सातारामण्डलम् Satara District सातारा जिल्हा
मण्डलम्
महाराष्ट्रराज्ये सातारामण्डलम्
देशः	India
जिल्हा	सातारामण्डलम्
उपमण्डलानि	सातारा, कराड, वाई, महाबळेश्वरम्, फलटण, माण, खटाव, कोरेगाव, पाटण, जावळी, खण्डाळा
विस्तारः	१०,४८४ च.कि.मी.
जनसङ्ख्या(२०११)	३०,०३,७४१
Government
• मण्डलसङ्गाहकः (District Collector)	डा एन् रामस्वामी
Time zone	UTC+५:३० (भारतीयमानसमयः(IST))
Website	http://satara.nic.in

सातारामण्डलं (मराठी: सातारामण्डलम्, आङ्ग्ल: Satara District) महाराष्ट्रराज्ये स्थितं मण्डलम् । अस्य मण्डलस्य केन्द्रं सातारा इत्येतन्नगरम् ।

सातारामण्डलस्य विस्तारः १०,४८० च.कि.मी. अस्ति । अस्य मण्डलस्य पूर्वदिशि सोलापुरमण्डलं, पश्चिमदिशि रत्नागिरिमण्डलम्, उत्तरदिशि पुणेमण्डलं, रायगडमण्डलं च, दक्षिणदिशि साङ्गलीमण्डलम् अस्ति । अस्मिन् मण्डले १,४२६ मि.मी.वार्षिकवृष्टिपातः भवति । अत्र प्रवहन्त्यः प्रमुखनद्यः सन्ति कृष्णा, कोयना, नीरा, वेण्णा, उरमोडी, तारळा, माणगङ्गा च ।

सातारामण्डलस्य जनसङ्ख्या(२०११) ३०,०३,७४१ अस्ति । अस्मिन् १५,१०,८४२ पुरुषाः, १४,९२,८९९ महिलाः च सन्ति । अस्मिन् मण्डले प्रति च.कि.मी.मिते क्षेत्रे २८७ जनाः वसन्ति अर्थात् अस्य मण्डलस्य जनसङ्ख्यासान्द्रता प्रति च.कि.मी. २८७ जनाः । २००१-२०११ दशके अस्मिन् मण्डले जनसङ्ख्यावृद्धिः ६.९३% आसीत् । अत्र पुं-स्त्री अनुपातः १०००-९८८ अस्ति । अत्र साक्षरता ८२.८७% अस्ति ।

अस्मिन् मण्डले एकादश उपमण्डलानि सन्ति । तानि-

• सातारा
• कराड
• वाई
• महाबळेश्वर
• फलटण
• माण
• खटाव
• कोरेगाव
• पाटण
• जावळी
• खण्डाळा

कृष्णा-कोयने प्रमुखनद्यौ । कृष्णानदी दक्षिणभारते प्रवहन्तीषु दीर्घनदीषु अन्यतमा । सातारामण्डलं प्राकृतिकवैशिष्ट्यैः पूर्णं, यथा उच्चपर्वतावल्यः, शैलप्रस्थानि, वनविभागाः च । सागरस्तरतः ४५०० पादोन्नतप्रदेशे स्थितमिदं मण्डलम् । तापमान-पर्जन्यमानदृष्ट्या विविधतापूर्णः एषः प्रदेशः । अस्य मण्डलस्य पर्वतप्रदेशे बहवः प्रसिद्धाः दुर्गाः सन्ति ।

मण्डलेऽस्मिन् कृषिः प्रमुखोपजीविकासाधनम् । तण्डुलः, यवनालः(ज्वारी‌), 'बाजरी', गोधूमः, किणः(corn), 'स्ट्रोबेरी', चणकः, इक्षुः, कार्पासः, कलायः, शिम्बी(घेवडा), 'सोयाबीन', आलुकम् इत्यादीनि अस्य मण्डलस्य प्रमुखसस्योत्पादनानि सन्ति ।

मण्डलेऽस्मिन् ८१.०१% जनाः ग्रामेषु, १८.९९% जनाः नगरेषु च निवसन्ति । मण्डलेऽस्मिन् १,७३९ ग्रामाः, १५ नगराणि च सन्ति । ग्रामेषु प्रायः सर्वे कृषिव्यवसायसम्बन्धिकार्येषु रताः । सातारा, कराड, फलटण, वाई स्थानेषु उद्यमाः अधिकाः सन्ति । मण्डलेऽस्मिन् बहूनि प्रेक्षणीयस्थलानि सन्ति अतः पर्यटनसम्बन्धिताः व्यवसायाः अपि प्रचलन्ति अत्र ।

बहूनां व्यक्तिविशेषाणां कार्यस्थलं वा जन्मस्थलमस्ति सातारा मण्डलम् । यथा समर्थ रामदास स्वामी, रामशास्त्री प्रभुणे, प्रतापसिंह महाराज,राज्ञीलक्ष्मी बाई क्रान्तिसिंह नाना पाटील, सावित्रीबाई फुले, यशवन्तराव चव्हाण, कर्मवीर भाऊराव पाटील, राजमाता सुमित्राराजे भोसले, खाशाबा जाधव ।

अस्मिन् मण्डले बहूनि प्रसिद्धानि वीक्षणीयस्थलानि सन्ति । तानि -

1. सज्जनगड-दुर्गः
2. प्रतापगड-दुर्गः
3. शिखर-शिङ्गणापुर
4. श्रीभैरवनाथ-मन्दिरम्
5. महाबळेश्वरम्
6. वासोटा-दुर्गः
7. अजिङ्क्यतारा-दुर्गः
8. कास-सरोवरः
9. नटराजमन्दिरम्
10. ठोसेघर
11. शिवाजी-सङ्ग्रहालयः
12. भवानी-सङ्ग्रहालयः
13. कोयना-अभयारण्यम्

• Satara goes Global Archived २०१०-०५-०४ at the Wayback Machine
• Satara district website Archived २०१४-०५-१६ at the Wayback Machine
• History Archived २००८-०२-१९ at the Wayback Machine
• Map of Archived २०१४-०६-०४ at the Wayback Machine Maharashtra.
• Satara District Main Roads and Railways Archived २००९-०३-०४ at the Wayback Machine
• Physical Map of Satara District Archived २००९-०३-०४ at the Wayback Machine
• Zilla Parishad Website
• मराठी विश्वकोश:

		पुणेमण्डलम्, रायगडमण्डलम्
	रत्नागिरिमण्डलम्		सोलापुरमण्डलम्
		सातारामण्डलम्
		साङ्गलीमण्डलम्