అన్నవాహిక
వికీపీడియా నుండి
అన్నవాహిక | |
---|---|
Head and neck. | |
Digestive organs. (Esophagus is #1) | |
లాటిన్ | œsophagus |
గ్రే'స్ | subject #245 1144 |
ధమని | esophageal arteries |
సిర | esophageal veins |
నాడి | celiac ganglia, vagus[1] |
Precursor | Foregut |
MeSH | Esophagus |
Dorlands/Elsevier | e_16/12343479 |
అన్నవాహిక, ఆహారవాహిక, అన్ననాళం, ఆహారనాళం ఒక కండరాలతో చేయబడిన నాళము. ఇది ఆహారాన్ని గొంతు నుండి జీర్ణకోశానికి చేర్చుతుంది. ఇది ఇంచుమించు 25 సెం.మీ. పొడవుంటుంది. దీని చివరిభాగం ఉదరంలో ఉంటుంది.
నిర్మాణము
[మార్చు]అన్నవాహికలోని ముఖ్యమైన భాగాలు:[2]
- ఉపకళా కణజాలము
- కండరాలు:
- ప్రధమ భాగం: చారల కండరాలు
- మధ్య భాగం నునుపు కండరాలు, చారల కండరాలు,
- మూడవ భాగం: ప్రధానంగా నునుపు కండరాలు.
పనులు
[మార్చు]ఆహారాన్ని మ్రింగుట
[మార్చు]అన్నవాహిక మానవుని జీర్ణవ్యవస్థలోని మొట్టమొదటి భాగము. మనం భుజించిన ఆహారం నోటిలో నుండి క్రిందికి జారి మ్రింగుట ద్వారా ఫారింక్స్ లోనికి ఆ తర్వాత అన్నవాహికలోనికి ప్రవేశిస్తుంది. అన్నవాహిక ద్వారా కదలిన ఆహారం జీర్ణకోశం చేరుతుంది.[3] మనం ఆహారాన్ని మ్రింగినప్పుడు ఎపిగ్లాటిస్ వెనుకకు గొంతును కప్పివుంచుతుంది. అందువలన ఆహారం శ్వాసమార్గాలలోకి ప్రవేశించకుండా నిరోధించబడుతుంది. అదే సమయంలో అన్నవాహిక ముందుభాగంలోని కండరాలు వ్యాకోచించి, ఆహారం అందులోనికి ప్రవేశించడానికి అవకాశాన్ని కల్పిస్తుంది. అన్నవాహిక కండరాల సంకోచ వ్యాకోచాల మూలంగా ఆహారం క్రమంగా క్రిందికి కదలుతుంది. ఆ సమయంలోనే అన్నవాహిక క్రిందభాగంలోని కండరాలు వ్యాకోచించి ఆహారం అన్నకోశంలోని ప్రవేశించడానికి తోడ్పడుతుంది.[3]
అన్నకోశపు ఆమ్లాలు వెనుకకు రాకుండా నిరోధించుట
[మార్చు]జీర్ణకోశం చాలా గాఢమైన ఆమ్లాలను ఉత్పత్తి చేస్తుంది. జీర్ణకోశపు స్రావాలలో హైడ్రోక్లోరిక్ ఆమ్లంతో పాటు, పొటాషియం క్లోరైడు, సోడియం క్లోరైడు లవణాలు ఆహారం జీర్ణం కావడానికి ఉపకరిస్తాయి. అన్నవాహిక క్రింది భాగంలోని కండరాలు సంకోచించడం వలన ఈ జీర్ణకోశ స్రావాలు వెనుకకు తిరిగి ప్రవేశించకుండా నిరోధించబడతాయి. ఇదే కాకుండా ఆ ప్రాంతంలోని లఘుకోణం, డయాఫ్రం కండరాలు కూడా ఇందులో కొంత పాత్ర పోషిస్తాయి.[3][4]
వ్యాధులు
[మార్చు]- గ్యాస్ట్రో ఈసోఫేగల్ రిఫ్లెక్స్ వ్యాధి: జీర్ణకోశం లోని హైడ్రోక్లోరిక్ ఆమ్లం పైకి రావడం మూలంగా అన్నవాహిక వాచి అల్సర్ లు ఏర్పడవచ్చును.
