Šumih
Шумиха

Lidnanznam	Flag
Valdkund	Venäma
Eläjiden lugu (2021)	17,141 ristitud
Pind	28,16 km²
Pämez'	Anatolii Kozlov (kül'mku 2010—)
Telefonkod	+7−35 245-xx-xxx
Avtokod	45
Aigvö	UTC+5 (MSK+2)

Šumih (ven.: Шуми́ха) om Venäman lidn da lidnankund Kurganan agjan päivlaskmas. Se om Šumihan rajonan administrativine keskuz.

Eländpunktan aluz om pandud Transsiban raudtestancijaks vl 1892. Kätihe žilod stancijanno lidnaks vl 1944.

Šumih šingotase torvenarmaturan edheotandal i raudtelibutimiden tegimel, sömtegimištol (maidedheotandad, leibän i paštatesen pästand, villänelevator i kombisömän tehmine), mebel'fabrik radab, mugažo uranan samižen edheotand baziruiše lidnas.

Lidn sijadase Uralantagaižes, 170 m ü.m.t. keskmäižel korktusel. Matkad Kurganhasai om 131 km päivnouzmha orhal, 146 km avtol vai raudtel. Lähembaine lidn om Ščučje 34 km päivlaskmha orhal, 39 km «Irtiš»-avtotrassadme (R-254) vai Transsib-raudtedme. Trass om saudud 2 kilometras lidnan pohjoižröunaspäi.

Šumih om lidnankundan üks'jäine eländpunkt.

Vn 2010 Venäman rahvahanlugemižen mödhe eläjiden lugu oli 17 819 ristitud, rajonan kaks' koumandest. Kaikiš suremb lidnan ristitišt oli 20..21 tuh. eläjid vll 1967−2001 (21 984 rist. vl 1989).

Šumihan agrariž-sauvondkolledž^[1] om professionaližen opendusen aluzkundaks.

• 
  Adivpert' i vezičuhunduz (2012)
• 
  Laukad vl 2012
• 
  Vändlavut lapsiden täht (2012)
• 
  Šumih-päraudtestancijan sauvuz vl 2012

1. ↑ Šumihan agrariž-sauvondkolledžan sait (шаск.рф). (ven.)

• Lidnan tobmuden aluzkundoiden oficialine sait (shumihaadm.ru). (ven.)

Šumih (lidn) Vikiaitas