徐光啓
![](https://upload.wikimedia.org/wikipedia/commons/thumb/0/0d/%E5%BE%90%E5%85%89%E5%95%9F.jpg/220px-%E5%BE%90%E5%85%89%E5%95%9F.jpg)
徐光啓(1562年4月24日-1633年11月8日),字子先,號玄扈,天主敎聖名保祿(拉丁語:Paulus),諡文定,南直隸松江府上海縣人,嘉靖四十一年(1562年)徐光啓勒太卿坊出生(今朝上海市黃浦區喬家路)。伊是明朝末年儒學、西學、天學、數學、水利、農學、軍事學等領域學者,科學家、思想家、政治家、軍事家,天主敎敎友領袖搭護敎士,於崇禎朝官至禮部尚書兼文淵閣大學士、內閣次輔,任上在拉北京死脱。
来勒当代中华人民共和国个叙事当中,徐光啓畀定义成中西文化交流搭中國近代科學技術事業个先驅。而关于伊搭天主教个密切关系,一般弗会提到或者轻描淡写。
徐光啓頂著名个事蹟之一是伊交利瑪竇合作漢譯歐幾里得《幾何原本》前6卷,其中譯定个一眼重要術語沿用至今。另外,伊親自或組織他人交來華天主敎傳敎士合作編譯仔其他一系列漢文西書。徐光啓是百科全書式个人物,其盡晚年心血个主要工作是編纂集中國古代農學之大成个《農政全書》搭系統介紹西方古典天文學(主要是第穀體系)理論和方法个《崇禎曆書》等百科全書式叢書巨著。徐光啓還著有軍事文集《徐氏庖言》交數量可觀个天主敎傳道護敎文章。徐光啓病逝後,李之藻輯大量徐光啓譯著等成叢書《天學初函》刊行。
徐光啓爲官清廉,《明史•徐光啓傳》有“蓋棺之日,囊無餘貲”个記載,《罪惟錄》話伊“官邸蕭然,敝衣數襲外,止著述手草塵束而已”。
勒西學方面啟蒙於郭居靜、受敎於主要合作者利瑪竇,徐光啓深感中國傳統學術於邏輯个嚴重欠缺搭中國數學个停滯落後,告咾高度重視演繹推理,以數學爲著力點,宣導數學个研習、普及交應用;同時,伊以理論指導實踐,長期身體力行地進行天文、水利、農業等方面个科學實驗搭測量以及天文望遠鏡、西式火炮等个製造,歸納總結實踐經驗。徐光啓生活勒16世紀末、17世紀初,與培根、伽利略、笛卡兒等西歐學術名家同時代且並駕齊驅,勒有眼方面或有過之而無勿及。勒對待西學交西方文明个態度問題上,遠早于且勿同於清末魏源“師夷長技以制夷”、馮桂芬“中體西用”等思想,徐光啓勿僅試圖組織人才隊伍勒道理搭技藝各層面虛心學習交利用西方優秀文明成果(“博求道藝之士,虛心揚榷,令彼三千年增修漸進之業,我歲月間拱受其成”),還提出仔逐步而全面个理解、融匯並超越(“欲求超勝,必須會通;會通之前,先須翻譯。”)个發展路線。
堅持無神論立場、獨立自主自辦敎會原則外加曾與梵蒂岡長期交惡个中共當局側重於宣傳其爲“愛國科學家”。但近年來,中國內地學界搭輿論已開始公開強調徐光啓近乎“中國向西方尋找思想个第一人”个歷史地位交虔誠天主敎徒个敏感身份。
徐光啓希望以“修身事天”个基督敎信仰匡救時弊,挽回世道人心,“補儒易佛”,改良中華文化。徐保祿閣老是羅馬大公敎會漢傳開敎之初熱忱而忠貞个敎友領袖搭護敎士,是中國基督敎史上影響力最大、官位最高个奉敎士大夫,2011年撥譽爲中國天主敎“聖敎三柱石”之首。1933年,徐光啓撥天主敎上海敎區宣告爲“天主之僕”,啟動列真福品案;2010年前後,利瑪竇、徐光啓列真福品案分別重啟。天主敎上海敎區搭利瑪竇家鄉所在天主敎敎區已分別啟動爲二家頭宣福列聖作預備个調查審核程式,迭一階段伊拉个頭銜是“天主之僕”,多年後勿排撥聖座宣佈爲真福者搭聖人。
徐光啓作爲近現代上海个“人文始祖”、海派文化个奠基人交標誌性人物,撥稱爲“徐上海”、“上海文明个肇始者”等,也撥認爲是“第一位近代意義上个上海人”。
崇禎七年(1634年)以一品官規格賜域賜葬,派專使護靈柩歸葬上海,因時局不靖,暫厝於上海縣城大南門外个雙園別墅;崇禎十四年(1641年)營葬於松江府上海縣高昌鄉二十八保六圖西南隅(今上海市徐匯區徐家匯光啟公園)。墓地附近形成村落,後撥稱之爲徐家匯。
參見
[编辑]Text is available under the CC BY-SA 4.0 license; additional terms may apply.
Images, videos and audio are available under their respective licenses.