- అన్నవాహిక కండరాలు అధికంగా స్పందించి మనం తినే ఆహారానికి అడ్డం పడే అవకాశం ఉంది.
- శిలీంద్రాల మూలంగా కూడా అన్నవాహిక వాపు ఏర్పడి, రక్తస్రావం కలుగువచ్చును.
- అన్నవాహిక కండరాల నుండి ట్యూమర్లు ఏర్పడవచ్చును. వీటిలో ముఖ్యమైనది లియోమయోమా.
- అన్నవాహిక కాన్సర్ అన్నింటి కన్నా ప్రమాదకరమయినది. ప్రారంభంలో ఆహారం మింగడానికి కష్టం కలిగించి, చివరి దశలో పూర్తిగా ద్రవాలతో సహా వేటినీ తిననీయకుండా చేసి ఉపవాసంతో మనిషిని చంపేస్తుంది.
మూలాలు
[మార్చు]- ↑ Physiology at MCG 6/6ch2/s6ch2_30
- ↑ మూస:BUHistology
- ↑ 3.0 3.1 3.2 Hall, Arthur C. Guyton, John E. (2005). Textbook of medical physiology (11th ed.). Philadelphia: W.B. Saunders. pp. 782–784. ISBN 978-0-7216-0240-0.
((cite book))
: CS1 maint: multiple names: authors list (link) - ↑ "Neuromuscular Anatomy of Esophagus and Lower Esophageal Sphincter - Motor Function of the Pharynx, Esophagus, and its Sphincters - NCBI Bookshelf". Ncbi.nlm.nih.gov. 2013-03-25. Retrieved 2013-04-24.
మానవ శరీర భాగాలు | |
---|---|
శరీరంలో వ్యవస్థలు | జీర్ణ వ్యవస్థ · మూత్ర వ్యవస్థ · రక్త ప్రసరణ వ్యవస్థ · నాడీ వ్యవస్థ · శ్వాస వ్యవస్థ · పురుష జననేంద్రియ వ్యవస్థ · స్త్రీ జననేంద్రియ వ్యవస్థ · శోషరస వ్యవస్థ · అస్థిపంజర వ్యవస్థ |
తల, మెడ | మెదడు · ముఖం · చెవులు · కళ్ళు · నోరు · నాలుక · పళ్ళు · ముక్కు · స్వరపేటిక · గొంతు · లాలాజల గ్రంధులు · పియూష గ్రంధి · అవటు గ్రంధి (థైరాయిడ్) · పారాథైరాయిడ్ గ్రంధి |
వీపు | |
ఛాతీ | |
ఉదరము | జీర్ణకోశం · పేగులు (చిన్న ప్రేగు+పెద్ద ప్రేగు) · కాలేయం · ప్లీహము · క్లోమము · మూత్రపిండాలు
· అధివృక్క గ్రంధి (అడ్రినల్ గ్రంధి) · ఉండుకము (అపెండిక్స్) |
కటి | కటి (పెల్విస్) · త్రికాస్థి/త్రికము · గుదాస్థి/అనుత్రికము · అండాశయాలు
· ఫెలోపియన్ నాళాలు · గర్భాశయం · యోని · క్లైటోరిస్ · మూత్రాశయం · వృషణాలు · శుక్రకోశం · శుక్రవాహికలు · పౌరుష గ్రంథి · పురీషనాళము · గుదము · శిశ్నము |
కాళ్ళు, చేతులు | |
దంతములు |
Text is available under the CC BY-SA 4.0 license; additional terms may apply.
Images, videos and audio are available under their respective licenses.