有自己嘅軍隊，同埋軍師諸葛亮，就佔領四川，建立漢，定都成都。

劉備好快就死咗，佢個仔劉禪雖然係三國入面在位最長嘅皇帝，但就唔係好皇帝，要靠大臣治理蜀漢，抵抗魏國同吳國。但係個朝政越嚟越荒廢，連軍師諸葛亮都死埋，朝政又多分歧。

國政敗壞，軍隊又操得少，最後由魏國司馬昭攻蜀，喺263年八月派征西將軍鄧艾、中護軍諸葛緒同埋鎮西將軍鍾會三面攻蜀，劉禪投降，漢亡。

諷刺嘅係，劉禪喺魏重住得好過喺蜀，佢唔想復國，重講埋「樂不思蜀」呢句話。

• 先主 烈祖 昭烈皇帝 劉備（221年–223年），年號章武
• 後主 孝懷皇帝 安樂思公 劉禪（223年–263年）

• 章武（221年–223年）
• 建興（223年–237年）
• 延熙（238年–257年）
• 景耀（258年–263年）
• 炎興（263年）